Kum ich schlaach noch ens die decke Trumm,
su wie do't immer maats,
un drinke noch ne letzte Schluck op dich.
 
Dinge Lappemann es längs verstöbb,
un ding Uniform joot verstaut,
nur die Bild litt noch he om Köschedesch.
 
Kohm alles anders als et sullt,
un du wors et nit ens Schuld,
op einmol kohm der Vollidiot
met Volljas op dich drop...
 
Wenn et Trömmelche jeiht hüür ich ding Siel,
un jede Tusch un jed Raket deit mer wieh.
Och wenn he hundertdausend Jecke
su durch die Stroße trecke,
der Jeckste vun all dänne der wors du.
 
Der Anrof wor der jrößte Schock,
ding Frau wor noch bei dir,
se kunnt kaum spreche,
saat nur "stell d'r vüür" …
 
An nem Mettwochovend koot noh ein,
dobei wor die Naach ech schön,
do häts et selvs nie jejläuv – et letzte Bier.
 
Häs noch jesaat "Jetz aff noh Hus",
ich han noch vill vüür, muss fröh erus,
op einmol kohm der Vollidiot
met Volljas op dich drop …
 
Wenn et Trömmelche jeiht …
 
Der Doktor stund am Stirvebett,
saat leis "et deit mer Leid"
et Leech jing us, e Lääve wor vorbei...
 
Ne Volljesoffne, Durchjeknallte
Setz bei d'r Polizei, hä kräät et nit ens met,
un zeich kein Reu'…