Headerbild

Dat däät joot

Künstler:
Björn Heuser
Musik & Text:
Björn Heuser
Verlag:

Songtext:
 

Dat Leed he will ich singe,
un ich hoff ihr hööt joot zo;
manch einer weed et lebsch finge,
doch ich jläuv su manche andre,
süht et janz jenau esu ...
 
Et sull och nit lang duure,
t'es mieh su e Jeföhl,
mer kann et kaum beschrieve,
et litt janz deef bejrave,
unger jeder Minschesiel …
 

Wie wör't mit nem Lääve,
ohne Angst, ohne Woot.
Nit nur nemme, och ens jevve,
ich jläuv, dat däät joot.

 
Wat sull ich he jroß sare,
Ihr wesst jo wie et es,
wer nix hätt kann he nix weede,
wer kreativ es, es donevve,
weil't immer su jewääse es ...
 
Wie wör't mit nem Lääve ...
 
Dat Leech am Eng vum Tunnel
es verdammt wick weg,
doch dat et do es, es joot,
denn die Hoffnung stirv zoletz ...
 
Wie wör't mit nem Lääve ...