Dat Bier, wat du do jrad drinks, jing noch op mich,
un jetzt steihs du do bei denne Aape am Desch.
Du föhls dich wohl, offensichtlich, wat komisch es,
noch vüür paar Mohnd hättste jesaat,
mit solche Köpp künnstet nit ...
 
Ich jevv et zo, et es nit leich,
ohne dich wigger ze jonn,
un ausjerechnet he un hück,
kann ich manches nit verstonn ...
 
Ich kann domet nit ömjonn,
weiß wie du wach wees, wie du schlöfs,
ich kann domet nit ömjonn,
kenn dinge Odem, weiß jenau wie du röschs,
et es unvüürstellbar, sin mer wirklich he am Eng,
ich schöddel d'r Kopp, un bieß op de Zäng.
 
Aff un zo ne scheue Bleck vum Nevvendesch,
blöde Spröch, Small-Talk, widderlich.
Ich treck d'r Mantel an, un sare tschüß,
du jiss mer kalt ding Hand, wie du jetz halt bes ...
 
Es nit et eetztemol, dat ich ensinn un kapier,
em Leeve läuf nit immer alles wie jeschmiert ...