Die Uhr die tick, die Zick se rennt, die Naach es widder ens vorbei.
Jestern wor, noch alles klor, do stunte mir noch ahn d´r Thek.
Doch Trübsal blose brengk nix, es d´r Daach och noch su lang,
hück Ovend fang mer noch ens ahn:
Sulang mer singe, uns Leeder klinge,
jeiht et Levve wigger, wat och passeet.
Sulang mer fiere, uns amüsiere,
finge mir ne Wääsch, es et manchmol och nit leich,
doch sulang mer singe jeiht et uns nit schläch!
Zeich mir en Stadt, wo´t sujet jitt,
wo Minsche singe alt un jung.
Wo se´om koot noh vier – medden en d´r Woch,
bei Schnie un Rään ald vür ner Kneip stonn
Et sinn nit bloß die Leeder,
nä et es och dat Jeföhl,
wat uns am Levve hält, dröm sin mer he...
Kum un treck dinge Hoot ahn, ich nemm dich met op en Reis,
kum ich well dir jet zeije, wat du su schnell nit mieh verjiss.
Weed et drusse och düster, dat es doch völlig ejal,
kumm un maach dich op de Söck, die Naach fängk jrad eetz ahn!
Kumm zo uns, kumm erin, jung - Ihrefeld lääv
Kumm zo uns, un do wees sinn jung – Ihrefeld lääv
Mer jonn met dir e Stöck met op dingem Wääsch,
Ihrefeld lääv!
Dat es mieh Revier he, un jenausujot dings,
wenn do wells kannste blieve, op jeden Fall biste nit allein.
Wat och kütt, do wees spüre, dat he irjendjet es.
Mer kann et nit erkläre, op jeden Fall es et met Hätz.
Nanananana Nananana... et kölsche Jeföhl, dat en uns steck!
Et es Friedaachovend, die Woch es vorbei,
un all sinn se do en d´r eetzte Reih,
et Leech jeiht us un d´r Scheinwerfer ahn,
dann weed jesunge met nem Gaffel en d´r Hand!
Op ne schöne Ovend, en schöne Zick,
met üch ze singe, dat es Jlöck.
Wat morje kütt es hück noch janz wick weg.
Op ne schöne Ovend, en schöne Zick,
un jeder vun üch es e janz klei Stöck
vum kölsche Jeföhl, dat en uns steck!
Dä Lade es voll, de Schieve beschlare,
direk he am Dom, wo et kölsche Hätz schläät.
Ov ärm oder rich, ov junge ov ahle,
zesamme singe määt et levve levvenswäät!
Op ne schöne Ovend, ...
De janze Woch maloch vun fröh bes spät.
Mondach, Diensdach, Mettwoch, bes dat et nitmieh jeiht.
Donnersdachs es et dann bal jeschaff.
Nur noch einmal schlofe, dann jeiht et widder aff.
Mir singe ...
Endlich Freitag, endlich es die Woch vorbei.
Endlich Freitag, endlich sin mer widder he!
Endlich Freitag, endlich es die Woch vorbei.
Endlich Freitag, endlich sin mer widder he.
Dr Kopp es zo, dr Büggel dr es leer.
De Sorje zo verjesse, dat fällt manchmal ziemlich schwer.
Doch hück do stürt uns dat janz sicher nit.
Mer singe all uns Leeder, et kütt eh wie et kütt!
Endlich Freitag, endlich ...
Endlich Freitag, endlich ...
En heile Welt, häs do mir prophezeit,
sahts jet vun Liebe, vun Rääch un Freiheit.
Wann ich dich han, fessels do mich suwiesu,
jedesmol op et neue, un jrad dat mäht mich fruh …
Met dir schwaade, met dir jonn,
met dir waade, em Rähn römstonn,
met dir föhle, met dir laache,
met dir hüüle, Nächte durchmaache;
met dir levve, met dir sterve,
met dir verliere, un met dir erve,
met dir danze, met dir sin,
met dir zo levve, dat es schön.
Zigg met dir, es wie ene Roman,
et passiert, wat passiert,
nix muss, doch alles kann.
Jede Sick es en neue Sick an dir,
jed' Kapitel weck en neue Loss en mir ...
Met dir schwaade, ...
Bliev hee, jangk jetz bloß nit fott.
Saach, wat du denks, et es suwiesu ze koot!
Met dir schwaade, ...
Wat määt d´r Clown do? Bei övver dressisch Jrad
do op d´r Domplaat, häs Du dä jesinn?
Doch hä es nit allein, et weede immer mieh
Pirate, Cowboys un och en Funkemarie
Hück jit et kölsche Sommer-Sonne-Samba!
Em Bikini oder Tigertanga...
Singe, danze, fiere met Karamba,
Et schlät der Beat su wie en Pressluff-Hammer!
Jeck em Sunnesching – ohohoh, et künnt nit schöner sin!
Jeck em Sunnesching – ohohoh, en Kölle am Rhing!
Jeck em Sunnesching – ohoho, un mir sin meddendrin!
Jeck em Sunnesching – ohoho, en Kölle am Rhing!
Wat kümmert uns dä Klaaf, dat m´r dat he nit darf
In love with Fastelove! Dreimol Sommer Sonne ALAAF!
Mir Jecke fiere hück die sechste Johrezick,
do jitt et kein zoröck, et kütt halt wie et kütt
Kabänes on the rocks un Gaffel vum Fass
do hätt mer och bei veezech Jrad vill Spass
Op uns Kölsche – jo do es Verlass!
Em Sommer Fastelovend? Klor - dat pass!
Jeeee – iiiihjeeee – iiiihjeeeeck em Sunnesching! (2x)
Jeden Daach et selve Spill, jung, drink bloß hück nit zevill,
jede Naach die ahl Kassett, un jede Naach die Ahl im Bett.
Jeden Daach der Pissverzäll, „für dich jing ich durch de Höll“
Jo, es klor Schatz, jangk doch vüür, ich kumm bahl noh, drink koot e Bier...
Et jitt Saache, wo mer aff un zo nit weiß, wat sull dat sin,
doch et es immer widder schön bei üch zo sin. (2x)
Jede Morje fröh erus, Kopp jewäsche, en d´r Bus,
Autobahn bes koot noh vier, wemmer Jlöck hätt et eetzte Bier.
Dann en Woosch met Ääpelschloot, selvs jekauf, un richtig joot,
met Kabänes noch dobei, föhlt mer sich fass wie doheim...
Et jitt Saache, …
Nä, im Ähnz mir jeiht et joot, he ze spille määt mer Moot,
denn mer weiß jo nie wat kütt, deshalv sing, ich lang et jeiht.
Un et schönste jede Naach, es wenn ihr metsingt un jet laach,
denn die Leeder die ich sing, sing ich ech nit jään allein.
La, la, la, ......
Jo, es joot, ich loss et sinn, söns krich ich jlich noch eine ren...
Et jitt Saache, …
Ne kahle Mettwochnohmeddach,
Wind klopp ahn de Düür.
Et Johr es bahl röm,
widder ens vill zo schnell...
Wat Fründe sin han ich jeliert,
et Levve es schön met dir,
et es wirklich wohr,
ich jläuv dat nennt mer Leev – Bliev bei mir...
Ich hätt niemols jedaach,
dat et su jet wirklich jitt,
un jetz lijje mer he wach,
mich weesde nit mieh quitt...
Do un ich, un keiner söns,
he op ääde der jet säät,
halt mich fess, bevür der Morje kütt
bevür der Morje kütt.
Die Stääne funkle övver uns,
alles es still.
Dinge Odem es et einzje,
wat ich hüür.
ärm in ärm schlofe mir jetz en,
wat e Jeföhl.
Es et wohr,
oder es et einfach nur ene Draum – Bliev bei mir...
Ich hätt niemols jedaach ...
Kölle stonn op! Loss Dir nix jefalle vun denne Köpp.
Kölle stonn op! Die maache uns der Karneval kapott.
Wie künne die verbeede, wat mer iwich lang ald dunn,
Kölle pass op – op ding Tradition, Kölle stonn op!
Jetzt weed eets rääch´ op die Trumm jeklopp!
Alles es am kühme, uns Eckkneipe jon en,
drum jon mir jraad em Fasteleer besonders jän dohin.
Nom Fröhschoppe mit Spellmannszoch und tschingderassabumm,
doch de Nohbaars "Toleranz" es noh ner Veedelstund am Eng!
Kölle stonn op…
Ejal off Loss mer singe, die Fööss oder BAP vürm Dom,
mittlerweile es et Ordnungsamp öm koot noh zehn schon do,
nä, ich kann et nit bejrieve, un ich well et nit verstonn,
ich weiß nur eins, ich kann die nit ligge, die zom Laache en d´r Keller jonn!
Kölle stonn op…
„Levve un levve losse“, „du bes supertolerant“,
“Et hätt noch immer joot jejange”, doch mer muss schon jet für dunn…
Lalalala…
Ich wor ens en e Brauhus jerannt,
doch finanziell wor ich affjebrannt.
Vom Doosch jeplaach, total kapott,
der Weet reef nur:
Jung maach dich fott!
Kein heile Welt, kei Frau, kei Bier,
jo grausam, es de Welt zo mir.
Kein heile Welt, kei Frau, kei Bier,
oh Herrjott hol mich flöck zo dir!
Ich jing dodrob en e Freudenhus,
un söckten mir die schönste us.
Dat Mädche wullt nit,
dat wor mer klor,
weil ich ze koot bemessen wor.
Kein heile Welt…
Zom beichte en de Kirch eren,
däm Pastur jesaat
wie schlääch ich ben.
Hä fuhr mich ahn, un wurf mich rus,
su vill Sünde pass in kei Joddeshus.
Kein heile Welt…
Lalala ...
Nun hat ich jenooch,
dann kann all nit sin,
dröm jing ich en d'r Rhing eren.
Do soh ich ne ahle Lottosching,
ich wood beklopp – ne Hauptjewinn.
Op einmol wor dat Jlöck mir treu,
un ich hatt plötzlich Jeld wie Heu.
Ich rannte en dat Brauhaus ren,
e lecker Kölsch hatt ich em Sinn.
Vom Doosch jeplaach, total kapott,
doch et Jeld braat nix,
der Weet wor fott!
Kein heile Welt…
Lalalala ...
Leev Mamm, et es schön dat et dich jitt,
ich well Danke sage för all die Zick.
Ben ich manchmol och wick weg,
un vill ze lang op jöck,
dat es doch janz normal, weil et jede Minsch ens fotttrick.
Leev Mamm, et es schön dat et dich jitt,
D‘r eetzte Odemzoch, d‘r eetzte Kuss,
D‘r eetzte Schrei, et eetzte Zehuss.
D‘r eetzte Milchzahn verlore, d‘r eetzte Knies,
Et eetzte Kölsch, die eetzte Leev.
Leev Mamm…
All die Johre, die verjange,
All dat Jlöck un all dat Leid,
Mer kann sich kaum e Levve lang verdrare,
Doch wichtig es, dat mer sich versteiht.
Leev Mamm…
Sinn die Wolke - och manchmol jrau,
un et süht su us, dat de Welt sich falschröm drieht,
dann bes dir sicher, Mamm, et jitt einer d‘r ahn dich denk,
un dich versteiht.
Dä Gig hück Naach wor ech nit schlääch, ben inzwische om Heimwääsch,
loss et letzte Leed noch ens Revue passiere.
Leef alles jlatt, wor ech joot drop, weiß do noch in der letzte Reih der Kopp,
däät sich für de Jreff interessiere.
Jo, ich weiß et es nit schön, immer ungerwääs ze sinn,
doch ich jläuv och, dat do´t akzeptiers, un dat es wat ich maach an dir!
Ich han die janze Zick ahn dich jedaach,
met jedem Bleck dich ahnjelaach,
ohne dich do jeiht et ech nit mieh.
Wo du och bes, un wat do määs,
do bes in Jedanke en mingem Hätz,
do häs jemaat, dat et mir joot jeiht.
Vun Bühn zo Bühn, övver Birch un Tal, en welcher Stadt, dat es ejal;
met jedem Hätzschlaach denk ich och ahn dich.
Wenn alles klapp duurt et nit mieh lang,
bes ich dich widder in der Ärm nemme kann;
ich weiß ech nit, womit ich dat verdeent han.
Un ich weiß et es nit schön, immer ungerwääs ze sinn,
doch ich jläuv, dat do´t akzeptiers, und dat es wat ich maach an dir!
Et es paar Johr her, doch et fällt mer nit schwer,
mich zo erinnere wie et wor.
Ich wor alles für dich, do wullts nur mich,
doch ich wor anders drop, völlig klor.
Ich han dich verletz, han met dir jespillt,
han jeschwoore, wat ich nie schwöre kunnt.
Et wor mir nie Ähnz, eetz hück weiß ich,
´t wor wohl ähnzter als et sullt...
Ich ben noch immer verlore, wenn do bei mir bes,
föhl mich wie fessjefroore, wenn do vüür mir steihs,
Jeföhle explodiere, dat litt wohl an dir,
Mädche – wat määs do met mir?
Hück sin mer jet älder, han dich lang nit jesinn,
nur he un do ahn dich jedaach.
Bes zo dem Moment, wo du vüür mir stunds,
han dich kaum erkannt en d´r Naach.
Do sääts ´t jeiht dir joot, et wör alles wie´t sull,
un dinge Neue wör e Jeschenk vun janz huh.
„Dat freut mich“ stammel ich, doch irjendwie es
et schon komisch, ihr zwei: er un du.
Text muss noch erfasst werden
Medden en der Naach,
ich jonn durch de Lenaustroß,
die Kirchejlock schleiht drei;
Katzejammer, un der Wind blös laut,
Krankewage, Polizei.
Do schrievs, do künnts nit schlofe dis Naach,
liss schon zick zwölf Uhr wach;
dat Leech en dingem Finster brennt immer noch,
un en e paar Stund weed et Dag.
Un nix es wichtig,
keiner driev, keiner quält.
Jedanke weede nichtig,
rotiere planlos öm de Welt.
Un do bes schloflos, do bes schloflos,
Do bes schloflos.
Zeddrije Häng, blöde Spröch un noch mih,
't es schon ärg lang her,
dat ich mich su jet von
nit kontrolliere kunnt,
sujar et Od'me fällt mer schwer.
Och wann dat alles schon ech komisch wör,
wie ne seld'ne Draum,
ich dät en dräume, su lang et jing –
denn Dräum bereut mer kaum…
Un nix es wichtig ...
Friedaachovends en d'r eetze Reih,
wor hä schon lang dobei,
un nit selden do trof hä ihre Bleck.
Irjendwann d'r eetze Kuss,
koot donoh e eije ze Huus,
un klein un zart en singer Häng et schönste Jeschenk..
Willkumme op d'r ääd,
jank stets dinge Wääsch,
schingk de Sunn ich nit immer,
mer kumme schon zerääsch,
Willkumme, hüür joot zo,
mer sin immer für dich do,
en unserem Hätz bes do et beste Stück,
un op d'r Welt et jrößte Jlöck!
E Jeföhl su neu un jroß,
Aure funkle zauberhaft,
losse Emotione los…
Wat immer kumme weed,
et es e Deil vun üch,
erobert un jewunne,
jemaat us echter Leev ..
En Kölle stonn die Stääne
dieselve wie övver Israel.
Doch ich jläuv die sinn jet andres,
vermutlich schingen se nit ärsch hell.
Stell dir vüür keiner scheeß,
stell dir vüür keiner lüsch.
En Kölle stonn die Stääne,
un in China hängk ne Mann am Strang.
Wat maach der wohl denke?
Denke, ich jläuv nit
dat der noch föhle kann…
Ob sich dat je ändre weed,
op uns beschaulicher ääd?
Nit jestern, nit hück, nit morje.
En Kölle stonn die Stääne,
un do denks do wörs ärm dran?
Luur dich ens öm, jung,
un jläuv mer die Naach weed lang,
wenn mer hungert un friert,
nit weiß wo mer hinjehüürt…
Nit jestern, nit hück, nit morje.
En Kölle weed et Daach,
der sechste em Januar
Drei maskierte Jecke laufe durch de Stadt,
un hüür ens zo…
Die jläuve ech, dat dat stimmt,
dat ihre Seje Fridde brengk...
Jestern, hück un morje.
Hee rüch et anders als jewohnt,
dobei es jar nix passiert,
ming leer Tass Kaffe steiht om Köchedesch.
Wie schnell de Zigg off nit verjeiht,
kein Mail, kei Telefon,
der Äschebecher es voller als et nüdig es...
Un e Dröppche jäjen de Angs,
dat ich nit schlofe kann,
die letzte Naach wor eh schon koot jenog.
Un ich stonn vürm Speejel,
luur mich aan,
un frog mich, wat dat soll;
et Blod en minge Odere pulsiert.
Jrenze weeden enger,
Jeföhle weede stumm,
wie e Beld, dat en Jedanke jefriert.
Ich wälz mich durch de Naach,
man, zick Stunde keine Schlof,
sinn Diere, Minsche, Färve öm mich röm.
Ich hür Stemme, die ich kenne,
die mich warne "Jung, pass op,
jläuv jar nit, dat do alles öm dich stemmp ..."
Nor e Dröppche, weil ich weiß,
dat ich nit schlofe kann,
wie su off en letzter Zigg,
ich han baal jenog.
Wie se do litt, makellos schön un söß,
loss dinge Kopp lije en mingem Schuß,
loss et dir jod jonn,
do häs et wirklich verdeent.
Wat do mir bedüggs, kann ich kaum beschrieve,
su lang do wells, kanns de bei mir blieve,
ben för dich do,
do häs et wirklich verdeent...
Wat do jetz jrad denks,
vun wäm do jetz wohl dräums,
wöss ich jään, doch ming Jedanke sin allein.
För dich es dat Leed,
un ich hoff', dat jet bliet,
denn janz em ääns, do bes mih för mich,
als ne jode Fründ.
Do wees wach, blinzels mich aan un frögs,
wie späd, un jitt et ir'nd jet Neues,
un üvverhaup, wat häs do eijentlich gemaht?
't es zehn Johr her, un ich setz hee vör ner Kess,
voller Erennerung, schwatz un wieß,
Leeder för dich, tonnewies...
Et es irn'twie sonderbar, do es jet anders, zick letzter Naach.
Minge Bleck dä es noch trüb, na drei Stunde Schlof reiche ech nit
Un dann em Mage dat Jeföhl
vun nem endlich erreichte Ziel.
Nur ein Sekund - dinge Odem, dinge Mund.
Nur ein Sekund - us schwazz un wieß weed bunt.
Un do bes dä Jrund.
Ben völlig durchenein,
wat ne Minsch in kooter Zick erreiche kann.
Nevven der Kapp, nevven der Spur,
setz d'r janzen Daach he un luur op de Uhr.
Mie Handy es stumm un määt mich jeck,
ich kann mich nit erinnere, wä maat mich jemohls su verröck.