Ich weiß noch wie ich drüxzehn wor,
der Kopp voll Dräum, un vill mieh Hoor.
Manches wood tatsächlich wohr,
un et jeiht wigger, och noh all dä Johr.
Nix es wie fröher, irjendwie,
doch manches ändert sich nie!
Mer singe
Övverall, övverall, weil dat he su es,
Övverall, övverall, wo et en Steckdos jitt,
Övverall, övverall, do un ich
bes morje fröh – de Sunn opjeiht!
Övverall, övverall – oho! Övverall, övverall – oho!
Jede Friedaach, joot zehn Johr,
op jedem Platz he en der Stadt.
Die jrößte Hall, et kleinste Loch,
un op Melote manchem tschüß jesaat.
Nix es wie fröher, irjendwie,
doch manches ändert sich nie!
Mer singe…
New York, Paris, Beijing, un quer durch Germany,
un hück sujar en NASHVILLE TENNESSEE!
Ich moot vill bloode en letzter Zick,
dann kohms do em richtije Augebleck,
un nohms mich einfach ahn de Hand.
Doröm dank ich dir, schenk dir mi Hätz dofür!
Kumm un halt mich fess, mi Levve lang,
kumm un bliev bei mir, mi Levve lang.
Mi Hätz schleiht dap-dap-dap-dadadap-dap-dap,
dap-dap-dap-dadadap-dap-dap,
dap-dap-dap-dadadap-dap-dap, mi Levve lang!
Endlich han ich et kapiert,
wat em Levve zällt, dat han ich jeliehrt.
Vum Anfang bes zom joode Schluss,
well ich met dir jonn, för immer zo dir stonn!
Kumm ich halt dich fess, mi Levve lang, un ich bliev bei dir, …
För immer, för immer, för immer mir,
för immer, för immer, för immer mir! (beide Zeilen wdh.!)
Dap-dap-dap ...
Ich han et letzte Leed noch em Uhr,
wie jede Naach he op der Tour,
spür dat Kribble noch em Buch,
dovon krich ich wohl nie jenoch.
Wat e Jlöck, dat ich dat ben,
dä ich em Speejel do sinn.
Un wenn do irjendwer em Himmel es,
ne leeve Jott, oder wä anderes,
dann han ich längs kapiert:
hä meint et joot met mir!
Die Fahrt noh Huss es hück nit lang,
un doch es Zick, dat mer sich drop freue kann,
froch nit zom eetzte Mol, womet ich dat verdeent,
woröm et Levve mich su verwönnt?
Ich ben jlöcklich, dat ich dat ben,
dä ich em Speejel do sinn.
Un wenn do…
Et es janz schön laut en mingem Kopp,
do schwirre dausend Leeder röm.
Johnny Cash singk en irjendem Knass,
vür ner Iwichkeit en St. Quentin.
Hä drieß op alles, wat „normal“ sinn sull,
un määt janz einfach nur si Ding.
Et wör nit schlääch, steckte en jedem Minsch,
e bessje Johnny Cash met drin.
Jo der leeve Jott hätt dir e Jeseech jeschenk,
doch laache muss do selvs.
Do küss nur ahn´t Ziel, wenn do selver lenks,
un dich nit jeck maache lööß.
Wenn ding innere Uhr dir säät,
jung, kumm maach dich op der Wääsch.
Dann waat nit lang un pack ding sibbe Saache,
ding Jittar, un die Plaat vum Cash.
Och wenn et anders kütt, der Wind sich schon ens drieht,
dann verjess bloß nit, och Johnny hatt em Levve nit nur Jlöck…
Wenn et dunkel weed en Kölle fängk der Daach bei dir jrad ahn,
wie do lächels, wenn do wach wees, wie off denk ich dodran?
Wenn et dunkel weed en Kölle un et langsam ruhijer es,
ben ich deef en mir, weil ich dich dann besonders hatt vermess…
Du bes do, un ich ben he, su wick fott, un ich doheim.
Un jede Naach wenn ich ming Leeder sing,
bes do su noh – un doch su fään.
Wenn et dunkel weed en Nashville, övver´m jroße Ozean,
dä letzte Kuss bevür ich jing, wie off denk ich dodran?
Wenn et dunkel weed en Nashville un et langsam ruhiger es,
kann ich dich widder hüre, domet ich dich nit su vermess.
Du bes do…
Oh, wat däät ich dofür jevve,
nur ein Sekund bei dir zo sin,
doch wenn mir uns Auge schleeße,
finge mer uns widder – en unsre Dräu---m!
Bes schön brav saat de Mamm, dat mer kei Klage hööt,
bes schön pünktlich, ejal wo, kumm ze fröh, nit ze spät.
Loss dat Bier usem Ballich, nemm statt Woosch dat Jemös,
mer wulle doch all, dat do hundert Johr wees!
Die Stroß die mer Levvenswääsch nennt,
hätt zom Jlöck och Ömwääje, die nit jeder kennt!
Et kütt nit drop ahn, dem Levve mieh Zick ze jevve,
wichtijer es, die Zick, die mer hätt, met Levve ze fülle.
Jede Hätzschlaach es e Jeschenk, jläuv nit alles, wat do denks!
Et kütt nit drop ahn, dem Levve mieh Zick ze jevve.
Loss dich drage von der Luss mieh vun der Welt ze sinn.
Trau dich Saache, wo do söns immer daachs dat wör schlimm.
Spring vum Zehner en e Meer us Jeföhle un Dräum,
schwimm dich frei, schrei et rus, un tauch janz deef en.
Un wenn do jläuvs, ding Luff wööd knapp,
dann vertrau dinger Siel, un verloß dich drop!
Et kütt nit…
Wenn do wells, kanns do alles han,
wenn do wells, die janze Welt.
Wenn do wells, et litt ahn dir,
maach nur noch dat, wat dir jefällt
Ich stonn barfooss em Sand,
sammel Muschle, zwei en jeder Hand.
Et Paradies es wohl vun he nit wick,
nur e Stöck, e janz klei Stöck.
Barfooss em Sand,
loss en rinne durch jede Hand.
Et Paradies es wohl vun he nit wick,
un et Jlöck op minger Sick.
Wenn do wells, nemm ich ding Hand,
zwei brunge Auge lure mich ahn.
Verspreche mir, dat et suvill jitt,
wat all noch kütt - hey, nemm et met!
Ich stonn barfooss ...
Philosophe han vill nohjedaach,
janz schlaue Minsche han experimentiert.
Doch wie so off, litt de Wohrheit op der Stroß,
un eins jo dat han ich ärsch fröh jeliehrt:
Jlöckliche Mädche
sinn de schönste Mädche,
dat hätt der Papp mir beijebraat!
Brengks do se einmol zom laache,
dann maachen se Saache,
wo do im Draum nit dran jedaach.
Wells do se bütze musste fründlich sin,
wells do se han, tja dann och intellijent.
De Ruus am Revers es nit mieh zickjemäß,
un nemm bloß kein, die nur drop us es, op dat wat do häs!
Jlöckliche Mädche…
Mädche – Mädche
Mädche – Mädche
Jlöckliche Mädche sin schön!
Ah-ah-ah…
Wenn ne Leuchtturm dir der Wääsch zeich noh nem ziemlich lange Daach,
wenn der Sturm langsam noh löht, sich zo Rauh läät för de Naach.
Wenn et dunkel weed am Ufer, un unheimlich still,
dann weiß ich, wat ich will, dann weiß ich, wat ich will…
Du bes wie ne neue Daach,
un zwar ne joode, dä mer bruche kann.
Du bes wie die schönste Naach,
an die mer sich erinnere kann.
Do määs mich leich, wie en Fedder em Wind,
wie en Fedder em Wind.
Aa-ha-ha …
Wie off maat ich schon Fähler, wie off stund ich ald do,
wie off fählte mer Wööder, un ich kohm einfach nit klor.
Ne Heimathafen es, do wo mer hinjehürt,
un hück weiß ich, dä es bei dir, hück weiß ich, dä es bei dir.
Du bes…
Ding schwazze Chucks sin drissisch Johr alt,
ding Ledderjack, die setz jet spack.
Ding Jeans hätt Löcher, noch un nöcher,
un die Tatoo op der Bruss verblass.
E Paradies för jede Mann, der Glamour-Schöss nit ligge kann!
Du – du du du – du bes jet janz besondres,
du – du du du - du bes su herrlich anders!
Du bes einfach wie du bes,
bei Rään danz du op bläcke Fööss,
du – du du du – du bes jetz janz besondres!
Du sääs am leevste, wat du denks,
fährs Vespa, nit Mercedes Benz.
Tass Kaffee – dat es nit die Ding,
en kahl Fläsch Bier sullt et schon sin.
En Frau wie dich trof ich noch nie, ne jode Fründ un su vill mieh!
Letzter Ref.:
Du – du du du bes jet janz besondres,
du – du du du bes su herrlich anders!
Du bes mieh Schnitzel wie Jemös,
om Bruud do häste Woosch statt Kies,
du – du du du bes jetz janz besondres!
du du du bes jetz janz besondres!
du du du bes jetz janz besondres!
De Sejel sin ald lang jehiss,
ne Wirbelsturm jitt mir der Ress,
manchmol halt ich mich janz fess,
weil dat der einzje Uswääsch es.
Wenn keine Anker mieh hält,
wenn alles zesammefällt
Jo dann denk ich widder ens ahn dich,
un ich froge mich, wie´t dir wohl jeiht?
Un dann denk ich vill ze off ahn dich,
un ich stell mir vüür, wie et wohl wör,
wörs do bei mir.
Do laachs mer Falde en´t Jeseech,
bes op huher See et einzje Leech,
hürs zo, wenn ming Auge spreche,
kanns jede Well met links zerbreche.
Wenn keine Anker mieh hält,
wenn alles zesammefällt
Un dann denk ich…
Morjestund hätt Jold em Mund,
dröm Köbes dunn uns noch en Rund,
en klein Kaschämm en Ihrefeld,
he jitt et ALLES, nur wat fählt:
hey, wo bes do hück Naach?
Klor, ich meld mich immer dann,
wenn do et jrad nit bruche kanns,
miehstens wenn die Stääne stonn,
kütt die Whatsapp-Inspiration,
hey, wo bes do hück Naach?
Hück Naach – hück Naach,
saach mer wo bes do hück Naach?
Hück Naach – hück Naach,
saach mer wo bes do hück Naach?
Do stunds su off schon vür der Bühn,
t´es immer schön dich ahnzesinn,
Doch es et hell, trau ich mich nit,
schwad nur met dir, wenn’t düster weed,
hey, wo bes do hück Naach?
Hück Naach – hück Naach, ...
Ding Nummer kenn ich uswendig,
weiß wann do online bes,
un jede Naach denk ich an dich,
schriev un lösch dausend SMS…
Ich wullt immer Musik maache, jet andres wullt ich nie,
un Jott sei Dank hätt et jeklapp, irjendwann un irjendwie.
Wenn ich hück ming Leeder singe, un de janze Hall singk met,
dann künnt ich de Welt ömärme, weil et ech nix Schönres jitt.
Oh - oh oh - oh oh
jo, dat es alles, wat ich will!
Oh - oh oh - oh oh
jo, dat es alles, wat ich will!
Wat sull ich op irjendner Insel, wo et einsam es un still,
ich ben leever meddendren, jo dat es alles wat ich will.
Mir levve hück, nit morje, vill ze schnell es et am Eng,
un jedes Kölsch wat do drinks, künnt et letzte sin!
Oh - oh oh - oh oh ...
Hey, lur nit su, ich kumm en Fredde,
ich han lang nohjedaach.
Mer müsse all jet ruhiger weede,
dä janze Stress määt malad.
Ich han dich, un do häs mich,
och wenn mer manchmol verjiss,
wie wäätvoll un kossbar dat es ...
Der Mond will sing Stääne, der Steff sie Papier,
dat Schiff singe Anker, un ich will zo dir!
Der Mond will sing Stääne, der Steff sie Papier,
dat Schiff singe Anker, un ich will zo dir!
Sin die Näächte och länger,
als beim allereetzte Mol,
su sin se doch jet Besondres,
nit selvsverständlich, nit ejal.
Em Jode un Schlächte,
dat schwore mer uns einst,
bes dat einer jeiht von uns zwei
Der Mond will sing Stääne, ...