Die eetzte Sunnestrahle,
et es noch ruhig he en d'r Stadt,
zwei Minute en Iwichkeit,
ne neue, fröhe Daach.
Ich sinn dich, doch nit wirklich,
nur en Jestalt die ich jeleev,
un nit zom eetzte Mol froch ich mich,
wat Leev eijentlich es..
 
Die Aure sin noch schwer,
et konzentriere fällt nit leich;
Immer widder dinge Jeruch,
un ding Häng wärm un weich.
Un doch en Distanz,
die janz nöchtern säät ok,
bes he hin wor et schön,
doch aff do es et vorbei ...
 
Mieh Jeföhle, e Karrussell,
ming Jedanke leer un schnell,
un doch irjendwie bei dir.
Ne neue Daach, en neue Zick,
keine Plan, wat jetz noch kütt,
do bes irjendwie noch bei mir.
 
Wat nötz et sich zo verstecke,
weil et es, wie et es;
Langsam jläuv ich, dat an dem Spruch
mit der Zick ech jet dran es.
En schöne Illusion, zom Jlöck
fröh jenooch erkannt,
kein Frore mieh, verjesse un verbannt...
 
Mieh Jeföhle, e Karrussell ...