Wer hätt jeschrevve, dat nur der Stärkere jewennt,
wer hätt jeschrevve, dat ne Kreech Fredde brengk?
Wer hätt jesaat, et Lääve hätt ne Senn,
un wä kann sich vürstelle, dat de Sunn ens nit mieh schingk?
Wer schriev Böcher, die jede Mensch kapiert,
wer will niemohls wesse, wo hä hinjehööt,
wer süht am Eng vum Anfang noch en Chance,
wer es mutig – un wer hätt Angs?
Froge sinn jroß, un Antwoote klein,
manchmol es alles klor, manchmol söökste ne Senn;
Froge sinn jroß, loss se schrumpfe met d´r Zick,
jläuv ahn dich, jläuv ahn die Jlöck, jläuv ahn dich, jläuv ahn die Jlöck!
Wer hätt behauptet, et jing alles d´r Birch eraf,
wer hätt behauptet, et jööv kein Nohbarschaff,
welche Idiot meint, die Moschee wör em Wääsch,
un wer denk, de Minsche wöre schlääsch?
Froge sinn jroß…
Saach künnt et nit vill leichter sinn,
wenn mer einfach levve künnt?
un künnt et nit besser sinn,
wenn mer uns endlich ens einig sinn?
Möde Auge, doch keine aussichtslose Bleck,
klor, et es nit jrad die allerbeste Zigg,
för ne Clown, der nor 'n Jedanke existiert
es der Wäg en de Wohrheit vill zo wigg.
Un do wünchs, do wwörs wie mir, met zwei Bein, auge, Uhre, Mund un Häng,
doch do bes e Hirnjespinst kanns nix dofür,
naachs, wann alles schlöf, sin Illusione ding Bühn!
Un ich dräum dir en rude Nas, e paar jroße Schoh,
un domet do och jet sinn kanns noch en Riesenbrell dozo
vielleicht klapp et jo dis Naach, Jung, wä weiß,
wann nit, dann blies de hald ne Clown us Sielefleisch.
E Zirkuszelt us Leech, un e Publikumus Jeföhle,
Pääder fleeje wie Stääne durch die Naach,
e Drohtseil us nie jedräumte Dräume, e ander Land an jedem neue Dag.
Dat hat nix ze dun met Zauberei, dat es nem Clown nit si Metier,
oh, Jung, manchmol deihs de mir och leid,
doch miestens wünsch ich mir, ich wördo, un do wörs hee!
De Hervssonn schingk en et Zemmer,
un do wees nevven mir wach.
Ich weiß nit, wo mir der Kopp steiht,
wat wor dat widder en Naach.
Nä, ich bruch kein Palme, kei Meer,
wenn ich bei dir ben, ben ich em Paradies,
un sin et och nor e paar Stund,
do weiß jar nit, wat do mir domet jiss…
Su wie du mir der Odem raubs,
su wie du ming Siel durchschaus,
dat es ir'ntwie Magie, die ich deef en mir spür,
wenn ich mich en dir verlier.
Mer drinke Wing, hüre Leeder,
die mer als Pänz schon jehoot,
sinn Momente, sinn Belder,
der Herrjodd meint et wohl jod.
Un do der Zeijer der Uhr,
verjiss för uns zwei de Zigg,
fess umschlunge; wat häld uns zoröck?
Kumm – mer sterve em Jlöck!
Hee rüch et anders als jewohnt,
dobei es jar nix passiert,
ming leer Tass Kaffe steiht om Köchedesch.
Wie schnell de Zigg off nit verjeiht,
kein Mail, kei Telefon,
der Äschebecher es voller als et nüdig es...
Un e Dröppche jäjen de Angs,
dat ich nit schlofe kann,
die letzte Naach wor eh schon koot jenog.
Un ich stonn vürm Speejel,
luur mich aan,
un frog mich, wat dat soll;
et Blod en minge Odere pulsiert.
Jrenze weeden enger,
Jeföhle weede stumm,
wie e Beld, dat en Jedanke jefriert.
Ich wälz mich durch de Naach,
man, zick Stunde keine Schlof,
sinn Diere, Minsche, Färve öm mich röm.
Ich hür Stemme, die ich kenne,
die mich warne "Jung, pass op,
jläuv jar nit, dat do alles öm dich stemmp ..."
Nor e Dröppche, weil ich weiß,
dat ich nit schlofe kann,
wie su off en letzter Zigg,
ich han baal jenog.
Kum un treck dinge Hoot ahn, ich nemm dich met op en Reis,
kum ich well dir jet zeije, wat du su schnell nit mieh verjiss.
Weed et drusse och düster, dat es doch völlig ejal,
kumm un maach dich op de Söck, die Naach fängk jrad eetz ahn!
Kumm zo uns, kumm erin, jung - Ihrefeld lääv
Kumm zo uns, un do wees sinn jung – Ihrefeld lääv
Mer jonn met dir e Stöck met op dingem Wääsch,
Ihrefeld lääv!
Dat es mieh Revier he, un jenausujot dings,
wenn do wells kannste blieve, op jeden Fall biste nit allein.
Wat och kütt, do wees spüre, dat he irjendjet es.
Mer kann et nit erkläre, op jeden Fall es et met Hätz.
Medden en der Naach,
ich jonn durch de Lenaustroß,
die Kirchejlock schleiht drei;
Katzejammer, un der Wind blös laut,
Krankewage, Polizei.
Do schrievs, do künnts nit schlofe dis Naach,
liss schon zick zwölf Uhr wach;
dat Leech en dingem Finster brennt immer noch,
un en e paar Stund weed et Dag.
Un nix es wichtig,
keiner driev, keiner quält.
Jedanke weede nichtig,
rotiere planlos öm de Welt.
Un do bes schloflos, do bes schloflos,
Do bes schloflos.
Zeddrije Häng, blöde Spröch un noch mih,
't es schon ärg lang her,
dat ich mich su jet von
nit kontrolliere kunnt,
sujar et Od'me fällt mer schwer.
Och wann dat alles schon ech komisch wör,
wie ne seld'ne Draum,
ich dät en dräume, su lang et jing –
denn Dräum bereut mer kaum…
Un nix es wichtig ...
Ne flache Stein springk övver´t Wasser,
ich setz am Ufer vum Rhing.
En Jedanke versunke, un doch nit allein.
Die Strömung speejelt sich diskret,
en dinger Sunnebrell;
ne leichte Wind vun West, un e unfassbar Jeföhl!
Föhl dat kahle Wasser.
Wie´t mer bis zum Knöchel steiht.
Froch mich bei jedem Böötche wohin die Reis wohl jeiht.
Die Schwalve fleeje deef,
un de Sunn lööt langsam noh,
luur dich koot ahn, un sinn dich dräume, t´es eijentlich alles klor.
Reich mir ding Hand, un reich mir die Lääve,
jede Minsch kann, wenn er will och jevve.
Du dräums schon widder vun Manhattan,
ich sinn et dir doch ahn.
Un du wörs leever in Sydney, in dingem jrenzelose Land.
Un doch sitze mir jetz he, schmießen Stein en d´r Rhing.
Mir sin uns treu, sulang et stemmp.
En heile Welt, häs do mir prophezeit,
sahts jet vun Liebe, vun Rääch un Freiheit.
Wann ich dich han, fessels do mich suwiesu,
jedesmol op et neue, un jrad dat mäht mich fruh …
Met dir schwaade, met dir jonn,
met dir waade, em Rähn römstonn,
met dir föhle, met dir laache,
met dir hüüle, Nächte durchmaache;
met dir levve, met dir sterve,
met dir verliere, un met dir erve,
met dir danze, met dir sin,
met dir zo levve, dat es schön.
Zigg met dir, es wie ene Roman,
et passiert, wat passiert,
nix muss, doch alles kann.
Jede Sick es en neue Sick an dir,
jed' Kapitel weck en neue Loss en mir ...
Met dir schwaade, ...
Bliev hee, jangk jetz bloß nit fott.
Saach, wat du denks, et es suwiesu ze koot!
Met dir schwaade, ...
Wie se do litt, makellos schön un söß,
loss dinge Kopp lije en mingem Schuß,
loss et dir jod jonn,
do häs et wirklich verdeent.
Wat do mir bedüggs, kann ich kaum beschrieve,
su lang do wells, kanns de bei mir blieve,
ben för dich do,
do häs et wirklich verdeent...
Wat do jetz jrad denks,
vun wäm do jetz wohl dräums,
wöss ich jään, doch ming Jedanke sin allein.
För dich es dat Leed,
un ich hoff', dat jet bliet,
denn janz em ääns, do bes mih för mich,
als ne jode Fründ.
Do wees wach, blinzels mich aan un frögs,
wie späd, un jitt et ir'nd jet Neues,
un üvverhaup, wat häs do eijentlich gemaht?
't es zehn Johr her, un ich setz hee vör ner Kess,
voller Erennerung, schwatz un wieß,
Leeder för dich, tonnewies...
Wie hä do litt, en singem Superman-Pyjama,
un friedlich schlööf, janz stell.
D´r Odem ruhig, hä hält die Hand vun singer Mama,
als wenn hä se niemols los losse well.
Nähx Johr köhm hä en de Schull,
wenn d´r Herrjott hädden dat su jewullt.
Un ich daach, wenn mer well kann mer och fleeje,
jo ich daach, mer künnt der stärkste Feind beseeje,
doch ich weiß – manchmol well mer zevill,
et Lääve es kei Kinderspill. Kei Kinderspill.
Ne kleine Minsch, un doch su stark wie e Pääd,
oh nä, nit jeder köhm su wick.
Wenn hä och Daach für Daach jet schwächer weed,
hä hängk am Lääve, un setz op „Jlöck“.
Do es suvill, wat hä jään noch wöss, do es suvill, wat hä vermess…
Un ich daach, wenn mer well…
Wenn hä sing Mamm do su kriesche süht,
wenn singe Papp met d´r Fassung ringk,
un hä die zwei trotzdem zom Laache bringk,
dann spürt hä – do es noch jet mieh.
Schleeß die Aure, Kind,
und dräum vun Sache,
die't eijentlich jar nit jitt.
Un du wees sinn,
met jedem Draum weeden se e Stückche Wirklichkeit.
Schleeß die Aure, Kind,
un mohl dir Bilder die keiner süht.
En Färv us Phantasie
weed dich lenke, wenn du dich lenke lööß.
Un bliev deef en dir,
et jitt en Zick wo dat nit mieh jeiht.
Un jläuv et mir,
et kütt der Daach wo du mich versteihs.
Kumm weed janz still,
och ich will schlofe, nur für paar Stund.
D'r Daach wor lang,
un ich weiß du kunns hück
manches nit verstonn.
En fremde Stadt,
en Sproch die du noch nie jehoot.
Ich hoffe nur
du küss he drövve niemols ze koot.
Un bliev deef en dir ...
De Hervssonn schingk en et Zemmer,
un do wees nevven mir wach.
Ich weiß nit, wo mir der Kopp steiht,
wat wor dat widder en Naach.
Nä, ich bruch kein Palme, kei Meer,
wenn ich bei dir ben, ben ich em Paradies,
un sin et och nor e paar Stund,
do weiß jar nit, wat do mir domet jiss…
Su wie du mir der Odem raubs,
su wie du ming Siel durchschaus,
dat es ir'ntwie Magie, die ich deef en mir spür,
wenn ich mich en dir verlier.
Mer drinke Wing, hüre Leeder,
die mer als Pänz schon jehoot,
sinn Momente, sinn Belder,
der Herrjodd meint et wohl jod.
Un do der Zeijer der Uhr,
verjiss för uns zwei de Zigg,
fess umschlunge; wat häld uns zoröck?
Kumm – mer sterve em Jlöck!