Hey Broder, lang nit mieh jesinn,
han dich kaum erkannt, kannt nur ding Stemm.
Et es lang her, Mann, ich wor jo noch e Kind,
als alles anfing, als du jings.

Wo wills do hin, wo wills do hin? (2x)

Kunnt nie bejrieve, wat öm uns passeet,
et einzje wat ich kannt wor unser Leed.
Möde Jestalte, he un do e Dèja-vu,
klor, wenn´t jet ze sinn jit, sinn se he.

En Hääd vun Idiote, ohne Skrupel ohne Sinn,
die sich erlaube wat se wulle, scheißejal wat öm se röm.
Die nemme, wat se krijje, doch im Lääve nie jet dunn,
oh, künnste dat he sinn, ich jläuv du dääts verstonn.

Wo wills do hin…

Hey Schwester, och du bes ens widder he,
künns nit lang blieve, nur bes morje fröh.
Wenn ich jet brööt, sullt ich rofe, wenn ich will,
et einzje wat ich will – bes still!

Wolke wandre, et weed jrauer Daach für Daach,
se sare, se explodiere diss Naach.
Sull´n se ruhig, et ändert nix dodran,
dat ich dich vermess, leeve Mann.

Ne kahle Mettwochnohmeddach,
Wind klopp ahn de Düür.
Et Johr es bahl röm,
widder ens vill zo schnell...
 
Wat Fründe sin han ich jeliert,
et Levve es schön met dir,
et es wirklich wohr,
ich jläuv dat nennt mer Leev – Bliev bei mir...
 
Ich hätt niemols jedaach,
dat et su jet wirklich jitt,
un jetz lijje mer he wach,
mich weesde nit mieh quitt...
Do un ich, un keiner söns,
he op ääde der jet säät,
halt mich fess, bevür der Morje kütt
bevür der Morje kütt.
 
Die Stääne funkle övver uns,
alles es still.
Dinge Odem es et einzje,
wat ich hüür.
 
ärm in ärm schlofe mir jetz en,
wat e Jeföhl.
Es et wohr,
oder es et einfach nur ene Draum – Bliev bei mir...
 
Ich hätt niemols jedaach ...

D´r Wind es kalt, et Meer es laut, et tob düster un markant.
Möwe kreische, fleeje wild, Irn´twohin, unerkannt,
wat e Land – wat e unbeschreiblich Land!
Froch mich off wie´t wohl wör, däät ich lääve he am Meer.
Wat wör dat för´e Jeföhl, hätt ich ne Name für jede Well?
Die ahn et Ufer well, ne Name für jede Well?

De Sunn jeiht op Daach für Daach,
se weed erlös vun d´r Naach…

Still un leis, fass kaum wohr,
un doch unbejriefbar noh,
ach künnt et ewig su sinn,
ich jläuv ich jing dran en;
ich ben nit allein, ich jläuv ich jing dran en.

De Sunn jeiht op…

D´r Wind es kalt…

D'r Mond es voll, ich kann nit schlofe,
die Uhr säät jet vin Jeisterstund,
der nevvenahn hätt wohl en Neue,
t'jeiht jedenfalls zick zwei Stund rund...
 
Aff un zo hüürt mer, dat et ihm joot deit,
manchmol en Frauestemm die laach,
ich wünsch ihm ech, dat et ens joot jeiht,
un övverhaup, en joode Naach!
 
Un em Hingerhoff
jonn langsam die Leechter us,
nur en Katz streunt durch de Stroß
un övver't Daach.
Langsam weed et stell
bes op d'r Hungk der bellt,
et es en janz normale Naach
he en d'r Stadt.
 
Ne Düsenjäger fleech südostwärts,
wo der wohl hin will – keine Plan.
Jääjenövver es einer ein am rauche,
der nevvenahn strenk sich noch immer ahn...
 
He un do ne Stään am Himmel,
Dat hätt mich nie jroß interessiert,
un, nä, ich halt och nix vun Engel,
sulang et Mohndleech mich verführt...
 
Un em Hingerhoff ...

E janz klei Dorf,
irjendwo in der Wallachei,
paar Hüüser, en Kirch,
ne Buurehoff un en Bäckerei.
He wootste jroß,
he liertstet Lääve, liertste Leev,
jings zwar in en Jroßstadt,
doch kohms immer widder he hin zoröck.
 
Do maats e Kind,
für ne Moment wor't dinge Draum,
doch wie sullt et wiggerjonn?
Klar! Karriere maache beim Bund...
Ich denk ahn e Weihnachtsfess
met der Klein un ihr allein,
weil die Armee hätt dich jeroofe,
für vill Jeld jingste
un kohms janz anders heim.
 
Sarajevo – Explosione, Schutt un Angs,
hä kohm nie drövver, hätt sich selvs off nit jekannt.
Stets brav jedeent, jeführt vun Jottes Hand,
hück noch irritiert, unheilbar krank.
 
T'wor alles anders,
keiner weiß wat do jesinn,
dinge Bleck wood immer kähler,
un vill rauer wood ding Stemm.
Janz selden nur worste
wie mer dich jekannt,
t'kohm wie't kumme moot
do bes irjendwann durchjebrannt.
 
Sarajevo – Explosione, Schutt un Angs ...
 
Ich sin dat Dorf vüür mir,
en Schaukel im Vüürjaade stonn,
die es längs ald enjeroß,
un et Jras es vill ze lang.
De Kirchejlock schläät zehn,
un rööf zom Jebet,
wat die do all bedde,
jung, dat wöss ich jähn...

Ich han dich jesöök, un ich han dich jefunge,
ich han dich verfluch un ich han dich besunge.

Ich han dich verjöttert, han dich bedrore,
ich han dich jewunne, un ich han dich verlore.

Zick eh un je wors du e Deil vun minger Siel,
doch am Eng wor't wohl ze vill.

Ich han dich verjöttert, han dich bedrore,
ich han dich jewunne, un ich han dich verlore.

Wenn do wells, ok, drieh dich röm, adieu,
un saach nit et däät dir leid.

Ich han dich jesöök, un ich han dich jefunge,
ich han dich verlore, un ich han dich jewunne.

He un do dä Streß, un all die Schwaaderei,
jeff et zo, et es schon nit leich.

Ich han dich ömkämpf,
un ich han dich ömworbe,
ich han dich jewunne, un ich han dich verlore.

Bes minge letzte Draum,
un ich hoff du kanns verstonn,
wenn ich nit mieh met dir jonn...

Ich han dich jesöök, un ich han dich jefunge,
ich han dich verfluch un ich han dich besunge.

Ich han dich verjöttert, han dich bedrore,
ich han dich jewunne, un ich han dich verlore.

Johnny wor ne Spanier un hatt en Kneip en Ihrefeld,
eijentlich wor hä vill ze jung, für su en ahle Rentnerkneip.
Doch wä kennt en nit der Spruch „wä nix weed weed Weet“.
Su dach Johnny su für sich, der Lade wör nit verkeet.
30dausend Euro vun d´r Sparkass op d´r Eck,
ne jode Name, en Brauerei un en nagelneue Thek.

Johnny – Johnny – Johnny! (2x)

Jot sechs Mohnd jiong et dann jot, dann wor die Neujier fott,
immer nur dieselve Köpp, dä Lade jing kapott.
Dann nohm hä sich en Kellnerin, ne ziemlich blonde Schuss,
et hätt nit lang jedurt, dann kohm et wie et kumme muss.
Meddachs ein Stund zo jemat un em Bierkeller jejach,
in Stoßzeiten och ens länger, aff un zo d´r janzen Daach.

Johnny – Johnny – Johnny!

Sing Frau die hätt et metjekräje un schmeeß der Kääl erus,
singe Lade wor sing Arbeid un jetz och sie ze Hus,
de Kellnerin es durchjebrannt un hä wor janz allein,
dozo wor jrad noch Urlaubszick, keine Minsch kohm mieh erin.
Johnny wor dat scheißejal, d´r Typ hat singe Spaß,
Rum un Whisky un och Kölsch, hä wor singe beste Jass´.

Johnny – Johnny – Johnny!

Doch vun nix, do kütt och nix, un su dach Johnny sich,
irjent´wo her muss irjen´tjet  her un mat sich op d´r Wäsch.
Hä kannt ne Typ an singer Thek, d´r jede morje kom,
jot jekleidet un autark, d´r Jung d´r mot jet han.
Dreimol han se sich jetroffe, et wor jedes Mol en Schau,
Johnny hätt zevill verrode – un soß dann drei Johr em Bau.

Johnny – Johnny – Johnny!

Als der Johnny ruskohm, wor alles längs vorbei,
der Lade wor verkauf, un der Typ noch immer allein,
su maat hä sich ne Ware klor, un fuhr zoröck noh Huss,
sing Mamm hätt do op ihn jewaat, weil en Mutter waade muss;
doch in Spanien kohm der Johnny leider nie mieh an,
noh 800 Kilometer ne Sekundeschlof op d'r Autobahn.
 
Johnny - Johnny - goodbye Johnny.

T'Leech weed jebroche, un fällt in't Zemmer,
die Naach wor schwül, nit wirklich schön.
Wa's für ne Daach, sch'han keine Schemmer,
t'es wohl eine im Mai, meddendrin.
 
Am 1.5., vüür zwei Woche fing alles ahn,
ihr sidd renjedanz,
wie mer nur verlieb rendanze kann...
 
T'es koot noh aach, d'r Wecker klingelt,
da's kaum nüüdisch bei dem Krach.
Jääjenövver die Baustell steiht wohl iwich,
aff sibbe morjens es do Daach.
 
Sick jestern weiß Johanna,
dat nit immer alles bliev,
jefölsbesoffe setz se do, un bejrief:
 
Wer janz bovve es, der kann alles sinn,
der hätt der Ausblick,
et schingk jar nix schlimm;
e Panorama wie em Bilderboch
janz koot.
 
Doch wie't im Lääve halt su off passiert,
fällste schneller, als do't selvs kapiers,
op die Landung kütt et dann bloß ahn
Stein oder Strüh.
 
Die zwei Woche siebter Himmel,
jonn och ahn ihr nit leich vorbei,
jetz setz se do en ihrem Zimmer,
luurt ahn de Wand, et Fernseh läuf.
 
Se süht dat Bett,
wo se noch jestern met ihm loch,
sing Tass, sing Schlappe
un e Booch...
 
Dat hätt hä jelese,
wor sie ens e paar Stund weg;
Hä's nit wick jekumme,
jraad ens op Sick zwölf...
Der letzte Satz, dä hä wohl jelese hätt (heiß):
"George wor sich nie sicher, in Sache Leev..."
 
Johanna steiht vür'm Speejel,
jeiht durch et schulderlange Hoor,
se säät janz leich für sich:
dat es doch alles jar nit wohr.

"Für iwich" säät der Tommy,
un schenk ihr ne Ring us Jold,
ne Pirat wor dodrop enjraviert,
wat wor'n se stolz ...
 
«Sulang wie ich lääve
sullste minge Käpt'n sinn" saat se,
die zwei allein am Strand –
un die Naach breech en.
 
Dat wor domohls in Kenia, wo't alles su klor wor,
ohne Zweifel – et Lääve wor et jrößte Jlöck!
 
Jenny wor jrad 18, se wor singe Engel,
tja, doch nit wirklich eine usem Bilderbooch.
 
Doch dat wor ejal, se dääten sich leeve,
Daach un Naach, vun sich krääten se nie jenooch …
 
Drei Woche in Kenia, un ständig nur Siejer,
unvürstellbar, dat et je anders sin künnt.
 
Doch huh om Mast soh Tommy
e Mädche noch janz wick weg
Sing Jedanke schwommen zo ihr hin …
 
Nur en Fahn soh et Jenny noch,
un zwar ein met nem Duudekopp,
su ähnlich wie dä op ihrem Ring.
 
Un Jenny in Kenia stund janz plötzlich allein do,
su wie se kom, su allein, floch se widder heim.
 
Tommy fährt hück Taxi,
es jeschiede sick nem Johr,
bloß singe Klein, der darf hä manchmol sinn.
 
Jenny steiht ahn d'r Reperbahn,
su wie en Piratin,
un dann un wann fällt ihr Kenia widder en …

T´es koot noh nüng, un d´r Daach fängk jrad ahn;
Di Jlas dat steiht halvvoll om Köschedesch.
Drieh mich noch ens röm, ding Sick vum Bett es noch wärm,
un drusse räänt et fürchterlich...

Klor et es nit immer wie et sull,
un miehstens ben ich selver schuld,
doch irjendwie es et och schön, un irjendwo määt et schon Senn,
ich luur´n ding Aure ren...

Einmol ze off, einmol ze lang,
ich kann et nit beschrieve, ich will bei dir blieve.
Einmol ze off, einmol ze lang,
et es ech unbeschreiblich, wie jään ich dich han.

Ich künnt vill schrieve, vill verzälle un mieh,
künnt vill verspreche un heelt et nie.
Doch du nemms mich wie ich ben – Jott sei Dank,
ohne Skrupel, ohne Jarantie...

Klor et es nit immer wie et sull...

Jeden Daach et selve Spill, jung, drink bloß hück nit zevill,
jede Naach die ahl Kassett, un jede Naach die Ahl im Bett.
Jeden Daach der Pissverzäll, „für dich jing ich durch de Höll“
Jo, es klor Schatz, jangk doch vüür, ich kumm bahl noh, drink koot e Bier...

Et jitt Saache, wo mer aff un zo nit weiß, wat sull dat sin,
doch et es immer widder schön bei üch zo sin.   (2x)

Jede Morje fröh erus,  Kopp jewäsche, en d´r Bus,
Autobahn bes koot noh vier, wemmer Jlöck hätt et eetzte Bier.
Dann en Woosch met Ääpelschloot, selvs jekauf, un richtig joot,
met Kabänes noch dobei, föhlt mer sich fass wie doheim...

Et jitt Saache, …

Nä, im Ähnz mir jeiht et joot, he ze spille määt mer Moot,
denn mer weiß jo nie wat kütt, deshalv sing, ich lang et jeiht.
Un et schönste jede Naach,  es wenn ihr metsingt un jet laach,
denn die Leeder die ich sing, sing ich ech nit jään allein.

La, la, la, ......                                      

Jo, es joot, ich loss et sinn, söns krich ich jlich noch eine ren...

Et jitt Saache, …

Setz en der Köch,
schriev dir ne Breef, der drette hück,
obwohl ich weiß 't hätt keine Zweck.

Du bes irjendwo,
jottweißwo ungerwääs,
un ich weiß nit ens – küss do zoröck?

Klar, Leev es verjänglich,
un övverhaup letztendlich,
kütt et anders als mer denk...

Ich stonn am Rhing,
un luur dä Scheffe noh,
ob du jrad an mich denks, oder mich verfluchs?

Klar, he un do sinn Jeföhle schon noch do,
doch für mieh als e Woot wohl kaum jenooch ...

Leev es verjänglich,
un övverhaup letztendlich,
kütt et anders als mer denk ...

All' die Dräum, all' Illusione,
all' die Jedanke, all' Emotione,
weiß du eijentlich, dat ming Welt
sich nit mieh öm dich drieht?

Denn et jitt Dräum, die och verjonn,
es et manchmol och nit leich dat zo verstonn,
ich küss dich einmol noch – dann weed ich jonn.

Die Wolke am Himmel,
wesse selvs nit su jenau,
wo se ahnkumme met dä Zick.

T'es wohl et beste,
ich jonn minge Wääsch,
un fleech e Stöckche met de Wolke met.

Denn Leev is verjänglich,
un övverhaup letztendlich,
kütt et anders als mer denk ...

All' die Dräum ...

Letzte Mettwochnohmedaach, veedel noh vier,
ich weede langsam wach, do schellt et ahn d'r Düür.
Leicht bekleidet, schlääch jelaunt froch ich: "Wä es he?"
Un hüre nur vun unge leis: "Aufmache – AWB!"

Eren kütt ne Schnäuzer met nem Bierbuch, un ne Türk,
fein jemaat in Orange, ich daach jetz wööt jekehrt.
Der Türk der es am Laache, der Deck säät "Jung, pass op;
Aff nächste Woch do stelle mir he alles op d'r Kopp."

En jääle Tonn, en blaue Tonn, die schwazze suwiesu,
keiner weiß, wohin domet, Haupsach Fritz es fruh.
Der Türke fragt "haseduplatz" un luurt dobei janz nett,
der Deck meint "Platz bruchste, denn klein sin die nit!"

Un nevvenahn der Jupp, der schöddelt nur mim Kopp...

Jo, weiste wat ich jläuv, Jupp, ich jläuv die sin beklopp, Jupp,
johrelang jepennt, plötzlich weed der Müll jetrennt,
dat darf nit wohr sin, dat jeiht mer nit in der Kopp ren,
ich schmieße alles in d'r Rhing, maat ühre Driss allein.

Woröm, wiesu, un övverhaup froch ich un sinn se jonn,
der Türk zuck met de Schuldere, un drieht sich widder öm.
Der Deck lööt eine fleeje, un dann sin die zwei away,
dat einzije waat bliet ne Zeddel "Trennen ist ok!"

Reichlich övverfordert un em Ansatz affjefack,
trenn ich mich vum Bett un schmieß mich en de Jack,
ich wullt analysiere wie't die andere do dunn,
un maat mich op d'r Wääsch ahn et Ufer do vum Rhing.

Un nevvenahn der Jupp, der laach sich nur kapott...

Jo weiste wat ich jläuv...

Jo, weiste wat ich jläuv, Jupp, ich jläuv ich han der Arsch op,
Umwelt? Nit mit mir, denn ich han en weiche Bier,
dat darf nit wohr sin, woröm sullt ich kulant sin,
ich schmieße alles in d'r Rhing, un spring dann selvs eren.