Lang nit mieh jesin, Mann,
lang nix mieh jehot,
usser däm wat mer immer su höt,
hey, ich hoff dir jeiht et jot.
Drieh de Anlaach ruhig op Anschlaach,
jevv dingem Nohber eine us,
ich wullt nur koot Revier markiere,
denn söns halt ich et nit us.
Jetz ben ich do do do do do,
wor eijentlich nie wirklich fott,
Noh all dä Johr Johr Johr Johr Johr,
dofür danke ich dir, leever Jott.
Han jesunge un jelaach,
su manche Naach zom Daach jemat,
jetz meld ich mich zoröck, weil et jet Neues
zo verzälle jitt.
Su vill Storys, su vill Minsche,
Saache, die et jar nit jitt.
E paar vun denne bruch ech keiner,
mer muss oppasse, dat mer nie su weed.
Jetz ben ich do do ...
Ohohoho, hür einfach zo,
ohohoho, wofür sin Fründe do?
Ich lur däm Jras beim waaße zo, angel stundelang am Rhing
belure Vüjel bovven huh, verfolg die Spur em Wind
Et Levve plätschert vür sich hin, et Hamsterrad steiht still - wenn mer nur will
Nur e bessje Zick, et Levve zo jeneeße
denn mer nemmp nix met, op singer letzte Reis
Wie en Sanduhr, die sich einfach nur ens quer lät,
nur a bessje Zick, denn Zick es Jlöck
Der Minsch, der dich am miehste nerv, räch dich jar nit mieh op.
Et jrößte Ziel, der hühste Berg, ach drieß doch drop
Die Aussich es nur ne Augeblick, doch em Hätze litt viel mieh - jangk en de Knee
Nur e bessje Zick, ...
Vun unge süht de Welt janz anders us,
do merks wie klein do eijentlich wirklich bes
Vun unge wirk alles riese jroß,
su jroß, dat mer versteiht, dat mer nie alles kritt
Nur e bessje Zick, ...
Da da da da … …
Da da da da … …
Da da da da … …
Da da da da … (2x)
Wer will schon noh Paris, die Stadt der Verliebte
Hand in Hand Champs-Élysées vun der Leev övverdriehte
met Schmetterlinge em Buch, doch die jitt et he och
övverall op d'r Welt, wo die Liebe hinfällt
Ne Sunneungerjang met dir ahnzesinn
es och em Nippeser Tälchen wunderschön. ...
Ich lur en ding Auge …
un hür op mieh Hätz ...
sag wo künnt et schöner sin ...
vill schöner als jetz?
Ich lur en ding Auge ...
un schenk dir mieh Hätz, …
et künnt nirjends schöner sin ...
vill schöner als jetz
Da da da da … …
De Wind rauscht lees ich sin Dinge Oudem
Et wieht frech ich weht heiß vergöter Dich seit Jahren
ne Blick eine Idee wie oft waren wir schon hier
jeder Kuss ein Phänomen, ich hann dich jähn
Die Welt steht still für uns zwei
Der Mond ist als einziger dabei
Ich lur en ding Auge …
Da da da da …
Jo mer mööte, mööte, mööte, künnte, künnte, sullte, sullte,
ävver hück – hück kann ich nit!
Jo mer mööte, mööte, mööte, künnte, künnte, sullte, sullte,
ävver hück, hück han ich kein Zick!
Ne jroße Bagger baggert röm, erklärt dä Levvenssinn, es dat nit schön?
Jo mer mööte, mööte, mööte, künnte, künnte, sullte, sullte,
ävver nix passeet am Eng.
Et weed vill jesat (bla bla), et weed vill jeschwad (bla bla),
immer Spröch parat, doch et weed nie jet jemat (nä, nä, nä).
Et weed su vill jesat, et weed su vill jeschwad,
immer Spröch parat, doch et weed nix jemat.
Fröher simmer immer immer op de Stroß eraf jejange, wenn uns jet nit hätt jepass,
hück do sitzmer sitzmer sitzmer ze Hus om decke Arsch, han unsre eijene Spaß.
Dat met der Nächstenliebe – nächste Liebe - us der Bibel – han mer nit kapeet,
jo mer schwemme schwemme schwemme – immer me´m Strom, bes dat de Sintflut kütt!
Der eetzte Schritt es dä wichtigste, doch deef en dir dä Schweinehund,
dä es am belle un am jriemele, un fingk immer ne Jrund!
Jo, et weed vill jebellt, et weed vill verzällt,
ich jon nur noch erus, wenn ich Jassi jon muss.
Augeringe verzälle vun ner schloflose Naach,
ich setz vür´m Speejel, ben bal zick drissisch Stunde wach,
wat es hück för ne Daach, jeiht de Sunn unger oder op?
De Spilluhr spillt mich bal en Trance un do, do lurs nur zo...
Kein Südstadtnächte, kein Flipper-Sessions em Piranha,
kei Taxi noh Paris, keine Midnight-Döner om Chlodwigplatz,
kein Südstadtnächte, kei Hopping durch Ihrefeld,
et sin vierdausend Jramm, un fuffzich Zentimeter –
wat mir de Auge ophält!
D´r Kopp weed schwer, un de Ärm weeden lang,
en d´r Nohberschaff jonn noh un noh de Leechter ahn
noch e Fläschche für dich, un anders als söns verzichte ich,
nä, mer es ech nit noh Bier, nur einmol länger schlofe als bes vier!
Kein Südstadtnächte…
Doch wenn do laachs, es alles widder jot,
un wenn do laachs, es kein Naach ze koot!
Ich bruch kein Südstadtnächte, ben nur noch selden em Piranha,
Paris han ich längs jesinn, un d´r Midnight-Döner setz immer mieh ahn,
ich bruch kein Südstadtnächte, han mich om Ihrefeld bal mödjehopp,
zickdäm du do bes, steiht de Welt total om Kopp –
un dat es jot!
Düdüdübdübdüdü, Düdüdübdübdüdü - dü,
Düdüdübdübdüdü - ah, ah, ah-ah ….!
En kleine Mösch setz do om Fensterbrett,
un singk e Leed, dat ich nit kenn.
En Meldodie, su frisch und frei, un nett,
pausenlos un wirklich schön.
Ovv et ihr jot jeight, weiß se selver nit,
se’s schlau, un denk jar nit drövver noh.
Un ich wünscht, ich söß op däm Finsterbrett,
däät singe un wör einfach nur do.
Alles hät ne Anfang, alles hät e Eng,
un mir sin meddendren.
Alles hät ne Anfang, alles hät e Eng,
un mir sin meddendrin.
Düdüdübdübdüdü, ...
Mol dir e Bild us dinger Kinderzick,
die Färve bunt, Konture scharf,
lur en d’r Speejel, et es anderes hück,
paar jraue Hoor, wat wohl sin darf.
Alles hät ...
Die Mösch flöch wigger, singk woanders jetzt ihr Leed,
un mir weeden älder, doch et es - för jar nix ze spät ..
Alles hät ...
Düdüdübdübdüdü, ...
Manchmol weed et janz düster
en mingem Kopp un ich froch mich woröm.
Manchmol sin ich Jespinster,
vill ze off froch ich mich wohin.
Ich han alles, wat ich je han wullt,
möt jlöcklich sin wie es klei Kind,
doch die Angs es off stärker,
wovür wüss ich selver jän.
Dat es ne Breef an mieh Leeve,
der mich erinnere sull,
dat alles ne Sinn hätt,
jedes Wood, jed Sekund.
Lur do op dem Bild,
ne kleine Kapitän,
ich wünsch ihm stets ruhije See,
un en Handbrigg Wasser unger'm Kiel.
Ich nemm dir Wööder us der Muhl,
les dir jede Wunsch vun der Leppe aff.
Wohre Liebe weed nit fuhl,
koss et manchmol och jet Kraff.
Am Eng der Zick, wenn einer vun uns do litt,
deiht et zwar wieh, doch irjendwie,
weiß mer schon, mer hatte Jlöck.
Ich künnt Löwe jage, danze met Leoparde,
ne Tiger bezwinge, en Jeffschlang öm d´r Finger binge,
nur eins krich ich nit klein,
en mingem Buch der Schmetterling, wenn ich dich vür mir sin.
Dausendmol han ich dich berührt,
verdeent han ich die nie.
Dausendmol es jet passiert,
un jedes mol e bessje mieh.
Jeneeß die Zick, un jede Augeblick,
em he un jetz, dat es Jesetz,
sulang mieh Hätz noch schleiht.
Ich künnt Löwe ...
Lange Hoor un jecke Spröch,
jo, su kannt mer dich,
quietschfidel un et Hätz op der Zung.
Op der Bühn un en der Fernsehkess,
me´m Zimmermän, oder janz allein,
do wors ne Star un doch ne Sölzer Jung.
Leeven Häns, do wors e Stöckche vun Kölle,
su eins wie et nur selden jitt.
Met dinger Flitsch do kunnst do uns iwich verzälle,
un sicher es, mer verjesse dich nit.
Die Fleech, dat Ei, der Swimmingpool,
un die Schilderjass,
stets poleete Lackschoh jeden Daach,
wo du opjetrodde bes,
do hatten Minsche Spaß,
beim „Kölsche Jung“ do woten Erinnerunge wach.
Leeven Häns…
Danke es nur e Wood, doch wat mer kaum beschrieve kann,
es wat do für uns Kölsche un uns Stadt häs alles jedonn.
Ohohoh, düb….
Sibbe fette Johre bes do dir nit em Klore
wie jot et dir eijentlich jeiht.
Joldene Fassade, ne schöne schwatze Wage,
un e Hus en däm mer jän alt weed.
De Lück driehen sich eröm, saach häste dä jesin?
Doch am schlimmste es - wenn du verjiss - woher do küss.
Wenn dä Boddem sich - vun he op jetz –
en Luff oplös, un dich opfriss,
verjiss nie, woher do küss!
Un noh dä fette Johre, bedroge un belore,
steihs de do un bes janz allein.
Alles op Anfang, weil mer´t nit ändre kann,
mer lurt keinem hinger de Steen.
De Lück driehen sich eröm, saach häste dä jesin?
Doch am schlimmste es…
Un wenn der Sensemann em Rahme steiht,
et letzte Stündche dir ens schlage deiht,
wenn absolut jar nix mieh jeiht,
verjess nit, mer nemmt nix met!
De Sunn schingk heiß durch mieh Finster,
die Kinder om Spillplatz sin laut.
Mona Lisa em Schatte jrins nur,
et es alles wie immer vertraut.
Doch irjendjet en mir dat brennt,
ich kann nit sage, wat et wohl es.
Et röf: mach dich op, jung, wo waatste noch drop?
Die Sejel sin längs ald jehiss!
Loss mich trecke, loss mich trecke,
der Wäsch es et Ziel.
Loss mich trecke, loss mich trecke,
ich kumme schon heim, wenn ich well.
Am Anfang do kom et mir krank vür,
einfach su erus en de Welt.
Doch irjendwann wod et schöner un schöner,
die Freiheit hätt mir su jefählt.
En der Hängematt op irjendner Insel,
op blaue Wildledderschoh durch Memphis,
ne jode Vino beim Papp en Venedig,
op dat mer sich niemols verjiss.
Loss mich trecke…
Wie schön do bes, wenn do su do liss,
han ich dir vill ze lang nit jesat.
Et Levve dat trick, un mir trecke met,
immer wigger, jeden Daach, jede Naach.
Vill ze selden süht mer sich, vill ze selden hätt mer Zick,
dobei wunnt mer unger´m selve Dach.
Vill ze schnell muss alles jon,
wenn einer fleut, dann muss mer stramm ston,
vill ze selden weed dofür danke jesat.
Wie schön do bes…
Vill ze vill un immer mieh,
immer jrößer, immer en de Hüh,
doch Minschlichkeit bliet op d´r Streck.
Der janze Käu, ich läch en aff,
nä, dä brengk mich nit en et Jrav,
ich lääch mich zo dir, denn dat, dat es Jlöck.
Wie schön do bes…
Ach, wenn ich doch bloß wüss,
wat do jrad dräums, un wie et es,
wie friedlich du schlöfs nevven mir.
Ich mach die Auge hösch zo,
jeneeße die Rauh,
weed zom Minsch, em Bett nevven dir.
Düdüdübdübdüdü, Düdüdübdübdüdü - dü,
Düdüdübdübdüdü - ah, ah, ah-ah ….!
En kleine Mösch setz do om Fensterbrett,
un singk e Leed, dat ich nit kenn.
En Meldodie, su frisch und frei, un nett,
pausenlos un wirklich schön.
Ovv et ihr jot jeight, weiß se selver nit,
se’s schlau, un denk jar nit drövver noh.
Un ich wünscht, ich söß op däm Finsterbrett,
däät singe un wör einfach nur do.
Alles hät ne Anfang, alles hät e Eng,
un mir sin meddendren.
Alles hät ne Anfang, alles hät e Eng,
un mir sin meddendrin.
Düdüdübdübdüdü, ...
Mol dir e Bild us dinger Kinderzick,
die Färve bunt, Konture scharf,
lur en d’r Speejel, et es anderes hück,
paar jraue Hoor, wat wohl sin darf.
Alles hät ...
Die Mösch flöch wigger, singk woanders jetzt ihr Leed,
un mir weeden älder, doch et es - för jar nix ze spät ..
Alles hät ...
Düdüdübdübdüdü, ...