Roof et letzte Taxi,
ich han längs ald usjecheck,
die Woch es röm, un ich muss widder weg.
Wolke am Himmel, un doch vill ze heiß,
ich han keine Schimmer wat los es.

D'r Hudson jlänz wie jede Morje,
Berufsverkehr,
Tass' Kaffee, Zijarette, Huhjeföhle
man, wat es los mit mir?

Manhattan, ich häng an dir
e Jeföhl wat ich nit kannt,
Dräum weede wohr, wie vun Jeisterhand,
wat en Stadt – wat e Land!

Taxi es do, Airport JFK, nur nit zo schnell,
quer övver die Insel, övver d'r Highway,
de Brooklynn-Bridge.
Jede Block hätt e ander Jeseech,
t'es zwar nit immer schön he
en d'r Stadt die niemols schlööf,

doch ben ich sicher, dat ich widder kumme,
denn dat wör nur jerääsch,
wat han ich he für Jedanke jewunne,
ich ben do, wenn d'r Hudson rööf!

Manhattan...