Headerbild

Körnerstroß

Künstler:
Björn Heuser
Musik & Text:
Björn Heuser
Verlag:
HEUSERMUSIK, GMO Publishing
Album:
Himmel övver Kölle (2018)

Songtext:
 

Ihrefeld, mieh Ihrefeld, ich jläuv mer müsse schwaade.
Do bes mieh Hätz, do bes ming Welt, doch hinger der Fassade,
do tick de Uhr hück anders, un ich jläuv dat fing ich jar nit schlimm.
Ihrefeld, mieh Ihrefeld, ding rustikale Oder,
die jitt et hück schon lang nit mieh, hück mät mer dat met Wööder,
wer weiß wofür et jot es, jratuliere, wat beste plötzlich in…

Jo en der Körnerstroß jing alles los,
he leet ich laufe, Rädche fahre, un su manches andere och;
jo en der Körnerstroß wor ich zo Hus,
un ich kumm immer widder her, süht och manches anders us,
doch drissisch Johr wor se mieh ze Hus.

Ihrefeld, mieh Ihrefeld, ich ben op dinger Sick,
han kapier un han jeschnallt, su es der Lauf der Zick.
E Veedel bruch Veränderung, domet et lääv, su wie du.

Ihrefeld, mieh Ihrefeld, doch pass op, op ding Siel,
wenn de Meet immer dürer weed, bezahls do mem Jeföhl,
hüher, schneller, wigger – jäuv et mir, dat mät nit fruh!

Jo en der…

Ich kenn dich hück, ich kenn dich jestern, un ming Woozel, dat bes do;
un ich drück jän alle Duume, dann es et hoffentlich morje och noch esu!