Ich leeve nur em Winter, höchstens vier Woche lang.
En nem schöne kleine Jade. Un Sunndachs steche se mich ahn.
Ich han drei Kolleje, Die sin miehstens us wie ich.
Un keiner vun uns weiß, wer et als eetzter erwisch.
Ich ben e Azvenzkranzkäzje, ich levve nit lang.
Einmol em Johr, wenn ich Pech han nur en Woch, steche se mich ahn.
Ich ben a Azvenzkranzkäzje, es dat nit unjerääsch,
Minge Broder dr es besser dran, dä es et iwije Leech.
Minge Broder dr es besser dran, dä es et iwije Leech.
Kääze wulle brenne, Doch dr Minsch dr weiß dat nit,
Ich dät sujän ming Pflich dun, Doch et kütt halt wie et kütt.
Kaum weed mer usjeblose, Stich dich der nächste widder ahn.
Am schlimmste es et blose nohm Esse, Met ner Knoblauchfan.
Ich ben e Azvenzkranzkäzje, ich levve nit lang.
Einmol em Johr, wenn ich Pech han nur en Woch, steche se mich ahn.
Ich ben a Azvenzkranzkäzje, es dat nit unjerääsch,
Minge Broder dr es besser dran, dä es et iwije Leech.
Minge Broder dr es besser dran, dä es et iwije Leech.
(Bridge)
Ich bin heiß, ich bin heiß, ich will brenne,
Kääze künne doch su vill verzälle.
Nur leider sullt et wohl bei mir nitsu sin,
Weil ich jo nur e Azvenzkranzkäzje ben
Ich ben e Azvenzkranzkäzje, ich levve nit lang.
Einmol em Johr, wenn ich Pech han nur en Woch, steche se mich ahn.
Ich ben a Azvenzkranzkäzje, es dat nit unjerääsch,
Minge Broder dr es besser dran, dä es et iwije Leech.
Minge Broder dr es besser dran, dä es et iwije Leech.
De Luff he drusse es kalt, et nieselt un friert,
d´r Wind es scharf wie e Metz.
Ich ben dick verpack en ner jraue Deck,
met ner Fläsch Schabau, dä es jot för et Hätz.
Veezehn Johr lang ben ich he schon ze Huss,
em eetze Boge unger d´r Hohenzollernbröck.
Och wenn´t anders ussüht, ich han alles wat ich bruch
en mingem Enkaufswage, op zwei Quadratmeter Jlöck.
Frohe Weihnacht, leev Mamm, frohe Weihnacht, leeve Papp,
frohe Weihnacht, wat wör dat schön,
ens widder janz noh bei üch ze sinn.
Frohe Weihnacht, leeve Papp, frohe Weihnacht, leev Mamm,
frohe Weihnacht, wie lang es dat her?
Sulang, dat ich mich kaum erinnere kann.
De Lück sin hück jet fründlicher als söns,
doch se hetze an mir vorbei, wat dun die mir leid.
De Jlocke vum Dom, ich hür se su jän,
noch ne Schluck Schabau, wie jot dat deiht...
En kleine Kääz han ich mir selvs ahnjemaat,
die Flamm danz tapfer em Wind.
Un et hölt mich widder en, su wie jedes Johr,
dat Jeföhl wie et wor - als Kind.
Frohe Weihnacht, leev Mamm, ...
Ohoh – lalalalalalala…
Ohoh – lalalalalalala…
Loss mer uns ens jet besinne,
loss mer Chressdaachsleeder singe,
Frohe Weihnacht he un övverall.
Denn et Johr verjing su flöck,
sag wo es dann bloß die Zick,
Frohe Weihnacht he un övverall!
Nur noch einmol schlofe,
dann es hellije Naach,
ich kann et kaum erwaade,
och die Pänz, die lijje wach.
Dann weed et letzte Dürche,
em Kalender opjemat,
wat freu ich mich op die Zick,
mer han e Johr lang drop jewat!
Loss mer uns…
Wat ich mir wünsche,
dat verrot ich jän,
Respekt un Dankbarkeit,
su schwer kann dat nit sin…
Un dat nit nur zor Weihnachtszick,
am leevste et janze Johr,
met jedem Leed weed et Stöck för Stöck,
vielleich am Eng jo wohr?
Samsdaachmorje veedel noh zehn,
Ich steije us dr Bahn.
Minschemass, Schilderjass,
Mer kann weder jon noch ston.
Bilder su wie koot noh´m Krech,
Et künnt jo sin, dat schon morje,
Et nix mieh he ze kaufe jöv,
Dröm müsse mer dat all schon hück besorge.
Un jet kleines för der Jupp, un jet kleines för et Nett,
Un jet kleines för der Will, der suwiesu schon alles hätt...
Un se marschiere wie de Diere,
Durch de Stroße un de Jasse,
Un övver allem litt ne söße Duff,
Ich jläuv Weihnachte litt en dr Luff.
An jeder Kass waatste stundelang,
Steihs immer en der falsche Schlang.
Dat Jedudel un de Musik öm dich röm,
Mät dich ald langsam bang. (Chor: Fröhliche Weihnacht)
An jeder kleine Eck dun se kaufe wie jeck,
Wat se bruche oder och nit,
Denn wat mer hät, dat hät mer,
Un dat nemmt keiner mieh weg.
Un jet kleines für de Mamm, un jet kleines für dr Papp,
Jottseidank jitt et en MasterCard!
De Zick, se es verflore,
wo sin all die Johre,
saach, han mer uns nit irjendwo
schon ens jesinn?
Jrad en d’r dunkle Johreszick,
do merk mer schnell, de Uhr se tick,
manchmol schneller,
als mer et verdeent…
Ald widder es Advent, un de Kääze, se brenne,
eetz eins, dann zwei, dann drei, dann vier!
Un wenn et fünfte Kääzje brennt,
dann häste Weihnachte verpennt,
do luurste nur, do määste nix,
jo et es wohr un keine Wetz:
wenn et fünfte Kääzje brennt,
dann häste Weihnachte verpennt,
dröm pass op, un jeff joot Aach,
et jitt nur ein hellije Naach!
Em Ähnz, et es verröck,
wie schnell dat all doch jeiht,
de eetzte Weihnachtsplätzche,
jitt et längs ald em Aujuss.
Doch do schöddle mer me’m Kopp,
un jonn durch der Supermaat,
weil mer su ne Krom,
doch lang noch nit bruch.
Ald widder es Advent, un de Kääze, se brenne,
eetz eins, dann zwei, dann drei, dann vier!
Et janze Huus stink noh Raclette,
un de Pänz sin nit mieh janz su nett,
de Papiertonn quillt övver
un do bes einfach nur satt un platt…
…om Sofa fessjewaaße,
keine Minsch es op der Stroße,
t’jitt keine Zweifel, welche Daach hück es,
och wenn do keine Kalender häs:
Et es der zweite Weihnachtsdaach,
joot, dat et nit noch mieh jitt.
Et es der zweite Weihnachtsdaach,
weil et langsam ald wieh deiht:
Esse, esse, drinke, drinke,
schlofe, schlofe, winke, winke,
zick der hellige Naach.
Ich weede nit mieh richtig wach,
am zweite Weihnachtsdaach.
En janze Flut vun Jeschenke,
steiht jetz röm op de Schränke,
et dritte Pärche Weihnachtssocke,
saach, wat han ich bloß verbroche.
Doch aff morje weed et anders,
ich mache Sport und Diät,
han ich mir jraad om Sofa övverlaat,
zumindest bes Silvester kütt…
Et es der zweite Weihnachtsdaach,
joot, dat et nit noch mieh jitt.
Et es der zweite Weihnachtsdaach,
weil et langsam ald wieh deiht:
Esse, esse, drinke, drinke,
schlofe, schlofe, winke, winke,
zick der hellige Naach.
Ich weede nit mieh richtig wach,
am zweite Weihnachtsdaach.