Ald widder es Weihnacht, wo es nur dat Johr,
et es su schnell verfloge, un et nächste bal do.
Ald widder es Weihnacht, die besondere Zick,
besinnlich un jlänzend em Kääzeleech.
Ald widder es Weihnacht, övverall op der Welt,
Fredde op Ääde es et einzije wat fählt.

Ald widder es Weihnacht, doch wat hätt sich jedonn,
et weed immer kähler, mer kann et nit verstonn.
Ald widder es Weihnacht, doch do es jet verkeet,
keine Minsch vun uns weiß, wo dat all ende weed.
Ald widder es Weihnacht, doch mer föhlt sich su schwach,
wenn mer süht wat passeet op der Ääd jeden Daach.

Ald widder es Weihnacht, för dich un för mich,
jede Minsch hätt verdeent, dat mer sich interesseet.
Ald widder es Weihnacht, doch mer müsse jet dun,
dat mer uns nit bekreeje, uns besser verstonn.
Vun Hätze fruhe Weihnacht, övverall he em Land,
mer künne all jet dran ändre, mer han et selvs en der Hand!

Der Kreech es öm, wenn do et wells, Kind, der Kreech es öm, wenn do et wells!