En Kölle stonn die Stääne
dieselve wie övver Israel.
Doch ich jläuv die sinn jet andres,
vermutlich schingen se nit ärsch hell.
Stell dir vüür keiner scheeß,
stell dir vüür keiner lüsch.
En Kölle stonn die Stääne,
un in China hängk ne Mann am Strang.
Wat maach der wohl denke?
Denke, ich jläuv nit
dat der noch föhle kann…
Ob sich dat je ändre weed,
op uns beschaulicher ääd?
Nit jestern, nit hück, nit morje.
En Kölle stonn die Stääne,
un do denks do wörs ärm dran?
Luur dich ens öm, jung,
un jläuv mer die Naach weed lang,
wenn mer hungert un friert,
nit weiß wo mer hinjehüürt…
Nit jestern, nit hück, nit morje.
En Kölle weed et Daach,
der sechste em Januar
Drei maskierte Jecke laufe durch de Stadt,
un hüür ens zo…
Die jläuve ech, dat dat stimmt,
dat ihre Seje Fridde brengk...
Jestern, hück un morje.
Et es paar Johr her, doch et fällt mer nit schwer,
mich zo erinnere wie et wor.
Ich wor alles für dich, do wullts nur mich,
doch ich wor anders drop, völlig klor.
Ich han dich verletz, han met dir jespillt,
han jeschwoore, wat ich nie schwöre kunnt.
Et wor mir nie Ähnz, eetz hück weiß ich,
´t wor wohl ähnzter als et sullt...
Ich ben noch immer verlore, wenn do bei mir bes,
föhl mich wie fessjefroore, wenn do vüür mir steihs,
Jeföhle explodiere, dat litt wohl an dir,
Mädche – wat määs do met mir?
Hück sin mer jet älder, han dich lang nit jesinn,
nur he un do ahn dich jedaach.
Bes zo dem Moment, wo du vüür mir stunds,
han dich kaum erkannt en d´r Naach.
Do sääts ´t jeiht dir joot, et wör alles wie´t sull,
un dinge Neue wör e Jeschenk vun janz huh.
„Dat freut mich“ stammel ich, doch irjendwie es
et schon komisch, ihr zwei: er un du.
T´es kalt jewoode he en minger Buud,
noch vüür paar Daach soh dat janz anders us.
Kann nit mieh schlofe, krich keine Besse eraf,
die Minsche frore: Jung, wie sühs do us?
Un hätt ich eine Wunsch nur frei,
dann sööß ich he jetz nit allein, oh Mädche:
Kum widder heim, ich han et nit su jemeint,
mer finge unsre Wääsch, es et manchmol och nit leich,
mer jehüüre zesamme.
He un do paar Wööder mieh, koss et och jet Energie,
e Lääve ohne dich es einfach füchterlich – kum widder heim.
Der Pappkarton met dinge Saache steiht em Flur,
do schrievs en SMS, wie kunnste nur?
Ich jevv et zo, vielleich wor´t nit die feine Art,
bereu noch jede Satz der ich jesaat.
Jetz setz ich he beim zwölfte Bier,
un ich sehn mich noh dir, oh Mädche:
Muss noch erfasst werden
muss noch erfasst werden
Bröhler Landstroß,
dìr drette Wohnwaare hinge rääts,
süht ärsch verwahrlos us,
su wie Tanja die do lääv.
Sick 30 Johr, em Schatte vum ruude Leech,
't es bahl nit mieh wor,
wat hätt se he schon all erlääv…
All die Type, die kumme, kumme un jonn.
Su manche Kopp vun dänne
kunnt Tanja nie verstonn.
Manch einer wullt bloß schwaade,
ne andre kräät keine Huh,
un, klor, die mieste maat se einfach fruh.
Un se dräump vun Amerika,
vun der jroße wigge Welt,
un wer weiß, vielleich em nächste Johr,
klapp et, wenn Nobby sie Woot hält.
'T weed langsam Winter, 't es kalt un Nieselrän,
se setz em Wohnwaare un friert.
Ne ruude Wing, dä mooch se immer jään,
op däm Bett met Kääze dekoriert.
Un se dräump vun Amerika ...
Text noch nicht vorhanden
Ich setz am Kaminefüür,
du schlöfs he nevven mir,
dinge Kopp en mingem Schuuß deit joot.
Et knistert vüür sich hin,
wie eh un je hedrin,
wie et wohl wiggerjeiht met uns?
Weil do bes wie do bes,
un weil ich ben wie ich ben.
Un weil se sich immer wigger drieht
uns ääd,
es et noch lang nit zo spät...
Dinge Odem es ruhig un leis,
wat do wohl jrad dräume deihs,
un wat do denks dat wöss ich jään.
Es alles su wie do't dir wünschs,
es he un do ech nit leich Kind,
doch et jeiht wigger, du wees sinn...
Weil do bes wie do bes ...
Ich jonn dir durch et Hoor,
un dat Jeföhl es widder do,
wie en d'r eetzte Naach met dir.
Weil do bes wie do bes ...
T'es Jeisterstund, bovven unger'm Daach,
ich hüür Schritte, sinn Jestalte,
bloß Schatte en d'r Naach.
En Stemm die prophezeit,
jetz fängk et jrad eetz ahn,
sin Färve wild rotiere
en ner unendliche Bahn...
Loss mich fleeje,
un wenn do wills kumm met,
loss mich fleeje,
nur e Stöckche Iwichkeit.
Ihrefeld brennt lichterloh diss Naach
Deef en mingem Hätz,
un dat Füür dat hält mich wach.
Flamme friere sich fess en mingem Hätz,
schlare krafflos öm sich, Angs es Jesetz...
Loss mich fleeje ...
Luur all dat Bloot ahn mingem Ungerärm,
Pääle us kahlem Schweiß op minger Steen.
Der jüngste Daach wor jünger als jedaach,
d'r Tunnel wor jet kööter,
et wor am Valentinsdaach...
Der Deckel es rund, un mer süht et dir ahn,
der Spillautomat es längs satt.
RTL-Radio läuf, un du luurs en dä Speejel
övver d´r Thek, nevvenahn klopp wer Skat.
T´kütt schon ens anders, ich weiß dat bringk dir nix,
doch et jeiht wigger, ejal wo du dran driehs,
us schwazz weed himmelblau, dat´es ech keine Wetz,
och wenn du´t hück noch nit versteihs.
Hey Clara, wo sin die Dräum, die du als Kind su off jedräump?
Sinn die ech nit mieh do, oder nur janz deef in dir dren?
Dat me´m Max es wohl vorbei, doch ihr sidd immer noch zwei,
die durch et Lääve jonn, durch dick un durch dünn.
Ich weiß Clara, et letz wat du bruchs,
es ne Typ wie mich nevven dir.
Un im Ähnz, Kind, ich halt mich zoröck,
ben jetz stell, kum drink he dat Bier.
Ben jo selvs allein, un weiß noch jenau wie´t wor,
ahn däm Daach wo alles zerbroch.
Ich kann dich verstonn, un wat ich bloß sare well,
wenn do wells ben ich für dich do.
Jetz setz ich he, die letzte Naach diss Johr,
un dat Jeföhl es widder do.
Wie jedes Mol, wenn et op´t Eng anjeiht,
un mer nit weiß wat kütt.
New York, Paris, wat han ich Dräum jehatt,
un mancher wood sujar noch wohr.
Dä ein oder andre hätt ech Streß jebraat,
doch wat wor, dat wor.
Die letzte Sick em Kalender,
ich spür d´r Wind un hüür et Meer.
Die letzte Sick em Kalender, die bliet leer.
Ich liss dä Text, der ich jeschrivve han,
als ich deef om Boddem looch.
Ich hüür die Leeder, die ich jesunge han,
un denk ahn Ronnies Booch.
Wat weed wohl kumme, weed ich morje wach,
Weed et anders sin als hück ?
Oder weed dat widder su ne Daach,
wo mer stirv em Jlöck?