De Luff he drusse es kalt, et nieselt un friert,
d´r Wind es scharf wie e Metz.
Ich ben dick verpack en ner jraue Deck,
met ner Fläsch Schabau, dä es jot för et Hätz.
Veezehn Johr lang ben ich he schon ze Huss,
em eetze Boge unger d´r Hohenzollernbröck.
Och wenn´t anders ussüht, ich han alles wat ich bruch
en mingem Enkaufswage, op zwei Quadratmeter Jlöck.
Frohe Weihnacht, leev Mamm, frohe Weihnacht, leeve Papp,
frohe Weihnacht, wat wör dat schön,
ens widder janz noh bei üch ze sinn.
Frohe Weihnacht, leeve Papp, frohe Weihnacht, leev Mamm,
frohe Weihnacht, wie lang es dat her?
Sulang, dat ich mich kaum erinnere kann.
De Lück sin hück jet fründlicher als söns,
doch se hetze an mir vorbei, wat dun die mir leid.
De Jlocke vum Dom, ich hür se su jän,
noch ne Schluck Schabau, wie jot dat deiht...
En kleine Kääz han ich mir selvs ahnjemaat,
die Flamm danz tapfer em Wind.
Un et hölt mich widder en, su wie jedes Johr,
dat Jeföhl wie et wor - als Kind.
Frohe Weihnacht, leev Mamm, ...
Ich leeve nur em Winter, höchstens vier Woche lang.
En nem schöne kleine Jade. Un Sunndachs steche se mich ahn.
Ich han drei Kolleje, Die sin miehstens us wie ich.
Un keiner vun uns weiß, wer et als eetzter erwisch.
Ich ben e Azvenzkranzkäzje, ich levve nit lang.
Einmol em Johr, wenn ich Pech han nur en Woch, steche se mich ahn.
Ich ben a Azvenzkranzkäzje, es dat nit unjerääsch,
Minge Broder dr es besser dran, dä es et iwije Leech.
Minge Broder dr es besser dran, dä es et iwije Leech.
Kääze wulle brenne, Doch dr Minsch dr weiß dat nit,
Ich dät sujän ming Pflich dun, Doch et kütt halt wie et kütt.
Kaum weed mer usjeblose, Stich dich der nächste widder ahn.
Am schlimmste es et blose nohm Esse, Met ner Knoblauchfan.
Ich ben e Azvenzkranzkäzje, ich levve nit lang.
Einmol em Johr, wenn ich Pech han nur en Woch, steche se mich ahn.
Ich ben a Azvenzkranzkäzje, es dat nit unjerääsch,
Minge Broder dr es besser dran, dä es et iwije Leech.
Minge Broder dr es besser dran, dä es et iwije Leech.
(Bridge)
Ich bin heiß, ich bin heiß, ich will brenne,
Kääze künne doch su vill verzälle.
Nur leider sullt et wohl bei mir nitsu sin,
Weil ich jo nur e Azvenzkranzkäzje ben
Ich ben e Azvenzkranzkäzje, ich levve nit lang.
Einmol em Johr, wenn ich Pech han nur en Woch, steche se mich ahn.
Ich ben a Azvenzkranzkäzje, es dat nit unjerääsch,
Minge Broder dr es besser dran, dä es et iwije Leech.
Minge Broder dr es besser dran, dä es et iwije Leech.
Zick Stunde Autobahn,
de Leitplank wieß bedeck
met god gemeinte nüngsig
met däm Truck hee ungerwähs.
Quer durch de Alpe
üvver der Brenner-Pass wie nie
der Wind es kald un leis fällt der Schnie.
Un en zwei Dag ben ich doheim
bei dir un dinger Klein
un dat Geföhl es wirklich neu
ich freu mich op Helligovend met üch zwei.
Jo, en zwei Dag ben ich doheim
bei dir un dinger Klein
un dat Geföhl es wirklich neu
ich freu mich op Helligovend met üch zwei.
All die Johre wor Weihnachte nor Stress
ich kunnt nie begriefe, wat dodran nüdig es.
Doch jetz hee en minger klein Famillich
es et einfach unbeschreiblich.
Un en zwei Dag ben ich doheim ...
Ausfaht Ihrefeld - der Schnie es nor noch Rähn
der Dag fängk langsam aan,
o Welt, ich han dich gään!
Un en zwei Dag ben ich doheim ...
... Helligovend met üch zwei.
De Hoor falle langsam us,
un morje darf se für drei Daach noh Hus,
es schon komisch, wie die eij´ne vier Wäng
övver Naach plötzlich Luxus sin...
T´ fing alles an met Ping en d´r Brus´,
un nem flaue Jeföhl em Buch,
se saten: sicher, et jitt noch en Chance,
jetz litt se om Sofa un hätt einfach nur Angs.
Un em Radio der Typ verzällt jet vun stiller Naach,
vun wießer Weihnacht un Jlöhwing om Weihnachtsmaat.
Vun wäje Minschlichkeit, vun wäje fruhe Sinn,
se hätt nur eine Wunsch un dausend Dräum.
Wünsch dir jet, schriev et op ene Zeddel,
un läch en op de Finsterbank,
et Chresskindche hölt en sicher aff...
künnt se dat doch jläuve, wie ne Panz!
Se nemmp Breefpapier met Kugele drop,
rief sich en Tron usem Jeseech,
se schriev nur ei Wood: Levve
Jedanke jon op d´r Wäsch.
Joode Ovend, et es schön üch zo sinn,
kaum ze jläuve, et Johr es bahl röm...
de Minsche sin hück drösch un satt,
övverföllt, der janzen Daach platt...
Doch wat es met dänne, die einsam sin,
met der Mamm ohne ihr Kind.
Mit däm Vatter, der hück besonders off denk,
et Lääve met üch zwei wor ech schön...
Nur e bessje dräume,
nur e Stöck Phantasie,
nur en Jedanke jlöcklich sin,
dann beste Hellichovend nit allein.
Dä Pitter frööt sich, wie't wohl wör,
wör hä nit affjehaue, es paar Johr her.
Et Natascha weiß nit, wie't wigger jeiht,
es jetz arbeitslos, steiht allein ahn d'r Thek.
Doch ich weiß nit ob die einsam sin,
do es noch e Jeföhl, irjendwo.
Weiß nit, ob ich hück d'r Einzje ben,
der et spürt, jo, et es do...
Am elfte Daach em November han ich dich kennejeliert.
Als Indianer häs do mich verführt.
Sickdem es kein Sekund verjange, die mer nit zesamme verbrat,
Mer sin zesamme, sick 43 Daach.
Un hück am hellije Ovend, frog ich dich, ob do mich wells,
mer muss em Levve och jet riskiere, am Eng es alles nur e Spell.
Un die Kääze brenne, se jlänze en dinge Auge,
Ich lur dich ahn, kann mingem Jlöck kaum traue.
Do un ich, dat es et - ich ben mer sicher wie noch nie,
Kumm mer danze, Kumm mer danze,
Met Flip-Flops em Schnie
Et Fess dr Liebe, dat nemm ich wödlich, han nit mieh dran jejläuv.
Wor mer sicher, mich triff et nie.
Ich künnt dich fresse, komplett verschlinge, ich ston völlig nevven mir,
Ne Draum weed wor, nit nur Phantasie.
Frohe Weihnacht un ich liebe dich, well ohne dich nit sin,
bes ahn't Eng vun der Welt un wigger, ich weiß dat krijj'mer hin!
Ne kleine Talismann us Silver, hatt de Omma mir jeschenk,
do wor ich jrad sibbe Johr.
Pass drop op, sat se zo mir, steck’en jot in et Portemonnaie,
um hück es hä immer noch do.
Duumejroß, met zwei Türm un „Kölner Dom“ enjraveet,
wat es zickdäm nit alles passeet?
Un ejal wo ich ben, wohin et mich trick, ich han der Dom em Jepäck.
Un ejal wo ich ben, wohin et mich trick, ich han der Dom em Jepäck.
Et trock mich erus, weil dat ir’ntwann sin muss, de janze Welt, die han ich jesinn.
Un stets ahn minger Sick, en manch schwerer Zick, he dat klein, silverne Ding.
Wenn ich ens nit wiggerwoss, nohm ich et en ming Fuus, un schon wooten Sorje janz klein…
Un ejal wo ich ben, wohin et mich trick, ich han der Dom em Jepäck.
Un ejal wo ich ben, wohin et mich trick, ich han der Dom em Jepäck.
Ming Oma lurt ald längs vom Himmerspöözje zo,
nur ihre Talismann es immer noch do...
Na, na na na …
Na, na na na …
Na, na na na …
Na, na na na …
Un ejal wo ich ben, wohin et mich trick, ich han der Dom em Jepäck.
Un ejal wo ich ben, wohin et mich trick, ich han der Dom em Jepäck.
De Hervssonn schingk en et Zemmer,
un do wees nevven mir wach.
Ich weiß nit, wo mir der Kopp steiht,
wat wor dat widder en Naach.
Nä, ich bruch kein Palme, kei Meer,
wenn ich bei dir ben, ben ich em Paradies,
un sin et och nor e paar Stund,
do weiß jar nit, wat do mir domet jiss…
Su wie du mir der Odem raubs,
su wie du ming Siel durchschaus,
dat es ir'ntwie Magie, die ich deef en mir spür,
wenn ich mich en dir verlier.
Mer drinke Wing, hüre Leeder,
die mer als Pänz schon jehoot,
sinn Momente, sinn Belder,
der Herrjodd meint et wohl jod.
Un do der Zeijer der Uhr,
verjiss för uns zwei de Zigg,
fess umschlunge; wat häld uns zoröck?
Kumm – mer sterve em Jlöck!