Hey Broder, lang nit mieh jesinn,
han dich kaum erkannt, kannt nur ding Stemm.
Et es lang her, Mann, ich wor jo noch e Kind,
als alles anfing, als du jings.
Wo wills do hin, wo wills do hin? (2x)
Kunnt nie bejrieve, wat öm uns passeet,
et einzje wat ich kannt wor unser Leed.
Möde Jestalte, he un do e Dèja-vu,
klor, wenn´t jet ze sinn jit, sinn se he.
En Hääd vun Idiote, ohne Skrupel ohne Sinn,
die sich erlaube wat se wulle, scheißejal wat öm se röm.
Die nemme, wat se krijje, doch im Lääve nie jet dunn,
oh, künnste dat he sinn, ich jläuv du dääts verstonn.
Wo wills do hin…
Hey Schwester, och du bes ens widder he,
künns nit lang blieve, nur bes morje fröh.
Wenn ich jet brööt, sullt ich rofe, wenn ich will,
et einzje wat ich will – bes still!
Wolke wandre, et weed jrauer Daach für Daach,
se sare, se explodiere diss Naach.
Sull´n se ruhig, et ändert nix dodran,
dat ich dich vermess, leeve Mann.
Ich lur däm Jras beim waaße zo, angel stundelang am Rhing
belure Vüjel bovven huh, verfolg die Spur em Wind
Et Levve plätschert vür sich hin, et Hamsterrad steiht still - wenn mer nur will
Nur e bessje Zick, et Levve zo jeneeße
denn mer nemmp nix met, op singer letzte Reis
Wie en Sanduhr, die sich einfach nur ens quer lät,
nur a bessje Zick, denn Zick es Jlöck
Der Minsch, der dich am miehste nerv, räch dich jar nit mieh op.
Et jrößte Ziel, der hühste Berg, ach drieß doch drop
Die Aussich es nur ne Augeblick, doch em Hätze litt viel mieh - jangk en de Knee
Nur e bessje Zick, ...
Vun unge süht de Welt janz anders us,
do merks wie klein do eijentlich wirklich bes
Vun unge wirk alles riese jroß,
su jroß, dat mer versteiht, dat mer nie alles kritt
Nur e bessje Zick, ...
En Tass Kaffe, ne Breef, in Jedanke bei dir;
Es lang schon vorbei, die Zick im Revier.
Wat wore mer hatt, wat hammer jelääv, ich han niemols an Morje jedaach.
Ich sinn die Stroß, sinn der Fluss, sinn der janze Verein,
wo mer domohls jewääse, mer woren immer dobei.
Ich sinn dinge Wage, wo mir uns jeleev, ich han niemols an Morje jedaach,
ich han niemols noh Morje jefrooch.
Du lääs dinge Kopp en minge Schuuß,
flüsters mir in´t Uhr, dat do mich bruchs,
sääs mer janz leis, dat du mich leevs – du övverdrievs!
Die Stones, Rock´n Roll un jenooch vun dem Zeuch,
Dat uns domohls jezeich hätt, wie joot et uns jeiht,
nur immer jraaduss, keine Bleck links un rääts,
ich han niemols an Morje jedaach.
Der Trip an et Meer, en däm Huus hinge am Strand,
mer kohme kaum rus, han uns selver verbannt,
endlose Stunde Autobahn...
Ich han niemols ahn Morje jedaach, ich han niemols noh Morje jefrooch.
Du lääs dinge Kopp en minge Schuuß…
Die Tass Kaffee es leer, dinge Breef joot verstaut,
aff un zo luur ich ren, do häs mer wirklich vertraut,
nur leider ze vill, ich jing drövver en,
ich han niemols an Morje jedaach, ich han niemols noh Morje jefrooch,
ich han niemols op Morje jewaat.
D´r Wind es kalt, et Meer es laut, et tob düster un markant.
Möwe kreische, fleeje wild, Irn´twohin, unerkannt,
wat e Land – wat e unbeschreiblich Land!
Froch mich off wie´t wohl wör, däät ich lääve he am Meer.
Wat wör dat för´e Jeföhl, hätt ich ne Name für jede Well?
Die ahn et Ufer well, ne Name für jede Well?
De Sunn jeiht op Daach für Daach,
se weed erlös vun d´r Naach…
Still un leis, fass kaum wohr,
un doch unbejriefbar noh,
ach künnt et ewig su sinn,
ich jläuv ich jing dran en;
ich ben nit allein, ich jläuv ich jing dran en.
De Sunn jeiht op…
D´r Wind es kalt…
D´r Wind es kalt, et Meer es laut, et tob düster un markant.
Möwe kreische, fleeje wild, Irn´twohin, unerkannt,
wat e Land – wat e unbeschreiblich Land!
Froch mich off wie´t wohl wör, däät ich lääve he am Meer.
Wat wör dat för´e Jeföhl, hätt ich ne Name für jede Well?
Die ahn et Ufer well, ne Name für jede Well?
De Sunn jeiht op Daach für Daach,
se weed erlös vun d´r Naach…
Still un leis, fass kaum wohr,
un doch unbejriefbar noh,
ach künnt et ewig su sinn,
ich jläuv ich jing dran en;
ich ben nit allein, ich jläuv ich jing dran en.
De Sunn jeiht op…
D´r Wind es kalt…
Ne flache Stein springk övver´t Wasser,
ich setz am Ufer vum Rhing.
En Jedanke versunke, un doch nit allein.
Die Strömung speejelt sich diskret,
en dinger Sunnebrell;
ne leichte Wind vun West, un e unfassbar Jeföhl!
Föhl dat kahle Wasser.
Wie´t mer bis zum Knöchel steiht.
Froch mich bei jedem Böötche wohin die Reis wohl jeiht.
Die Schwalve fleeje deef,
un de Sunn lööt langsam noh,
luur dich koot ahn, un sinn dich dräume, t´es eijentlich alles klor.
Reich mir ding Hand, un reich mir die Lääve,
jede Minsch kann, wenn er will och jevve.
Du dräums schon widder vun Manhattan,
ich sinn et dir doch ahn.
Un du wörs leever in Sydney, in dingem jrenzelose Land.
Un doch sitze mir jetz he, schmießen Stein en d´r Rhing.
Mir sin uns treu, sulang et stemmp.
Wie hä do litt, en singem Superman-Pyjama,
un friedlich schlööf, janz stell.
D´r Odem ruhig, hä hält die Hand vun singer Mama,
als wenn hä se niemols los losse well.
Nähx Johr köhm hä en de Schull,
wenn d´r Herrjott hädden dat su jewullt.
Un ich daach, wenn mer well kann mer och fleeje,
jo ich daach, mer künnt der stärkste Feind beseeje,
doch ich weiß – manchmol well mer zevill,
et Lääve es kei Kinderspill. Kei Kinderspill.
Ne kleine Minsch, un doch su stark wie e Pääd,
oh nä, nit jeder köhm su wick.
Wenn hä och Daach für Daach jet schwächer weed,
hä hängk am Lääve, un setz op „Jlöck“.
Do es suvill, wat hä jään noch wöss, do es suvill, wat hä vermess…
Un ich daach, wenn mer well…
Wenn hä sing Mamm do su kriesche süht,
wenn singe Papp met d´r Fassung ringk,
un hä die zwei trotzdem zom Laache bringk,
dann spürt hä – do es noch jet mieh.
Als Panz han ich jeglöv dat ming Nas wächst wenn ich Lüch
Als Panz han ich jeglöv met mingem Pap do künnt ich alles han
Als Panz han ich jedach dat wen ma wirklich will, och fleje kann
Als Panz aß ich de Teller leer für Sunnesching
Tonnewies Spinat um jroß und stark ze sin
Als Panz do woh mir klor ne Indianer kennt kein Ping
ich bies hück noch op de Zäng
Dat es lang so lang at her
doch die Erinnerung die fällt nit schwer
hück weiß ich so viel mie, doch es dat immer schön
manchmal wünch ich mir nur noch ehnmal
ne kleine Panz zo sehn.
Joh dat es lang so lang at her
doch die Erinnerung die fällt nit schwer
hück weiß ich so viel mie, doch es dat immer schön
manchmal wünch ich mir nur noch ehnmal
ne kleine Panz zo sehn.
Dadadadadeihda, Dadadadadeihda
Als Panz han ich jedach dat Elvis läve weil her im Radio es
Als Panz han ich mich gefroch wie passe die Lück all in die Fernsehkess
Als Panz wor für mich klor dat et nur jode Minsche jitt
Dat dat nit stimmt, dat woss ich nit
Dat es lang so lang at her
doch die Erinnerung die fällt nit schwer
hück weiß ich so viel mie, doch es dat immer schön
manchmal wünch ich mir nur noch ehnmal
ne kleine Panz zo sehn.
Joh dat es lang so lang at her
doch die Erinnerung die fällt nit schwer
hück weiß ich so viel mie, doch es dat immer schön
manchmal wünch ich mir nur noch ehnmal
ne kleine Panz zo sehn.
joh manchmal wünch ich mir nur noch ehnmal ne kleine Panz zu sehn.
En heile Welt, häs do mir prophezeit,
sahts jet vun Liebe, vun Rääch un Freiheit.
Wann ich dich han, fessels do mich suwiesu,
jedesmol op et neue, un jrad dat mäht mich fruh …
Met dir schwaade, met dir jonn,
met dir waade, em Rähn römstonn,
met dir föhle, met dir laache,
met dir hüüle, Nächte durchmaache;
met dir levve, met dir sterve,
met dir verliere, un met dir erve,
met dir danze, met dir sin,
met dir zo levve, dat es schön.
Zigg met dir, es wie ene Roman,
et passiert, wat passiert,
nix muss, doch alles kann.
Jede Sick es en neue Sick an dir,
jed' Kapitel weck en neue Loss en mir ...
Met dir schwaade, ...
Bliev hee, jangk jetz bloß nit fott.
Saach, wat du denks, et es suwiesu ze koot!
Met dir schwaade, ...
Lange Hoor un jecke Spröch,
jo, su kannt mer dich,
quietschfidel un et Hätz op der Zung.
Op der Bühn un en der Fernsehkess,
me´m Zimmermän, oder janz allein,
do wors ne Star un doch ne Sölzer Jung.
Leeven Häns, do wors e Stöckche vun Kölle,
su eins wie et nur selden jitt.
Met dinger Flitsch do kunnst do uns iwich verzälle,
un sicher es, mer verjesse dich nit.
Die Fleech, dat Ei, der Swimmingpool,
un die Schilderjass,
stets poleete Lackschoh jeden Daach,
wo du opjetrodde bes,
do hatten Minsche Spaß,
beim „Kölsche Jung“ do woten Erinnerunge wach.
Leeven Häns…
Danke es nur e Wood, doch wat mer kaum beschrieve kann,
es wat do für uns Kölsche un uns Stadt häs alles jedonn.
En Reis en et Nirjendwo, die irjendwann kütt,
muss jeder ens maache, ov hä well – oder nit.
Och wenn´t janz simpel klingk, su es et manchmol schwer,
zo verstonn wo jonn ich hin, un wo kohm ich her?
Un jetz ben ich en de Wolke doheim,
sinn üch do unge, op der Ääd janz klein,
wie ihr he erop lurt un üch bal der Hals verrenk,
dot dat, doch sidd jlöcklich – jede Daach es e Jeschenk.
Dot dat, doch sidd jlöcklich – jede Daach es e Jeschenk!
Ich hatt noch su vill vüür, doch für nie jet Zick,
wenn mer doch fröher wöss, wat späder passeet.
He ovve es et schön, he deiht mer nix mieh wieh,
doch hätt ich leever Ping, un loot met üch en de Hüh.
Un jetz ben ich…
Nanananana Nananana... et kölsche Jeföhl, dat en uns steck!
Et es Friedaachovend, die Woch es vorbei,
un all sinn se do en d´r eetzte Reih,
et Leech jeiht us un d´r Scheinwerfer ahn,
dann weed jesunge met nem Gaffel en d´r Hand!
Op ne schöne Ovend, en schöne Zick,
met üch ze singe, dat es Jlöck.
Wat morje kütt es hück noch janz wick weg.
Op ne schöne Ovend, en schöne Zick,
un jeder vun üch es e janz klei Stöck
vum kölsche Jeföhl, dat en uns steck!
Dä Lade es voll, de Schieve beschlare,
direk he am Dom, wo et kölsche Hätz schläät.
Ov ärm oder rich, ov junge ov ahle,
zesamme singe määt et levve levvenswäät!
Op ne schöne Ovend, ...
Kumm ich jevv noch eine us, die Naach fängk jrad eetz ahn,
denn wat sulle mir zo Huss, un jläuv mir leeve Mann,
du wees schon sinn, dat du et nit bereue wees,
wenn do, wenn et hell weed, nit allein op Heimahn jeihs...
Hey – hey – hey, do bes doch och noch met dobei,
Hey – hey – hey, un wat et es met üch un dänne zwei
dohinge am Desch, sin die noch frisch, oder sin die längs verdrüsch,
jo jung, stell dich nit esu ahn, hück die Naach weed königlich!
Un dä Schuss do ahn dä Thek, der dich ald lang beluurt,
waat nur dat du zo ihm küss, luur nit op de Uhr;
morje häste frei, du häs de janze Woche jehetz,
dröm bliev noch jet he, jo, wat maach´mer jetz?
De Hervssonn schingk en et Zemmer,
un do wees nevven mir wach.
Ich weiß nit, wo mir der Kopp steiht,
wat wor dat widder en Naach.
Nä, ich bruch kein Palme, kei Meer,
wenn ich bei dir ben, ben ich em Paradies,
un sin et och nor e paar Stund,
do weiß jar nit, wat do mir domet jiss…
Su wie du mir der Odem raubs,
su wie du ming Siel durchschaus,
dat es ir'ntwie Magie, die ich deef en mir spür,
wenn ich mich en dir verlier.
Mer drinke Wing, hüre Leeder,
die mer als Pänz schon jehoot,
sinn Momente, sinn Belder,
der Herrjodd meint et wohl jod.
Un do der Zeijer der Uhr,
verjiss för uns zwei de Zigg,
fess umschlunge; wat häld uns zoröck?
Kumm – mer sterve em Jlöck!
Augeringe verzälle vun ner schloflose Naach,
ich setz vür´m Speejel, ben bal zick drissisch Stunde wach,
wat es hück för ne Daach, jeiht de Sunn unger oder op?
De Spilluhr spillt mich bal en Trance un do, do lurs nur zo...
Kein Südstadtnächte, kein Flipper-Sessions em Piranha,
kei Taxi noh Paris, keine Midnight-Döner om Chlodwigplatz,
kein Südstadtnächte, kei Hopping durch Ihrefeld,
et sin vierdausend Jramm, un fuffzich Zentimeter –
wat mir de Auge ophält!
D´r Kopp weed schwer, un de Ärm weeden lang,
en d´r Nohberschaff jonn noh un noh de Leechter ahn
noch e Fläschche für dich, un anders als söns verzichte ich,
nä, mer es ech nit noh Bier, nur einmol länger schlofe als bes vier!
Kein Südstadtnächte…
Doch wenn do laachs, es alles widder jot,
un wenn do laachs, es kein Naach ze koot!
Ich bruch kein Südstadtnächte, ben nur noch selden em Piranha,
Paris han ich längs jesinn, un d´r Midnight-Döner setz immer mieh ahn,
ich bruch kein Südstadtnächte, han mich om Ihrefeld bal mödjehopp,
zickdäm du do bes, steiht de Welt total om Kopp –
un dat es jot!
Dä Gig hück Naach wor ech nit schlääch, ben inzwische om Heimwääsch,
loss et letzte Leed noch ens Revue passiere.
Leef alles jlatt, wor ech joot drop, weiß do noch in der letzte Reih der Kopp,
däät sich für de Jreff interessiere.
Jo, ich weiß et es nit schön, immer ungerwääs ze sinn,
doch ich jläuv och, dat do´t akzeptiers, un dat es wat ich maach an dir!
Ich han die janze Zick ahn dich jedaach,
met jedem Bleck dich ahnjelaach,
ohne dich do jeiht et ech nit mieh.
Wo du och bes, un wat do määs,
do bes in Jedanke en mingem Hätz,
do häs jemaat, dat et mir joot jeiht.
Vun Bühn zo Bühn, övver Birch un Tal, en welcher Stadt, dat es ejal;
met jedem Hätzschlaach denk ich och ahn dich.
Wenn alles klapp duurt et nit mieh lang,
bes ich dich widder in der Ärm nemme kann;
ich weiß ech nit, womit ich dat verdeent han.
Un ich weiß et es nit schön, immer ungerwääs ze sinn,
doch ich jläuv, dat do´t akzeptiers, und dat es wat ich maach an dir!
Kum un treck dinge Hoot ahn, ich nemm dich met op en Reis,
kum ich well dir jet zeije, wat du su schnell nit mieh verjiss.
Weed et drusse och düster, dat es doch völlig ejal,
kumm un maach dich op de Söck, die Naach fängk jrad eetz ahn!
Kumm zo uns, kumm erin, jung - Ihrefeld lääv
Kumm zo uns, un do wees sinn jung – Ihrefeld lääv
Mer jonn met dir e Stöck met op dingem Wääsch,
Ihrefeld lääv!
Dat es mieh Revier he, un jenausujot dings,
wenn do wells kannste blieve, op jeden Fall biste nit allein.
Wat och kütt, do wees spüre, dat he irjendjet es.
Mer kann et nit erkläre, op jeden Fall es et met Hätz.
Ich nemm dir Wööder us der Muhl,
les dir jede Wunsch vun der Leppe aff.
Wohre Liebe weed nit fuhl,
koss et manchmol och jet Kraff.
Am Eng der Zick, wenn einer vun uns do litt,
deiht et zwar wieh, doch irjendwie,
weiß mer schon, mer hatte Jlöck.
Ich künnt Löwe jage, danze met Leoparde,
ne Tiger bezwinge, en Jeffschlang öm d´r Finger binge,
nur eins krich ich nit klein,
en mingem Buch der Schmetterling, wenn ich dich vür mir sin.
Dausendmol han ich dich berührt,
verdeent han ich die nie.
Dausendmol es jet passiert,
un jedes mol e bessje mieh.
Jeneeß die Zick, un jede Augeblick,
em he un jetz, dat es Jesetz,
sulang mieh Hätz noch schleiht.
Ich künnt Löwe ...
Johnny wor ne Spanier un hatt en Kneip en Ihrefeld,
eijentlich wor hä vill ze jung, für su en ahle Rentnerkneip.
Doch wä kennt en nit der Spruch „wä nix weed weed Weet“.
Su dach Johnny su für sich, der Lade wör nit verkeet.
30dausend Euro vun d´r Sparkass op d´r Eck,
ne jode Name, en Brauerei un en nagelneue Thek.
Johnny – Johnny – Johnny! (2x)
Jot sechs Mohnd jiong et dann jot, dann wor die Neujier fott,
immer nur dieselve Köpp, dä Lade jing kapott.
Dann nohm hä sich en Kellnerin, ne ziemlich blonde Schuss,
et hätt nit lang jedurt, dann kohm et wie et kumme muss.
Meddachs ein Stund zo jemat un em Bierkeller jejach,
in Stoßzeiten och ens länger, aff un zo d´r janzen Daach.
Johnny – Johnny – Johnny!
Sing Frau die hätt et metjekräje un schmeeß der Kääl erus,
singe Lade wor sing Arbeid un jetz och sie ze Hus,
de Kellnerin es durchjebrannt un hä wor janz allein,
dozo wor jrad noch Urlaubszick, keine Minsch kohm mieh erin.
Johnny wor dat scheißejal, d´r Typ hat singe Spaß,
Rum un Whisky un och Kölsch, hä wor singe beste Jass´.
Johnny – Johnny – Johnny!
Doch vun nix, do kütt och nix, un su dach Johnny sich,
irjent´wo her muss irjen´tjet her un mat sich op d´r Wäsch.
Hä kannt ne Typ an singer Thek, d´r jede morje kom,
jot jekleidet un autark, d´r Jung d´r mot jet han.
Dreimol han se sich jetroffe, et wor jedes Mol en Schau,
Johnny hätt zevill verrode – un soß dann drei Johr em Bau.
Johnny – Johnny – Johnny!
Als der Johnny ruskohm, wor alles längs vorbei,
der Lade wor verkauf, un der Typ noch immer allein,
su maat hä sich ne Ware klor, un fuhr zoröck noh Huss,
sing Mamm hätt do op ihn jewaat, weil en Mutter waade muss;
doch in Spanien kohm der Johnny leider nie mieh an,
noh 800 Kilometer ne Sekundeschlof op d'r Autobahn.
Johnny - Johnny - goodbye Johnny.
Ey Mohnd, maach et Leech us, dat ich schlofe kann,
der Daach wor wirklich lang jenooch.
Ich sinn e Bild, dat ich längs verjesse han,
do luurs mich ahn, un ich zo dir huh...
Ich han dich, un do häs mich, do bes wirklich königlich,
un e bessje verröck.
Ich han dich, un do häs mich, do bes wirklich königlich,
un e bessje verröck.
Dat en Naach wie die tatsächlich ende kann,
han ich nit jewuss, ich wullt eijentlich mieh.
Ey Mohnd, ich han ech jedaach, dat ich treu sin kann,
doch et jitt für nix en Jarantie...
Et es irn'twie sonderbar, do es jet anders, zick letzter Naach.
Minge Bleck dä es noch trüb, na drei Stunde Schlof reiche ech nit
Un dann em Mage dat Jeföhl
vun nem endlich erreichte Ziel.
Nur ein Sekund - dinge Odem, dinge Mund.
Nur ein Sekund - us schwazz un wieß weed bunt.
Un do bes dä Jrund.
Ben völlig durchenein,
wat ne Minsch in kooter Zick erreiche kann.
Nevven der Kapp, nevven der Spur,
setz d'r janzen Daach he un luur op de Uhr.
Mie Handy es stumm un määt mich jeck,
ich kann mich nit erinnere, wä maat mich jemohls su verröck.