Dä Klein singt jede Morje vum Trömmelche - dat jeiht.
Un am Grav vun dr Mamm sings do leis dat ahle Leed.
Un beim Heimwieh noh Kölle kritt dä Opa widder Ping,
dat wor et eetzte wat hä sung nohm Kreech,
als hä dä Dom widder jesinn.
Un ejal wat kumme weed,
wat die Zokunf uns och bringk:
Mir stonn zesamme, wenn Kölle singt!
Wenn Dir alles jenomme weed, un do bes völlig am Eng,
jitt en klein Melodie dingem Levve widder ne Sinn.
Un wenn et wirklich hat kütt, dich ne Virus fast ömbringk,
steiht en janze Stadt Naach för Naach om Balkon
klatsch un singk!
Un ejal wat kumme weed…
Denn uns Leeder sin wie Medizin
Se maache fruh, se maache stolz, wirke Wunder av un zo,
se ömärme dich, föhls do dich janz allein.
Et jeiht mer joot,
dich han ich noch nie bereut.
Do määs mer Moot,
weiß immer, wat mir joot deiht.
Do häs Sunn em Hätze,
domet weed jede Rään ejal…
Un wenn do frös, wo ich am leevste bin,
sag ich jään: en dingem Ärm.
Un häs do och ens Ecke un Kante –
Völlig ok, dat es su bei Diamante.
Uns Zick es kossbar,
dröm verbring ich se met dir,
eetz ens för immer,
un donoh verlängere mir.
Su schön wie he,
kann et im Himmel jar nit sin…
Dat Jras es weich he op der Wies,
op der ich lijje, wenn Sommer es,
e Jänseblömche zwesche de Zäng,
lur ich en de Wolke ren.
Vüjel fleje, vun links noh räts,
ohne Ziel un ohne Stress,
un ich, ich lijje do - un lur ihne noh!
Su jeight alles singe Wääsch …
Der Himmel övver Kölle es för jeden do,
hä künnt su vill verzälle, lur einfach bovven huh.
Der Himmel övver Kölle pass op, dat nix passeet,
ejal ovv blau, ovv jrau - sulang mieh Hätz noch schlät!
Da da dap da da, Da da dap da da
Da da dap da da, Da da dap da da
Da da dap da da, Da da dap da da
Da da dap da da, Da da dap da da
Nit op jede Froch kriss do direk,
en Antwort, die dir wirklich schmeck.
Manchmol künnt et besser sin,
öm de Eck ze denke, andersröm.
Se lieb mich, un se lieb mich nit,
dat Jänseblömche immer dünner weed,
un bes die Stänne stonn, bliev ich lijje, will nit jonn.
Ach künnt et doch immer su sin …
Der Himmerl övver Kölle ...
Da da dap da da, ...
Der Himmerl övver Kölle ...
So lang mieh Hätz noch schlät.
So lang mieh Hätz noch schlät.
So lang mieh Hätz noch schlät.
Augeringe verzälle vun ner schloflose Naach,
ich setz vür´m Speejel, ben bal zick drissisch Stunde wach,
wat es hück för ne Daach, jeiht de Sunn unger oder op?
De Spilluhr spillt mich bal en Trance un do, do lurs nur zo...
Kein Südstadtnächte, kein Flipper-Sessions em Piranha,
kei Taxi noh Paris, keine Midnight-Döner om Chlodwigplatz,
kein Südstadtnächte, kei Hopping durch Ihrefeld,
et sin vierdausend Jramm, un fuffzich Zentimeter –
wat mir de Auge ophält!
D´r Kopp weed schwer, un de Ärm weeden lang,
en d´r Nohberschaff jonn noh un noh de Leechter ahn
noch e Fläschche für dich, un anders als söns verzichte ich,
nä, mer es ech nit noh Bier, nur einmol länger schlofe als bes vier!
Kein Südstadtnächte…
Doch wenn do laachs, es alles widder jot,
un wenn do laachs, es kein Naach ze koot!
Ich bruch kein Südstadtnächte, ben nur noch selden em Piranha,
Paris han ich längs jesinn, un d´r Midnight-Döner setz immer mieh ahn,
ich bruch kein Südstadtnächte, han mich om Ihrefeld bal mödjehopp,
zickdäm du do bes, steiht de Welt total om Kopp –
un dat es jot!
Ich han et letzte Leed noch em Uhr,
wie jede Naach he op der Tour,
spür dat Kribble noch em Buch,
dovon krich ich wohl nie jenoch.
Wat e Jlöck, dat ich dat ben,
dä ich em Speejel do sinn.
Un wenn do irjendwer em Himmel es,
ne leeve Jott, oder wä anderes,
dann han ich längs kapiert:
hä meint et joot met mir!
Die Fahrt noh Huss es hück nit lang,
un doch es Zick, dat mer sich drop freue kann,
froch nit zom eetzte Mol, womet ich dat verdeent,
woröm et Levve mich su verwönnt?
Ich ben jlöcklich, dat ich dat ben,
dä ich em Speejel do sinn.
Un wenn do…
Lang nit mieh jesin, Mann,
lang nix mieh jehot,
usser däm wat mer immer su höt,
hey, ich hoff dir jeiht et jot.
Drieh de Anlaach ruhig op Anschlaach,
jevv dingem Nohber eine us,
ich wullt nur koot Revier markiere,
denn söns halt ich et nit us.
Jetz ben ich do do do do do,
wor eijentlich nie wirklich fott,
Noh all dä Johr Johr Johr Johr Johr,
dofür danke ich dir, leever Jott.
Han jesunge un jelaach,
su manche Naach zom Daach jemat,
jetz meld ich mich zoröck, weil et jet Neues
zo verzälle jitt.
Su vill Storys, su vill Minsche,
Saache, die et jar nit jitt.
E paar vun denne bruch ech keiner,
mer muss oppasse, dat mer nie su weed.
Jetz ben ich do do ...
Ohohoho, hür einfach zo,
ohohoho, wofür sin Fründe do?
Weißt do dat ich manchmol opston
un mich frore wie et wigger john soll
Weißt do dat ich Fehler mache
doch ich bliev mer treu
nix wird besser wenn man et bereut
Denn alles hät sing Zick
leev für der Augenblick
hoh die Jläser, Hand op et Hätz
mir leeve nit jestern nit morje
mir leeve jetzt
mir leeve jetzt
Ich weeß dat nit alles Jold es
wat hoh zum Himmel jlänz
Ich weeß dat kenner et schuld es
wenn mer im Kreis nur rennt
un kenne Uswäsch fingk
Denn alles hät sing Zick ...
un wenn de Herrjott Dich han will
dann sach em Joung ich zech dir meng Welt
träck nur einmol mit mir öm de Hüser
un ich zech dir wat mich he hält
wat mir em Himmel fählt
Denn alles hät sing Zick ...
Ich weiß noch wie ich drüxzehn wor,
der Kopp voll Dräum, un vill mieh Hoor.
Manches wood tatsächlich wohr,
un et jeiht wigger, och noh all dä Johr.
Nix es wie fröher, irjendwie,
doch manches ändert sich nie!
Mer singe
Övverall, övverall, weil dat he su es,
Övverall, övverall, wo et en Steckdos jitt,
Övverall, övverall, do un ich
bes morje fröh – de Sunn opjeiht!
Övverall, övverall – oho! Övverall, övverall – oho!
Jede Friedaach, joot zehn Johr,
op jedem Platz he en der Stadt.
Die jrößte Hall, et kleinste Loch,
un op Melote manchem tschüß jesaat.
Nix es wie fröher, irjendwie,
doch manches ändert sich nie!
Mer singe…
New York, Paris, Beijing, un quer durch Germany,
un hück sujar en NASHVILLE TENNESSEE!
Ich lur däm Jras beim waaße zo, angel stundelang am Rhing
belure Vüjel bovven huh, verfolg die Spur em Wind
Et Levve plätschert vür sich hin, et Hamsterrad steiht still - wenn mer nur will
Nur e bessje Zick, et Levve zo jeneeße
denn mer nemmp nix met, op singer letzte Reis
Wie en Sanduhr, die sich einfach nur ens quer lät,
nur a bessje Zick, denn Zick es Jlöck
Der Minsch, der dich am miehste nerv, räch dich jar nit mieh op.
Et jrößte Ziel, der hühste Berg, ach drieß doch drop
Die Aussich es nur ne Augeblick, doch em Hätze litt viel mieh - jangk en de Knee
Nur e bessje Zick, ...
Vun unge süht de Welt janz anders us,
do merks wie klein do eijentlich wirklich bes
Vun unge wirk alles riese jroß,
su jroß, dat mer versteiht, dat mer nie alles kritt
Nur e bessje Zick, ...
Ah-ah-ah…
Wenn ne Leuchtturm dir der Wääsch zeich noh nem ziemlich lange Daach,
wenn der Sturm langsam noh löht, sich zo Rauh läät för de Naach.
Wenn et dunkel weed am Ufer, un unheimlich still,
dann weiß ich, wat ich will, dann weiß ich, wat ich will…
Du bes wie ne neue Daach,
un zwar ne joode, dä mer bruche kann.
Du bes wie die schönste Naach,
an die mer sich erinnere kann.
Do määs mich leich, wie en Fedder em Wind,
wie en Fedder em Wind.
Aa-ha-ha …
Wie off maat ich schon Fähler, wie off stund ich ald do,
wie off fählte mer Wööder, un ich kohm einfach nit klor.
Ne Heimathafen es, do wo mer hinjehürt,
un hück weiß ich, dä es bei dir, hück weiß ich, dä es bei dir.
Du bes…
Vür jot zwanzig Johr nohm ich ming Jittar,
un maat mich op der Wääsch op en Reis ohne Ziel.
Bei Rään un Sunnesching, bei jedem Wedder,
ich wor nur ungerwääs, ze Hus op jeder Bühn.
Un jetz stonn ich he un ihr sidd do,
ich singe vür un ihr singt noh:
Ohohohoh,
niemols em Levve däät ich dat opjevve - niemols!
Ohohohoh,
wat s ull ich em Himmel, do darf mer nit singe - niemols!
Ich wood huhfiert un falle jelosse,
stund jedesmol op, wor et och noch esu schwer.
Un op eins künnt ihr üch drop verlosse,
sulang ihr wollt kumm ich widder her.
Denn ihr stoht jetz he un ihr sidd do,
Ich singe vür un ihr singt noh:
Ohohohoh, …
Morjestund hätt Jold em Mund,
dröm Köbes dunn uns noch en Rund,
en klein Kaschämm en Ihrefeld,
he jitt et ALLES, nur wat fählt:
hey, wo bes do hück Naach?
Klor, ich meld mich immer dann,
wenn do et jrad nit bruche kanns,
miehstens wenn die Stääne stonn,
kütt die Whatsapp-Inspiration,
hey, wo bes do hück Naach?
Hück Naach – hück Naach,
saach mer wo bes do hück Naach?
Hück Naach – hück Naach,
saach mer wo bes do hück Naach?
Do stunds su off schon vür der Bühn,
t´es immer schön dich ahnzesinn,
Doch es et hell, trau ich mich nit,
schwad nur met dir, wenn’t düster weed,
hey, wo bes do hück Naach?
Hück Naach – hück Naach, ...
Ding Nummer kenn ich uswendig,
weiß wann do online bes,
un jede Naach denk ich an dich,
schriev un lösch dausend SMS…
Ne kleine Talismann us Silver, hatt de Omma mir jeschenk,
do wor ich jrad sibbe Johr.
Pass drop op, sat se zo mir, steck’en jot in et Portemonnaie,
um hück es hä immer noch do.
Duumejroß, met zwei Türm un „Kölner Dom“ enjraveet,
wat es zickdäm nit alles passeet?
Un ejal wo ich ben, wohin et mich trick, ich han der Dom em Jepäck.
Un ejal wo ich ben, wohin et mich trick, ich han der Dom em Jepäck.
Et trock mich erus, weil dat ir’ntwann sin muss, de janze Welt, die han ich jesinn.
Un stets ahn minger Sick, en manch schwerer Zick, he dat klein, silverne Ding.
Wenn ich ens nit wiggerwoss, nohm ich et en ming Fuus, un schon wooten Sorje janz klein…
Un ejal wo ich ben, wohin et mich trick, ich han der Dom em Jepäck.
Un ejal wo ich ben, wohin et mich trick, ich han der Dom em Jepäck.
Ming Oma lurt ald längs vom Himmerspöözje zo,
nur ihre Talismann es immer noch do...
Na, na na na …
Na, na na na …
Na, na na na …
Na, na na na …
Un ejal wo ich ben, wohin et mich trick, ich han der Dom em Jepäck.
Un ejal wo ich ben, wohin et mich trick, ich han der Dom em Jepäck.
Lange Hoor un jecke Spröch,
jo, su kannt mer dich,
quietschfidel un et Hätz op der Zung.
Op der Bühn un en der Fernsehkess,
me´m Zimmermän, oder janz allein,
do wors ne Star un doch ne Sölzer Jung.
Leeven Häns, do wors e Stöckche vun Kölle,
su eins wie et nur selden jitt.
Met dinger Flitsch do kunnst do uns iwich verzälle,
un sicher es, mer verjesse dich nit.
Die Fleech, dat Ei, der Swimmingpool,
un die Schilderjass,
stets poleete Lackschoh jeden Daach,
wo du opjetrodde bes,
do hatten Minsche Spaß,
beim „Kölsche Jung“ do woten Erinnerunge wach.
Leeven Häns…
Danke es nur e Wood, doch wat mer kaum beschrieve kann,
es wat do für uns Kölsche un uns Stadt häs alles jedonn.
Nanananana Nananana... et kölsche Jeföhl, dat en uns steck!
Et es Friedaachovend, die Woch es vorbei,
un all sinn se do en d´r eetzte Reih,
et Leech jeiht us un d´r Scheinwerfer ahn,
dann weed jesunge met nem Gaffel en d´r Hand!
Op ne schöne Ovend, en schöne Zick,
met üch ze singe, dat es Jlöck.
Wat morje kütt es hück noch janz wick weg.
Op ne schöne Ovend, en schöne Zick,
un jeder vun üch es e janz klei Stöck
vum kölsche Jeföhl, dat en uns steck!
Dä Lade es voll, de Schieve beschlare,
direk he am Dom, wo et kölsche Hätz schläät.
Ov ärm oder rich, ov junge ov ahle,
zesamme singe määt et levve levvenswäät!
Op ne schöne Ovend, ...
Wenn do wells, kanns do´t erreiche,
wenn do wells, küss do ahn´t Ziel,
wenn do wells, brichs do Deiche,
wenn do wells, es et e Kinderspill!
Sulang ding Fööss dich drage,
un et pulsiert en dinger Bruss:
Lauf, lauf – loss dich drage, lauf, lauf – vun dinger Energie,
lauf, lauf – Momente jage, us Adrenalin!
Wenn do die Spitze sühs vum Dom, weiß do bal bes do am Ziel,
wenn do die Spitze sühs vum Dom,
dann spürs do dat Jeföhl – dat jitt et nur he!
Wenn do wells, dann hück, nit morje,
wenn do wells – dann volle Kraff,
wenn do wells, verjess ding Sorje,
wenn do wells – weil do alles schaffs!
Sulang ding Fööss dich drage,
un et pulsiert en dinger Bruss:
Lauf, lauf…
42 Kilometer Kölle pur, krüzz un quer entlang am jraue Strom
42 Kilometer Emotion, dat es der Köln Marathon!
Ich nemm dir Wööder us der Muhl,
les dir jede Wunsch vun der Leppe aff.
Wohre Liebe weed nit fuhl,
koss et manchmol och jet Kraff.
Am Eng der Zick, wenn einer vun uns do litt,
deiht et zwar wieh, doch irjendwie,
weiß mer schon, mer hatte Jlöck.
Ich künnt Löwe jage, danze met Leoparde,
ne Tiger bezwinge, en Jeffschlang öm d´r Finger binge,
nur eins krich ich nit klein,
en mingem Buch der Schmetterling, wenn ich dich vür mir sin.
Dausendmol han ich dich berührt,
verdeent han ich die nie.
Dausendmol es jet passiert,
un jedes mol e bessje mieh.
Jeneeß die Zick, un jede Augeblick,
em he un jetz, dat es Jesetz,
sulang mieh Hätz noch schleiht.
Ich künnt Löwe ...
Wo es die Zick, wo es mieh Levve? Et fleeß off vill ze schnell vorbei.
Su wie der Fluß, der mich erobert,
wenn´t mer schläch jing, wo hä stets zor Stell.
Han als Panz versök om Pejel de Uhr ze lese,
et Wasser trock mich magisch ahn.
Dank mingem Opa es dat su jewese, dä wor Kapitän, ne echte Seemann.
Un ich setz op d’r Bank he am Rhing, su wie domohls,
wo mer zwei uns off jesinn, domohls,
jehoot die Welt uns janz allein, domohls, dat es iwich lang ald her.
Un ich setz op d’r Bank he am Rhing, su wie domohls,
schmieße Stein do ren, su wie domohls,
fahre Scheffe hin un her, un noch hück
fleeß derselve Fluss, en et selve Meer.
E paar Johr späder jroße Liebe, die Bank wor unser Jeheimversteck,
vill ze laache, vill Jeföhle, treck ahn der Huhenzollernbröck.
Un ich setz...
Jetz sitz ich met mingem Klein he, un och hä es völlig fasziniert,
Hand en Hand am Rhing spaziere, ich han em Levve vill jeliert.
Un ich setz op d’r Bank he am Rhing, jeneeße,
minge Klein op mingem Ärm, un ich leeve,
immer wigger en däm Fluss,
ming Levvensoder – bes janz zom Schluss.
En heile Welt, häs do mir prophezeit,
sahts jet vun Liebe, vun Rääch un Freiheit.
Wann ich dich han, fessels do mich suwiesu,
jedesmol op et neue, un jrad dat mäht mich fruh …
Met dir schwaade, met dir jonn,
met dir waade, em Rähn römstonn,
met dir föhle, met dir laache,
met dir hüüle, Nächte durchmaache;
met dir levve, met dir sterve,
met dir verliere, un met dir erve,
met dir danze, met dir sin,
met dir zo levve, dat es schön.
Zigg met dir, es wie ene Roman,
et passiert, wat passiert,
nix muss, doch alles kann.
Jede Sick es en neue Sick an dir,
jed' Kapitel weck en neue Loss en mir ...
Met dir schwaade, ...
Bliev hee, jangk jetz bloß nit fott.
Saach, wat du denks, et es suwiesu ze koot!
Met dir schwaade, ...
Dä Klein singt jede Morje vum Trömmelche - dat jeiht.
Un am Grav vun dr Mamm sings do leis dat ahle Leed.
Un beim Heimwieh noh Kölle kritt dä Opa widder Ping,
dat wor et eetzte wat hä sung nohm Kreech,
als hä dä Dom widder jesinn.
Un ejal wat kumme weed,
wat die Zokunf uns och bringk:
Mir stonn zesamme, wenn Kölle singt!
Wenn Dir alles jenomme weed, un do bes völlig am Eng,
jitt en klein Melodie dingem Levve widder ne Sinn.
Un wenn et wirklich hat kütt, dich ne Virus fast ömbringk,
steiht en janze Stadt Naach för Naach om Balkon
klatsch un singk!
Un ejal wat kumme weed…
Denn uns Leeder sin wie Medizin
Se maache fruh, se maache stolz, wirke Wunder av un zo,
se ömärme dich, föhls do dich janz allein.
Wie en Stecknodel em Heuhaufe, die sich versteck,
un schwer nur finge lööt, doch wo mer weiß, dat et se jitt.
Wenn mer´t spürt un fess dran jläuv, dat mer ne Deckel fingk,
für jede Pott he op der Ääd, der die Erlösung brengk.
Immer wenn mer´t jrad nit denk, kütt do e Jeföhl,
et kribbelt leich em Buch, et weed alles anders un mer well
de janze Welt ömärme, schreie vür luter Jlöck,
op der Moment waat ich schon lang, vielleich passeet et hück!
Ich söök noh dir, vielleich bes do he irjendwo,
ich söök noh dir, vielleich bes do mir schon janz noh.
Ich weiß nit, wie do heiß, un ich weiß nit wer do bes,
doch ich weiß, dat et dich jitt.
Ich künnt mich opmaache, lostrecke en de wigge Welt,
dir folje wie ne Detektiv, spioniere, doch ich well
nit öm jede Pries för alles Jeld der Welt opdringlich sin,
ich wade op der Augebleck, en däm ich dich fing.
Ich söök noh dir…
Wenn mer wöss, wie et es, wie et sich ahnföhlt, dat jroße Jlöck,
un ov mer wirklich richtig litt, verröt nur de Zick.
Wenn et dunkel weed en Kölle fängk der Daach bei dir jrad ahn,
wie do lächels, wenn do wach wees, wie off denk ich dodran?
Wenn et dunkel weed en Kölle un et langsam ruhijer es,
ben ich deef en mir, weil ich dich dann besonders hatt vermess…
Du bes do, un ich ben he, su wick fott, un ich doheim.
Un jede Naach wenn ich ming Leeder sing,
bes do su noh – un doch su fään.
Wenn et dunkel weed en Nashville, övver´m jroße Ozean,
dä letzte Kuss bevür ich jing, wie off denk ich dodran?
Wenn et dunkel weed en Nashville un et langsam ruhiger es,
kann ich dich widder hüre, domet ich dich nit su vermess.
Du bes do…
Oh, wat däät ich dofür jevve,
nur ein Sekund bei dir zo sin,
doch wenn mir uns Auge schleeße,
finge mer uns widder – en unsre Dräu---m!
Düdüdübdübdüdü, Düdüdübdübdüdü - dü,
Düdüdübdübdüdü - ah, ah, ah-ah ….!
En kleine Mösch setz do om Fensterbrett,
un singk e Leed, dat ich nit kenn.
En Meldodie, su frisch und frei, un nett,
pausenlos un wirklich schön.
Ovv et ihr jot jeight, weiß se selver nit,
se’s schlau, un denk jar nit drövver noh.
Un ich wünscht, ich söß op däm Finsterbrett,
däät singe un wör einfach nur do.
Alles hät ne Anfang, alles hät e Eng,
un mir sin meddendren.
Alles hät ne Anfang, alles hät e Eng,
un mir sin meddendrin.
Düdüdübdübdüdü, ...
Mol dir e Bild us dinger Kinderzick,
die Färve bunt, Konture scharf,
lur en d’r Speejel, et es anderes hück,
paar jraue Hoor, wat wohl sin darf.
Alles hät ...
Die Mösch flöch wigger, singk woanders jetzt ihr Leed,
un mir weeden älder, doch et es - för jar nix ze spät ..
Alles hät ...
Düdüdübdübdüdü, ...
Bes schön brav saat de Mamm, dat mer kei Klage hööt,
bes schön pünktlich, ejal wo, kumm ze fröh, nit ze spät.
Loss dat Bier usem Ballich, nemm statt Woosch dat Jemös,
mer wulle doch all, dat do hundert Johr wees!
Die Stroß die mer Levvenswääsch nennt,
hätt zom Jlöck och Ömwääje, die nit jeder kennt!
Et kütt nit drop ahn, dem Levve mieh Zick ze jevve,
wichtijer es, die Zick, die mer hätt, met Levve ze fülle.
Jede Hätzschlaach es e Jeschenk, jläuv nit alles, wat do denks!
Et kütt nit drop ahn, dem Levve mieh Zick ze jevve.
Loss dich drage von der Luss mieh vun der Welt ze sinn.
Trau dich Saache, wo do söns immer daachs dat wör schlimm.
Spring vum Zehner en e Meer us Jeföhle un Dräum,
schwimm dich frei, schrei et rus, un tauch janz deef en.
Un wenn do jläuvs, ding Luff wööd knapp,
dann vertrau dinger Siel, un verloß dich drop!
Et kütt nit…
Hey, lur nit su, ich kumm en Fredde,
ich han lang nohjedaach.
Mer müsse all jet ruhiger weede,
dä janze Stress määt malad.
Ich han dich, un do häs mich,
och wenn mer manchmol verjiss,
wie wäätvoll un kossbar dat es ...
Der Mond will sing Stääne, der Steff sie Papier,
dat Schiff singe Anker, un ich will zo dir!
Der Mond will sing Stääne, der Steff sie Papier,
dat Schiff singe Anker, un ich will zo dir!
Sin die Näächte och länger,
als beim allereetzte Mol,
su sin se doch jet Besondres,
nit selvsverständlich, nit ejal.
Em Jode un Schlächte,
dat schwore mer uns einst,
bes dat einer jeiht von uns zwei
Der Mond will sing Stääne, ...
Wat määt d´r Clown do? Bei övver dressisch Jrad
do op d´r Domplaat, häs Du dä jesinn?
Doch hä es nit allein, et weede immer mieh
Pirate, Cowboys un och en Funkemarie
Hück jit et kölsche Sommer-Sonne-Samba!
Em Bikini oder Tigertanga...
Singe, danze, fiere met Karamba,
Et schlät der Beat su wie en Pressluff-Hammer!
Jeck em Sunnesching – ohohoh, et künnt nit schöner sin!
Jeck em Sunnesching – ohohoh, en Kölle am Rhing!
Jeck em Sunnesching – ohoho, un mir sin meddendrin!
Jeck em Sunnesching – ohoho, en Kölle am Rhing!
Wat kümmert uns dä Klaaf, dat m´r dat he nit darf
In love with Fastelove! Dreimol Sommer Sonne ALAAF!
Mir Jecke fiere hück die sechste Johrezick,
do jitt et kein zoröck, et kütt halt wie et kütt
Kabänes on the rocks un Gaffel vum Fass
do hätt mer och bei veezech Jrad vill Spass
Op uns Kölsche – jo do es Verlass!
Em Sommer Fastelovend? Klor - dat pass!
Jeeee – iiiihjeeee – iiiihjeeeeck em Sunnesching! (2x)
Die Uhr die tick, die Zick se rennt, die Naach es widder ens vorbei.
Jestern wor, noch alles klor, do stunte mir noch ahn d´r Thek.
Doch Trübsal blose brengk nix, es d´r Daach och noch su lang,
hück Ovend fang mer noch ens ahn:
Sulang mer singe, uns Leeder klinge,
jeiht et Levve wigger, wat och passeet.
Sulang mer fiere, uns amüsiere,
finge mir ne Wääsch, es et manchmol och nit leich,
doch sulang mer singe jeiht et uns nit schläch!
Zeich mir en Stadt, wo´t sujet jitt,
wo Minsche singe alt un jung.
Wo se´om koot noh vier – medden en d´r Woch,
bei Schnie un Rään ald vür ner Kneip stonn
Et sinn nit bloß die Leeder,
nä et es och dat Jeföhl,
wat uns am Levve hält, dröm sin mer he...
Öm sibbe es Daach, ejal wie koot de Naach och wor,
de Sunn, se fröt nit noh, se jeiht einfach op.
Alles jeiht singe Wääsch, un wat do am Stroßerand wääs,
es dat wat do eins jesät, mer kritt alles zoröck.
Levve zwei punk null, et es alles wie et sull,
de Stroßelatääne jon us, et weed langsam hell,
un do bes widder ein Rund wigger en däm Spill.
Levve zwei punk null, et es alles wie et sull,
jeden Daach spills do öm die Jlöck,
bes irjendwann „Game over“ do steiht.
De Kaate neu jemisch, ne Joker der ungerm Desch,
drop waat dat hä helfe kann, doch verjesse verstübb.
Neues Spill, neues Jlöck, setz alles op schwatz, wenn do dich traus,
us Deckele e Huus jebaut, us Hölzer e Krüzz.
Levve…
Schachmatt, Schock aus, Mau Mau,
et hätt alles e Eng,
schlächte Verlierer, jlöckliche Siejer,
Schicksal oder vürher bestemmp?
Luur de Wolke, wie se wandre,
keiner weiß, wohin et jeiht,
ich stell mieh Handy hück op lautlos,
un joon met inne einfach op de Reis!
Et es alles joot, alles joot, alles joot su wie et es.
Et es alles joot, alles joot, alles joot su wie et es.
Wie et jetz es - joot, joot, joot,
wie et jetz es - joot, joot, joot - (wie et jetz es!)
Froge blieve su vill länger,
als en Antwood hale kann.
Jed Sekund sullt mer och schätze,
sulang mer su e Levve han.
Et es alles ...
Nur ens koot, nur ne Moment,
will ich janz bei mir sin,
es do och keiner, der mich kennt,
ich ben jän jedankelos, wie e klei Kind - denn dann es:
Ich nemm die eetzte fünf am Frieseplatz,
die Stadt weed langsam wach.
De Bahn es leer, ich krijje ne Finsterplatz,
wat wor dat widder ens en Naach.
Am Schlachthoff steich ich wie immer us,
he rüsch alles, wie ich et noch kenn.
Iwichkeite wor ich he ze Huss,
et es schön jetz he ze sinn,
jetz he ze sinn!
Heimat, Heimat – Hätz un Siel,
Heimat, Heimat – Jeföhl!
Ich spüre wie der Wind mich trick,
wat durf ich ald alles sinn.
Vun Eng der Welt bis he, dat es nit wick,
ich weiß wo ming Woozele sin,
et es schön jetz he ze sinn!
Ich han e Päckche met Böcher,
dodren steiht mieh Levve.
Ich woss nie, wofür ich se schriev.
Su vill Zick, su vill Liebe,
et steiht alles dren jeschrevve,
domet, wenn ich jon, och jet bliev.
Un jetz setz ich he, weed langsam zom Jreis,
et Levve es nit immer fair;
ich kann lese wie jlöcklich un verlieb ich ens wor,
doch dä Platz nevven mir dä es leer…
Un dann weeden Erinnerunge wach,
an unsre Affschiedsnaach,
die Trone un die Angs woren et Schlimmste,
doch dä letzte Kuss vun dir wor dä Schönste.
Für et Levve, do jitt et
selden Jesetze,
et Schicksal bestemmp dinge Wäsch.
Et sullt halt nit sin,
doch, wat sulle mer wette,
dat ich für dich noch ens alles jöv.
Doch do lurs jetz zo, vun wo immer do bes,
ich hoffe dir jeiht et jot.
Wenn Jott su will, han ich et och bal jeschaff,
ich versprech dir, ich kumme bal noh.
Ich rieß et nöchste Kalenderblatt aff,
en Tass Kaffee, dann jon ich erus.
Ald widder November, et Johr es bal schaff,
doch eijentlich will ich nur noh Hus, nur noh Hus, zo dir noh Hus.
Wä hätt dat jedaach,
noh däm Ovend en der Kellerbar?
Wä hätt dat jedaach,
noh däm Morje ahn däm Traualtar,
Wä hätt dat jedaach,
op Formentera irjendwo...
Wä hätt dat jedaach,
ahn däm Krankehuusbett?
Wä hätt dat jedaach,
vun fröh bes spät.
Wä hätt dat jedaach,
us zwei weeden drei...
Huh un hellich schwör ich dir,
do un ich, för immer „mir“,
en jode un en schläächte Zigge
bliev ich bei dir.
Wä hätt dat jedaach,
Jeföhle weeden mieh.
Wä hätt dat jedaach,
un et deit nit ens wieh.
Keiner hätt jesaat,
et jöv en Jarantie.
(Doch) Huh un hellich...
Keiner weiß wat kütt, wat et Levve dir noch jitt,
un wat do morje föhls.
Doch die jemeinsame Zick, kritt keiner us mir weg,
lur en die Auge vun däm Klein -
do kannste se sinn...
Wann kütt der Bus, welche Bus,
man, ich muss doch flöck noh Huss,
wenn der Klein us der Schull kütt,
muss ich doheim sinn.
Oder es hä nit schon jroß,
längs ald fott vun ze Huss,
ach ich kann et ech nit ligge,
wenn Jedanke su zerspringe.
Un sinn do Frogezeiche en minge Auge,
un weiß ich nit mieh, wo ich hinjehüür,
kann ich minger Jedanke nit mieh traue,
jo dann, dann wünsch ich mir,
sidd nett met Respek, ich kann nix dofür.
Ben ich traurig oder fruh,
wä es dat em Speejel do?
Et es schön su leich ze sinn,
ohne Ballass op minger Siel.
Do sääs ming Auge wöre leer,
ich saach erinnere fällt schwer,
doch ben ich us Fleisch un Bloot,
schläät noch e Hätz en minger Bruss.
Un sinn do…
Hey Benni, wenn ich irjendwann nit mieh weiß, wä ich ben,
sulls do wisse, mi Levve wor ech schön.
Un steihs do vür mir, wenn ich dich nit erkenn,
dann weiß do, do bes deef en mingem Hätze drin,
janz ejal, wo ich ben.
Scheinwerferleechter, Leuchreklame,
schlächte Wing, leichte Dame,
un janz winnich Realität.
Seifeblose die schnell platze,
schlaue Spröch un koote Schätze,
dat Metz em Rögge, tja, ze spät...
Manchmol weed sujar mir dat ze vill,
Ich ben nit he, weil ich muss - sondern weil ich well!
Ich ben janz wigg fott,
Un trotzdäm su noh,
Janz wigg fott,
mir selver janz noh!
Janz wigg fott,
vun allem wat quält,
janz wigg fott
en minger eijene Welt.
Bussi, bussi, kleine Sünde,
Düüvelvertraue, falsche Fründe,
eetz ens ich dann lang nix.
De Fuuß en der Täsch fessjewaaße,
ne Kreisverkehr, nur ohne Stroße,
laut jelach övver ne schläächte Wetz.
Manchmol weed sujar mir dat ze vill,
Ich ben nit he, weil ich muss - sondern weil ich well!
Balke beje sich, der jröne Zweich weed langsam jrau,
ich denk ze off ahn dich, doch wie et kütt, weiß ich jenau.
Jedes Füür brennt lichterloh, bevür wä kütt,
dä et lösch un weiß, wie sujet nit noch ens passeet.
Ich versprech dir nit et Blaue vum Himmel,
dat wör ech nit fair.
Ävver fröchs do mich hück, wör ich för iwig treu,
do Hätzjewinner,
doch jeder hätt sie eijenes „för immer“.
Kütt et övver dich, oder blievste endlich stark,
Schutzengel sehne sich noh nem endlich freie Daach.
Keiner es perfek, op jede Deckel kumme Striche drop,
doch für die paar Sekunde Jlöck stell ich ming Welt nit op der Kopp!
Ich versprech dir nit…
Ich drag en rusaruude Sunnebrell,
domet do nit sühs, wat ich wirklich föhl.
Wie schreit mer noh Hilfe,
wenn mer kein Stemm mieh hätt?
Jede Mensch schlöf am beste,
en singem eijene Bett.
Wat zälle Wööder,
wer mer se nit verstonn will,
wat es ze winnich,
un wann weed et zo vill?
Wenn jraue Wolke dich ömwandre,
wenn alles kalt weed öm dich röm,
wenn do denks, dat föhlt keine andre,
jläuv mer: do bes nit allein.
Wä fröch noh Sunn,
wenn hä jään em Schatte steiht?
Keine Plan wohin,
dich et Schicksal bringe weed.
Die Einsamkeit
trick dich zo de Stääne hin,
fings do ech,
dat Trone och Jeföhle sin?
Die Jedanke us mingem Kopp,
wööd ich jään för immer loss,
doch se stecke deef en mir,
wie e nie usjebroche, doch ständig loderndes Füür.
Duuve kreise öm d´r Dom,
su wie sick Johre schon,
do lurs huh en de Naach,
ding Jedanke lijje wach.
Wat passeet do, es et ald ze spät?
Do hürs nur, wie se sät:
Ich han jedräump vun dir,
ich kann doch nix dofür.
Ich han jedräump vun dir,
och wenn et falsch es, jläuv et mir,
ben ich klor em Kopp, dann passeet dat nit,
ävver immer wenn et düster weed,
dräum ich vun dir,
ich kann nix dofür.
Do sühs noch, wie se do steiht,
wie ihre Bleck an dinge Leppe hängk,
su vertraut un su noh,
wie ne iwije Moment.
Wat passeet do, es et ald ze spät?
Do hürs nur, wie se sät:
Dä Planet brennt, un de Luff steiht still,
dat Jras es drüsch un brung, un sehnt sich noh ner Avvköhlung.
Do setz vür mir, dräs e Kleid, un söns nit vill,
dinge eetzte Sommer he, su wick fott vun dingem Doheim.
De Moskitos han Huhsaison,
op d´r Söök noh sößem Bloot,
dat do dat häs, dat es jar kein Froch;
un nit nur dat an dir es söß,
do es suvill andres noch…
Un do fröchs: wie schriev mer Liebe,
welche Buchstabe, jroß oder klein,
ich sage leis, läch dinge Steff fott,
do bruchs et nit ze schrieve, wenn do et föhls,
wenn do et föhls.
Do wells suvill sage, doch fähle dir die Wööt,
Häng un Fööss sin en Bewäjung, un die Laache mät mich fruh.
Minge Zeijefinger jespitz op mingem Mund sät,
loss ding Auge spreche Mädche, mir verstonn uns suwiesu.
Jrille zirpe, als jöv et kei Morje mieh,
et litt irjendet en der Luff,
su e Jeföhl hat ich lang nit mieh,
dä Mond liss ming Jedanke,
un do in dingem kleine Boch.
Der Winter weed hatt, han se jesaat,
janz besonders kalt, doch dat weiß ich ald lang.
Et Hätz es op Reis, un der Kopp hink hingerher,
Fründe sin die zwei längs nit mieh.
Jonn oder blieve, wie lang frog ich mich schon,
noch ens alles riskiere, wie ne süchtije Vajabund…
Un wenn et et Letzte es, wat ich dunn,
ich nemm minge Hoot, ming Jack un ich jonn.
Em Levve do kann mer nit alles verstonn –
Schirve bringe Jlöck, ävver mich nie zoröck.
Schirve bringe Jlöck, ävver mich nie zoröck.
Die Jlöck wor och mings, wat han mer uns jeleev!
Durch dick un durch dünn, nix leef verkeet.
Doch ständig die Frog, ovv dat ech alles wor,
ne Ankerplatz für iwich – doch iwich es nur e Wood.
Wat hass ich mich selvs dofür, dat ich et nit jeschaff,
do verfluchs mich, ich mich och, säg am eijene Ass.
Un wenn et et Letzte es ...
Ich han mich verlore, ming Nuut selvs jebore,
jetz stonn ich vürm nix, es et dat, wat ich wullt?
Wat han ich jeschwore, wat han ich jelore,
do läuf irjendjet verkeet en mir, et triff keiner en Schuld!
Un wenn et et Letzte es ...
Ich kann nit lang blieve, flüstert et Jlöck,
doch halt ding Auge op, irjendwann kumm ich zoröck.
Un ich bliev jet länger, wor su off jo schon do,
säät drop die Liebe un zwinkert mir zo…
Jo wat do hück kanns besorje,
dat hätt och Zick bes morje.
Denn wat do hück kanns erlevve,
kann dir morje keiner mieh jevve.
Do häs die Uhr – ich han die Zick!
Do häs die Uhr – ich han die Zick!
Ich ben nur koot he, säät der Draum,
un määt sich wie immer still un heimlich dovun.
Ich ben suwiesu die Letzte, maach et Leech irjendwann us,
laach die Hoffnung, un nemmp die Sehnsuch op d´r Schuuss.
En övverlevve steck och levve, en Unjlöck steck och Jlöck,
en övverdrieve steck och drieve, drieve losse en die Zick.
Dä richtije Wääsch fingkste nur, wenn do ihn sööks…
Ich han Fäänwieh doheim, Heimwieh ungerwääs,
lijje näächtelang wach im Bett.
Fäänwieh doheim, Heimwieh ungerwääs,
woröm will mer immer dat, wat mer jrad nit hätt.
Der neue Mohnd es jroß, su noh ahn der Ääd wie nie.
Minge Leevensmagnet, der mich antrick irjendwie.
Un wenn et do ens Levve jitt, nemm mich met…
Ich han Fäänwieh ...
Et einzje, wat im Levve mieh weed,
wenn mer et deilt, dat es Jlöck.
Wenn zwei Hätze sich irjendwo treffe,
schläät der Blitz en, dann jitt et kei zoröck.
Un wörs do en Melodie, die mer em Radio hüre kann,
wörs do et schönste Leed, dat ich je jeschrevve han.
Ich ben vielleich nit immer bei dir,
doch ich ben immer för dich do.
Och wenn et Levve kei Märche es,
bes do die Prinzessin för mich.
Et jitt jenooch Sunnesching för jede,
wenn du stets noh bovve luurs, kanns do et sinn.
Un irjendwo wees do mich och entdecke,
wenn ich mem Kopp widder övver Wolke ben.
Un wörs do en Melodie, die mer em Radio hüre kann,
wörs do et schönste Leed, dat ich je jeschrevve han.
Ich ben vielleich…
Unser Schloß es us Liebe jebaut,
un unser Königreich es unsre Levvensdraum…
Nä, dat wor nix,
nä, dat wor driss.
Sibbe Mohnd, drei Daach
un veezehn Stunde.
Ich wor verlieb,
do anscheinend nit,
ich daach,
ich hätt et längs ald övverwunde.
Ich däät dir jään
Schwazze Ruuse schenke.
Ich däät jään – nit mieh
Nur an dich denke.
Et Levve wör schöner,
wör dat met uns nie passiert,
un do wo do mir ens ne Ring ahnjesteck,
han ich ne Duudekopp tätowiert.
Ok, ich sinn et en,
der Trip noh Vegas moot nit sinn,
dat wieße Kleid kunnste suwiesu nit drage.
Un jetz setz ich he,
un kapier eetz peu a peu,
woröm se domohls dääte Hexe jage…
Di jebroche Verspreche,
däät mi Hätz breche,
hoffentlich stemmp et nit,
dat mer sich immer zweimol süht!
AM ENG VUM JOHR / 31.12.2019
Op der Finsterbank vür mingem Huus,
steiht en Kääz un bal jeiht se wohl us.
T’wood noch ens kalt en der letzte paar Daach,
en frostije Naach.
Un och söns erwisch ich dat Jeföhl,
dat ich längs nit mieh weiß, wat ich will,
die Sichel vum Mohnd es su spitz,
wie der Ress vun mingem Hätz.
Am Eng vum Johr, weed mir klor,
dat ich immer winnijer weiß un doch zevill.
Am Eng vum Johr stonn ich do,
wo ich immer schon wor, zweschen all denne Stöhl,
op der Söök noh´m wohre Jeföhl.
Wie off nohm ich et mir schon vür,
dropp ze drieße, wat se denke vun mir,
wie off maat ich brick ald ming Bein,
nur öm dobei ze sin.
Un wie off pack mich dann doch der Moot,
ich riskier jet un alles weed joot,
bis wä kütt der mich uslaach un meint,
dat dat jar nit stemmp.
Dä Kaiser hätt neu Kleider, un ich fung se wirklich schön,
doch deef en mir do schlummert dä Klein, dä säät:
„Dä es nackt, mer kann doch jarnix sin!“
Die Färv op mingem Stempelkesse es drösch,
en handjeschrevvne Posskaat litt he om Desch.
Die schick ich dir, su wie immer wenn,
dat Leed em Radio läuf un ich ahn dich denk.
Die letzte Klapp kohm vill ze fröh,
dat Driehbooch hat noch ärsch vill vür.
Doch am Eng führt mer janz allein Regie,
söök se sich selvs us, die nächste Düür.
Ich drink op ding Dräum un op et Levve,
Op uns ahle, joode Zick,
op all die Schöss,
op dich un mich
un die verlorene Stunde,
op all die letzte Runde –
un op di Meisterstöck.
Kuns jitt Kraff, doch koss se Moot,
ne Minsch, dä nie verstande wood,
wie ärsch mer manchmol Fründe bruch,
wie Leeder helfe en der Nuut.
Ich drink op ming Dräum un op et Levve,
Op uns ahle, joode Zick,
op all die Schöss,
op dich un mich
un die verlorene Stunde,
op all die letzte Runde –
un op mi Meisterstöck.
Op all die Schöss,
die ich hück vermiss,
un die verlorene Stunde,
op all die letzte Runde –
un op mi Meisterstöck.