Ich ben immer leever losjefahre, als ahnjekumme!
Tja, wat sull ich sage, wer hädden dat jedaach?
Ich schriev üch hück ens ene Breef.
Kaum ze jläuve, drei Johrzehnte durchjejaach,
Wahnsinn, wat ich all erläv!
Et es verröck, ich hatt en Jittar un ne Draum,
vum kleine Kneipejung - en de Arena un et Stadion!
Jo ich ben immer leever losjefahre, als ahnjekumme
ich moot manches Päckche drare, han immer alles metjenumme.
Dat kann su blieve, och de nächste drissisch Johr,
dodrop loss mer eine hevve, denn et Levve es ze koot -
Hätzliche Dank säät dä Mann met däm Hoot!
Hätzliche Dank säät dä Mann met däm Hoot!
Wat sull ich sage, ich denk noch off ahn üch,
su traurig, dat ihr nit mieh sidd.
Doch ich verspreche, ich jonn wigger minge Wääsch,
vielleich kritt ihr dat jo met.
Wie ühre Klein, der sicher keine Engel wor,
dat all su määt – he op der Ääd, kumme och langsam jraue Hoor.
Jo ich ben immer…
Hey Papp, ding Jitarr steiht noch bovve unger’m Daach,
un inzwische jitt minge Klein och janz brav dodrop Aach,
un Mamm, du weiß nit, wie krass ich dich vermess,
doch bei jedem Leed, dat ich schriev, spür ich, dat do bei mir bes.
Ich ben immer leever losjefahre, als ahnjekumme, …
Sibbe Levve han se jesaat,
hätt op Ääde jede Katz,
sibbe Levve, dat wör nit mi Ding,
sulang ich bei dir ben,
denn bei dir do ben ich doheim.
Wenn ich dich vür mir sin, hätt et Levve ne Sinn,
un ejal, wo ich ben, du bes nit mieh allein.
Wenn ich dich vür mir sin, mät mi Hätz Purzelbäum,
ich wör jään alles för dich,
denn du, du bes alles för mich.
Sibbe Bröcke führe zo dir,
sibbe Sünde – erspar ich mir,
ich wöss ech nit, woröm un wofür,
ich noch einmol mi Hätz riskier,
denn jlöcklich ben ich nur bei dir!
Wenn ich dich vür mir sin, …
Sibbe Levve han se jesaat, …
Wievill Jedanke han ich ald jedaach?
Un wievill Plän han ich ald jehatt?
Dat et irjendwie wiggerjeiht, han ich längs kapiert,
ich han vill jeliehrt.
Un doch fählt mer manchmol dat Jeföhl,
dat mich einer dröck un zo mir kütt,
einer der sät, och wenn et nit su ussüht, verlier nie der Moot,
alles weed joot.
Du bes joot, du bes joot su wie du bes,
un du bes schön, du bes schön su wie du bes.
Et es ok, wenn du dat nit sühs,
doch wenn du ding Auge schleeß,
spürs du: Du bes joot, su wie du bes.
En mingem Kopp dat Karussell,
drieht sich manchmol vill ze schnell.
Do fällt et schwer vür´m Speejel ze stonn, un Hoffnung ze han,
doch et weed schon irjendwie wiggerjonn.
Du bes joot, du bes joot su wie du bes,
un du bes stark, du bes stark su wie du bes…
En Kääz, die brennt nur einmol, bes die letzte Flamm erstick,
un nur noch Rauch un ne joode Duff in Richtung Himmel trick.
Wat bliev schon övvrig, wat kütt am Eng der Zick?
Odme et Levve en, alles hät ne Sinn, et kütt kein Sekund –
kein Sekund – kein Sekund – et kütt kein Sekund zoröck!
Du bes joot, du bes joot su wie du bes, …
Bevür do jlich en et Bettche jeihs,
un för hück ding Auge schleeß,
kumm ich jään noch ens zo dir
un les jet vür.
/Leeve Papp, dat wör schick,
/doch verzäll mer leever jet,
/wie et fröher wor
/en dinger Kinderzick…
Dat dunn ich jään, un wat wirklich witzig es:
Wenn ich dich sinn, dann sinn ich mich…
Jeneratione han jeläv,
manchmol joot un manchmol schläch,
doch et jov immer ne Wääsch.
Un vun jedem bliev jet do,
en unserem Hätze, dat es doch klor,
dat es wie bei dir un mir,
leeve Papp - leeve Jung, dat schwör ich dir.
Uns Hätze schlage em selve Takt,
doch wenn dich ens et Fäänwieh pack,
Loss ich dich fleje
en de Welt erus.
Weil ich weiß, do küss zoröck,
wenn et dich op Heimahn trick,
/weil mer nie verjiss,
/woher mer kütt.
Iwich verbunge, do es nix, wat uns trenne kann,
ich ben su fruh, dat ich dich han!
Jeneratione han jeläv, …
Jede Minsch hät ne Platz op der Ääd,
wo hä hin kann, wenn et ihm schlääch jeiht.
Wo ihn jeder, un doch keiner kennt,
wo’t ejal es, ov mer laach oder flennt.
Bei mir wor dat stets minge Fluss,
miehstens bei Ping em Hätz, en minger Bruss,
´t jitt nix Schöneres, als schreit mer erus,
wat einer kapott mät un wat erus muss:
Schön es et Levve, schön es et Levve,
Schiffe fahre vorbei, ich sage Adieu,
un ich ben frei.
Schön es et Levve, schön es et Levve,
ich odme deef en, lur övver der Rhing,
un spüre: Et Levve es schön!
Et jitt su vill, dat kütt un dat jeiht,
un et weed mieh, je ähler mer weed.
Et kütt vür, dat mer off jar nit weiß,
wat joot es, un wo mer für steiht.
Un dann jonn ich ahn minge Fluss,
dä mir säät, wat ich dunn muss.
Em Wasser, do speejelt sich ming Siel,
un dann weiß ich jenau, wat ich will…
Schön es et Levve, schön es et Levve, …
Die kleine ruude Kess met dä ahle Fotos drin,
us minger Kinderzick, die ich lang mit mieh jesinn,
verzählt vun nem Jung, en singer eijne Welt doheim,
hä wor immer jet anders, un hat ne janze Püngel Dräum.
Tja, dt stemmp - die Dräum han ich hück noch em Kopp,
un zick joot zwanzig Johre och immer jet dodrop!
Minge ahle Hoot, ahn der Jarderobe,
wat dä verzälle künnt, hä es minge beste Fründ,
jeiht met mir durch dick un durch dünn,
minge ahle Hoot, ahn der Jarderob.
Ich han jroße, ich han kleine, joot, vielleich es et ne Tick,
doch eines es sicher, ohne erus jonn ich nit.
Dat Ding op mingem Kopp, jehööt einfach zo mir,
ich kann nix dofür!
Minge ahle Hoot, ...
Janz nevvenbei, wat mich wirklich jlöcklich määt,
keine Minsch op der Ääd süht dodrunger ming Pläät!
Minge ahle Hoot, ...
Koot noh sibbe,
en Stadt weed wach,
de Müllabfuhr
määt ald ihre Job.
Kein Ahnung, wo ich ben,
et steiht em Kalender drin,
doch Haupsaach du bes do,
denn dann jeiht et mir joot.
Hallo Morjesunn, schön dich ze sinn,
kumm einfach erin, ming Finster stonn wigg op.
Hallo Morjesunn, bring dä neue Daach, küss mich langsam waach,
ich han op dich jewaat – die janze Naach.
Der nächste Fröhling kütt,
wat dä wohl bringe weed?
Un weed der Sommer,
jenau su schön…
… wie der letzte wor,
met dir,
hey ich kann nix dofür,
wat ich föhl.
Hallo Morjesunn, schön dich ze sinn, …
Einfach nur jeneeße,
jede Odemzoch.
Einfach nur jeneeße,
vun dir krijje ich nie jenoch!
Wenn ich su ahn ming Heimat denke,
kütt et mir manchmol su vür,
dat ich an Erinnerunge hänge,
doch et janz anders ussüht vür minger Düür.
Un plage mich och Zweifel, ovv ich he noch richtig ben,
bliet am Eng doch die Erkenntnis irjendwo deef en mir dren:
Do kriss mich erus us Kölle, doch Kölle nit erus us mir,
ich kann doch nix dofür.
Do kriss mich erus us Kölle, doch Kölle nit erus us mir.
Dat Jeföhl, dat do noch mieh sin muss,
schlät ald sulang en minger Bruss.
Ich pack su jään ming sibbe Saache,
fahr övver de Zoobröck, övver minge Fluss.
Stets Richtung Süden, denn die Sunn trick mich su ahn,
et Fäänwieh kann bewiese, wie schön mir et he han…
Do kriss mich erus us Kölle, …
Mir weed et flau, wenn ich manches Mol hür,
he wör alles su perfek…
jrad weil ich weiß, dat dat offmohls nit stemmp,
maach ich mich jään fott – doch kumm immer zoröck!
Ich kumm immer zoröck!
Wenn do Trone laachs, künnt ich kriesche vür Jlöck,
künnt de Welt ömärme, wenn do mich küss.
Ich han en mingem Levve manche Himmel jesinn,
doch keiner wor wie du su schön.
Ich zäll jede Well, die ahn et Ufer schläät,
jede Stään, der am Himmel steiht.
Ich zäll jedes Köönche Sand am Strand,
jede Kilometer bes zom Horizont.
Ich fing för dich erus, wat unendlich es,
weil do för mich et Jrößte bes,
un weil ich weiß, dat ich anjekumme ben,
ich han dich – unendlich jään.
Du allein, bes Schuld dodran,
dat ich su off Heimwieh han,
denn jede Daach, jede Daach ohne dich,
es en Iwichkeit för mich.
Jo, ich zäll jede Well, die ahn et Ufer schläät, …
Als Panz, do wor ich jlöcklich, doch han et nit jewuss,
han mich opjerääch, wenn et heeß, „Bei Rään küss du noh Hus!“
Hück stonn ich selvs em Rään, un denke zoröck –
ahn ming Kinderzick.
Wat häs du et joot jemeint, wat han ich dich ignoriert,
du wullts nur mi Bess‘ un ich han dich malträtiert,
met Spröch verletz, durch et Levve jehetz,
dat bereu ich jetz.
Un hätt ich nur einmol die Chance,
dich noch ens ze sinn,
wat dät ich sage, frog ich mich.
Ich jläuv et wöre nur vier Wööd –
mieh krich ich nit hin:
Danke un ich liebe dich.
Nä, ich jevv mer kein Schuld, och du däts dat nit,
denn am Eng do bliev nur, et zo nemme, wie et kütt.
Doch ich nöhm dir su jään jede Zweifel dä do hatts,
för immer aff.
Un hätt ich nur einmol die Chance, …
Un manchmol des Naaks, do besöökste mich,
klopps ahn die Düür vun minger Dräum,
du lurs mich ahn met dinger Auge, die jenau su ussinn, wie ming.
Dann säs do nix, schöddels nit der Kopp, nä du lächels un nimms hösch ming Hand,
et es kaum zo bejriefe, wie mer ne Minsch vermisse kann.
Als Panz, do wor ich jlöcklich, doch han et nit jewuss,
han mich opjerääch, wenn et heeß, „Bei Rään küss du noh Hus!“
Hück stonn ich selvs em Rään, un denke zoröck –
ahn ming Kinderzick.
Wat häs du et joot jemeint, wat han ich dich ignoriert,
du wullts nur mi Bess‘ un ich han dich malträtiert,
met Spröch verletz, durch et Levve jehetz,
dat bereu ich jetz.
Un hätt ich nur einmol die Chance,
dich noch ens ze sinn,
wat dät ich sage, frog ich mich.
Ich jläuv et wöre nur vier Wööd –
mieh krich ich nit hin:
Danke un ich liebe dich.
Nä, ich jevv mer kein Schuld, och du däts dat nit,
denn am Eng do bliev nur, et zo nemme, wie et kütt.
Doch ich nöhm dir su jään jede Zweifel dä do hatts,
för immer aff.
Un hätt ich nur einmol die Chance, …
Un manchmol des Naaks, do besöökste mich,
klopps ahn die Düür vun minger Dräum,
du lurs mich ahn met dinger Auge, die jenau su ussinn, wie ming.
Dann säs do nix, schöddels nit der Kopp, nä du lächels un nimms hösch ming Hand,
et es kaum zo bejriefe, wie mer ne Minsch vermisse kann.
Jede Minscheschlag hät sing Eijenaat,
un bei uns am Rhing do es uns DNA
met dausende vun Leeder jeschmöck,
uns Muttersproch es wie Musik,
un ejal wat kohm, wat wor, die Musik wor immer för uns do.
All die Leeder maachen uns doch us,
se sin uns Heimat, se sin Zehus,
ovv mer singe oder singe losse,
am Eng kütt et drop ahn,
dat mer nie verjiss, wie joot mer et he han,
weil mer för jede Zick et richtije Leedche han.
Johr för Johr, un et weeden immer mieh.
Nit nur em Karneval, em Jäjendeil, fass övverall.
Un es do ens e Leed, wat et bisher nit jitt,
ich schwöre dir, et durt nit lang, bes dat et kütt…
All die Leeder ...
Nit nur am Ahle hänge,
och ens jet Neues bringe,
un mem Bleck övver der Tellerrand.
Neue Jeschichte schrieve,
die dann för immer blieve,
Melodie, die sich en et Hätz jebrannt….
Letzter Refrain (=Modulation):
All die Leeder maachen uns doch us,
se sin uns Heimat, se sin Zehus,
Tonartwechsel!
All die Leeder maachen uns doch us,
sin kölsche Heimat, se sin Zehus,
ovv mer singe oder singe losse,
am Eng kütt et drop ahn,
dat mer nie verjiss, wie joot mer et he han,
weil mer för jede Zick et richtije Leedche han.