Es kalt jewoode, kähler als et jestern wor.
Föhl mich verrode, un die Erinnerung es do;
Wo sin ming Woozele,
wo kum ich her, wo jonn ich hin;
Es dat ming Heimat,
loss ich mich drieve vum Wind?

Et hätt sich vill verändert,
doch manches ändert sich nie…

Wat sull ich sare, wo trick et mich noch hin?
Well he Lääve un krepiere, nit woanders sin.
Loss se doch schwaade, ich blieve wie ich ben;
Bruch he die Minsche un zum odme,
bruch ich die Luff he am Rhing.

Han off verjesse,
wie schön et sinn kann he ze sin;
Däät vill vermesse, dä Jeruch he am Rhing.
Künnt wirklich sin, Mann,
dat einer säät ich wör bestuss,
doch Jeföhle, wulle lääve müsse rus…
 
Et hätt sich vill verändert…