Headerbild

Hier die Liste der Songs des Albums:

Endlich Freitag!

Damit ihr textsicher beim Mitsingkonzert seid,
einfach die Texte aufklappen und es kann losgehen :-)

Coverbild
 

 
Endlich Freitag

De janze Woch maloch vun fröh bes spät.
Mondach, Diensdach, Mettwoch, bes dat et nitmieh jeiht.
Donnersdachs es et dann bal jeschaff.
Nur noch einmal schlofe, dann jeiht et widder aff.

Mir singe ...
Endlich Freitag, endlich es die Woch vorbei.
Endlich Freitag, endlich sin mer widder he!
Endlich Freitag, endlich es die Woch vorbei.
Endlich Freitag, endlich sin mer widder he.

Dr Kopp es zo, dr Büggel dr es leer.
De Sorje zo verjesse, dat fällt manchmal ziemlich schwer.
Doch hück do stürt uns dat janz sicher nit.
Mer singe all uns Leeder, et kütt eh wie et kütt!

Endlich Freitag, endlich ...

Endlich Freitag, endlich ...

 

 

 
 
 
Et kölsche Jeföhl

Nanananana Nananana... et kölsche Jeföhl, dat en uns steck!

Et es Friedaachovend, die Woch es vorbei,
un all sinn se do en d´r eetzte Reih,
et Leech jeiht us un d´r Scheinwerfer ahn,
dann weed jesunge met nem Gaffel en d´r Hand!

Op ne schöne Ovend, en schöne Zick,
met üch ze singe, dat es Jlöck.
Wat morje kütt es hück noch janz wick weg.
Op ne schöne Ovend, en schöne Zick,
un jeder vun üch es e janz klei Stöck
vum kölsche Jeföhl, dat en uns steck!

Dä Lade es voll, de Schieve beschlare,
direk he am Dom, wo et kölsche Hätz schläät.
Ov ärm oder rich, ov junge ov ahle,
zesamme singe määt et levve levvenswäät!

Op ne schöne Ovend, ...

 

 

 
 
 
Met dir

En heile Welt, häs do mir prophezeit,
sahts jet vun Liebe, vun Rääch un Freiheit.
Wann ich dich han, fessels do mich suwiesu,
jedesmol op et neue, un jrad dat mäht mich fruh …

Met dir schwaade, met dir jonn,
met dir waade, em Rähn römstonn,
met dir föhle, met dir laache,
met dir hüüle, Nächte durchmaache;

met dir levve, met dir sterve,
met dir verliere, un met dir erve,
met dir danze, met dir sin,
met dir zo levve, dat es schön.

Zigg met dir, es wie ene Roman,
et passiert, wat passiert,
nix muss, doch alles kann.
Jede Sick es en neue Sick an dir,
jed' Kapitel weck en neue Loss en mir ...

Met dir schwaade, ...

Bliev hee, jangk jetz bloß nit fott.
Saach, wat du denks, et es suwiesu ze koot!

Met dir schwaade, ...