En Reis en et Nirjendwo, die irjendwann kütt,
muss jeder ens maache, ov hä well – oder nit.
Och wenn´t janz simpel klingk, su es et manchmol schwer,
zo verstonn wo jonn ich hin, un wo kohm ich her?

Un jetz ben ich en de Wolke doheim,
sinn üch do unge, op der Ääd janz klein,
wie ihr he erop lurt un üch bal der Hals verrenk,
dot dat, doch sidd jlöcklich – jede Daach es e Jeschenk.
Dot dat, doch sidd jlöcklich – jede Daach es e Jeschenk!

Ich hatt noch su vill vüür, doch für nie jet Zick,
wenn mer doch fröher wöss, wat späder passeet.

He ovve es et schön, he deiht mer nix mieh wieh,
doch hätt ich leever Ping, un loot met üch en de Hüh.

Un jetz ben ich…