Jestatten, ich ben ne ahle Bekannte,
un ich ben sicher, mir han uns ald jesinn.
En der Skyline vun Kölle en Konstante,
un doch ben ich weder Dom noch Rhing.

Ming Spetz, die es – na klar - ruut un wieß
un minge Jöödel es schön Jrön - e Paradies!

Hüher als der Dom,
un janz noh ahn der Sunn - ohohoh
Zick övver veezich Johr om Ihrefeld ze Huss,
jo ich ben un bliev üre Colonius!

En Zick lang wood et mir beim Esse schwindelig,
dat Restaurant en mingem Buch hätt sich jedrieht.
Späder woot ich met nem „T“ en Magenta jeschmöck,
wat en Färv, ich wuss nit ens, dat et se jitt.

Doch zick Johre es et ziemlich langwielig he,
et weed Zick, dat endlich jet passeet!