Et letzte Leed verklingk,
nix wie eraf vun d´r Bühn,
wor ech ne joode Gig hück,
doch jetz well ich bloß heim.
Ich weiß du waats op mich,
dös´ op d´r Couch vüürm Fernsehapparat,
un – hey – et jitt ech nix schöneres,
als wenn doheim wä op dich waat.
Ich verspreche dir hück nix,
wat du nit eh schon weiß,
keine Schwur un keine Spruch,
ich well nur dat du weiß,
dat nix op d´r Welt
mich fään vun dir hält.
Do jiss mer Truss un Moot,
jrad dat wat ich bruch,
un manches andere,
vun dir krich ich nit jenooch.
Hey luur mich ahn,
et es su schön, wenn du laachs,
un wenn do ding Auge verdriehs,
wenn ich widder irjendne Blödsinn maach ...
Mingen ühm, dä wor jesturve,
si Hüüsje wood bahl usjerümp.
Un mer däähte uns do froore,
wat hä em Levve hatt versüümp.
All die wunderschöne Saache,
die hä niemols hätt benotz:
Kiste voll met bestem Rutwing,
düür Parföm un en neu Botz.
Fröher dääht hä immer saare:
"Die Saache halden ich füür joot".
Jetz kann hä se nit mieh bruche,
denn si Levve wor ze koot.
"Eines Daachs, irjendwann",
is dat, wat mer immer sääht.
"Eines Daachs, irjendwann" –
irjendwann is et ze spät.
Do häs nur dat eine Levve,
wenn Jott well, nur noch ein Stund,
Dröm loss Dir de Freud nit nemme,
maach dä Deckel noch ens rund.
Mingem ühm bin ich hück dankbar,
ich han domols jet kapeet:
Jeden Daach well ich jeneeße,
alles andre es verkeeht !
Hück les ich vill mieh als fröher,
dä Stübb em Eck rääch mich nit op.
Luur em Jaade noh de Blömcher,
et Unkruck määht mer keine Kopp.
Ich han Zick für all ming Fründe,
für mi Leevje suwiesu.
Un ich merke immer widder:
nur maloche määht nit fruh !
"Eines Daachs, irjendwann"…
Et jitt suvill kleine Saache,
wo mer jlöuv, dat hätt noch Zick.
ävver loss Dir vun mer saare:
besser määhste dat noch hück -
Ding ahl Oma ze besööke,
zeije, dat Do ahn se denks.
Met nem Fründ sich ze verdraare,
dat Do nit mieh met ihm zänks.
Bes mem Hätzje bloß nit kniestisch,
denk dodrahn, wat wirklich zällt.
Denn nur dat is wirklich wichtisch,
mieh als alles Jeld der Welt.
"Eines Daachs, irjendwann" …
Jeder Daach es jet besundres -
jester, morje, eets rääch hück.
Waad nit op dä richtije Anlass –
wä weiß, ov dä jemols kütt.
"Eines Daachs, irjendwann" …
Ne Daach wie jede andere, irjendwann em Dezember,
en Chorweiler, koot vüür´m hellije Fess´.
E Mädche, zwei Johr alt, zuckersöß,
wie mer als klei Kind halt su es.
Ich sinn lila Stivvel met Hätzjer drop,
verstoche en nem blaue Sack.
En Express-Schlagzeil´op d´r eetze Sick,
mer weed schlääch, t´läuf mer kalt d´r Rögge eraf.
Un et räänt övver Kölle, et räänt d´r janzen Daach.
D´r Himmel es jrau un deiht kriesche – nur für dich.
Et räänt övver Kölle, et räänt op die Jrav.
Ich hoffe et jeiht dir vill besser, do wo do jetz bes.
En Verzweiflungstat, jrenzenlos övverfordert,
doch es dat en Entschuldijung?
Kann mer wirklich su einfach e Levve zerstüüre,
ohne Skrupel, ohne Jrund?
Muss mer nit jradstonn, wenn et anders ens läuf,
als mer sich hätt jedaach?
Me´m Rögge zur Wand und verantwortungsvoll,
es wirklich alles ejal?
Un et räänt…
Et es irn'twie sonderbar, do es jet anders, zick letzter Naach.
Minge Bleck dä es noch trüb, na drei Stunde Schlof reiche ech nit
Un dann em Mage dat Jeföhl
vun nem endlich erreichte Ziel.
Nur ein Sekund - dinge Odem, dinge Mund.
Nur ein Sekund - us schwazz un wieß weed bunt.
Un do bes dä Jrund.
Ben völlig durchenein,
wat ne Minsch in kooter Zick erreiche kann.
Nevven der Kapp, nevven der Spur,
setz d'r janzen Daach he un luur op de Uhr.
Mie Handy es stumm un määt mich jeck,
ich kann mich nit erinnere, wä maat mich jemohls su verröck.
„Ich bin koot ens fott“, un du wors fass am schlofe,
ich sag, nur flöck an et Büdche, Zirette kaufe
Jo un do kom ich öm de Eck, un ich han et fas jeschaff,
do trock der Büdchenmann vun inne dat Rollo raf.
OK, han ich jedach, ich jonn de Stroß erop
Irjendwo hätt irjendwat janz secher noch op
Un do wor se, laach mich an, als hätt se op mich jewaat:
Ming Stammkneip un die hätt och ne Zijaretteautomat
Schatz, mach dir kein Sorje, denn do weiß jo zom Jlöck
Wann et aff und zo ens spät weed, ich kumm immer zoröck
Süht et manchmol och su us, dat ich för iwig bliev
„Koot ens fott“, Schatz, do weiß doch, dat es bei mir relativ!
Jalalailalala, jalalailalala, jalalailalala la la la la
Nur 2, 3 Bierche, wirklich, han ich mir bestallt,
un dann wooten och schon de Stöhl op de Desch jestallt.
Nur an ming Zijarette, do hat ich nit dran jedach,
ävver der Taximann säht: Flughafen, die han op de janze Naach
Dat hatten se nit, ävver de DomRep em Anjebot als Ziel,
19 Euro nur, und de Zijarette koste do och nit vill!
Un als ich do jelandet bin, hätt et Sönncher su jebrannt,
do daach ich mir, bes zom Rückflug läg ich mich jet an der Strand!
Deef en dr Naach setz ich vüür dä Kiss,
Do bes jetz doheim, do en dinger Bud.
Spür wie su off, dat ich Dich vermess.
Dich jetz anzeroofe, fählt mir ech dä Mot.
Ich wööd Dir jään saare, wie leev ich dich han.
Wie Sehnsucht et Hätz mir schwer maache kann.
Wööd Dir jään saare: Ich wünsch mich ze Dir.
Doch dat jeiht schlääch – fröh morjens öm vier.
Wat mir gehatt, wor wie ne Orkan.
Ich wor su jlöcklich, wullt kein andre han.
Dann mootste in en andre Stadt un wors plötzlich fott,
zickdäm es Zokunf för uns nur e Wood.
Ich wööd Dir jään saare …
Eins is secher: et Hück baut op dat,
wat em Jestern bei uns is passeet.
Un ne Affscheed is immer dofür jemaaht,
dat et em Morje ne Bejinn wieder jitt.
Ich wööd Dir jään saare …
Ich sinn die Wolke, wie se wandre am Horizont,
t´es wohl ärsch stürmisch bovven huh.
Et rüsch noh Summer, et rüsch alles wie jewohnt,
un ich weiß, jlich küss do.
T´es unvürstellbar, dat ich mich noch immer freu,
wenn ich dinge Schlössel em Schloß hüür.
Un wie ne Hungk, d´r d´r janzen Daach wor allein,
dir entjääje renn, ich sehn mich noh dir!
Met dir levvenslänglich, levvenslänglich,
met dir levvenslänglich – kei Problem.
Met dir levvenslänglich, levvenslänglich,
met dir levvenslänglich – dat wör schön!
De Zick bliet manchmol stonn, un ich waade nur op dich,
Sekunde zäh wie ne ahle Käues.
Nenn et ruhig unech, jespielt un kindisch,
su lang ich für mich weiß, dat et wohr es.
Ich leev die Laache, un halt dich fess wenn du et wills,
ich loss dich spille, wenn du maachs.
Wichtig es nur, dat mer weiß mer es für sich do,
jeden Daach un jede Naach.
D´r Wind weed frischer, de Wolke trecke ahn Land,
ich odme dich deef en, un nemm ding Hand.
Un ich daach, ich hätt dich jekannt,
jing met dir in e wildfremb Land,
du häs mich verführt, paralysiert
du trocks mich en dinge Bann.
Wieße Wing, nächtelang nur am Strand,
Freiheit un Liebe em Sand.
Doch hätt ich jewuss wä do wirklich bes,
dann wör ich nit he hin verbannt ...
Ich kumm zoröck ahn dr Rhing,
muss he rus un will ming Fründe widdersinn.
Et Levve wor schön, jetz ben ich allein,
un kumm zoröck ahn dr Rhing.
Ich kumm zoröck ahn dr Rhing,
weil ich söns verlore ben.
En Woch oder zwei, dann ben ich frei,
un kumm zoröck ahn dr Rhing.
Du wors alles, du wors ming Regie,
han ech jedaach, jetz oder nie.
Blind för Leev, Jeföhle su deef,
un plötzlich ejal, irjednwie.
He es nit vill, wat mer ech fähle weed,
nur die Aat un e paar schöne Wööt.
Die paar krijje ich hin un dann kumm ich heim,
un dich well ich nie widder sinn.
Ich lääv mieh lävve, ich maache wat ich will
Do steihs donevve un dir is et zovill
Oft maach ich saache ohne Sinn un Verstand
Ich jon immer wigger, met dem Kopp durch die Wand
Do schüttels dä Kopp,
kannst mich nit verstonn,
un do denkst dir
dat muss doch och ens vürbei jon
Lieb mich wenn ich et jrad jar nit verdeene,
weil ich et dann am nüdichste bruch
Halt mich och wenn ich mich dojäje wehre,
Bin mir jrad widder selver jenoch
Ich ben of ungerwähs
und dann bes spät en d´r Naach
Und verjess janz jän, do liss doheim Wach
Wo is hä, wat mäht hä, es dem Ahl jet passeet
Un dä Ahl versöök jrad,
ov noch mieh erin jeiht
Ding Trone em Kisse, die krieje isch nit mit
Jenau so, wie dat dat du bes, die do neeve mir litt
Lieb mich ...
Ich han immer die Angst,
dat isch irjend jet versäum
Zofredde bin ich nie,
usser in minge dräum
Ey, Lieb mich ...
Hä hatt ne schläächte Daach,
wie su off en letzer Zick,
un och sie wor nit jrad ärsch joot drop.
Ei Woot joov et andere, ne verkeete Blick,
un schon stund widder alles om Kopp.
Ohne Jack un Huusdüürschlüssel,
jingk hä einfach erus,
et eetzte Mol in drissisch Johre,
un hä kom nie mieh noh Hus.
Saach leever einmol ze off tschüss,
un schlach de Düür nie einfach su en et Schloss,
viel ze schnell es et passeet,
dat mer sich nie widder süht.
Saach leever einmol ze off tschüss,
un schlach de Düür nie einfach su en et Schloss,
en lächerliche Sekund,
un de Welt drieht sich nit mieh rund.
Et deit mer leid, säät der Doktor,
un weiß nit wo hä hinluure sull,
hä mööt leider wigger, der nächste waat.
En Trone versunke, met nem Jeföhl
von unfassbarer Schuld,
Hätt se doch bloß hück morje nix jesaat ...
Et Levve es doch ech verfluch, wieso jrad hä?
Froge, nix övver Froge, vür allem wie un wä?
Sibbe Johr lang, et Paradies,
Sibbe Johr et jrößte Jlöck.
Sibbe Stääne, nur für dich,
Sibbe Bröcke op dingem Wääsch ...
Dausend Jeföhle, dausend Dräum,
dausend Momente un noch mieh,
sull dat ech alles jewääse sinn?
Su richtig kapiere weed ich et nie ...
Du luurs mer en de Aure,
ne verschleierte Bleck,
un sääs nur janz leis,
et jööv kei zoröck ...
Nix es für immer,
et jitt kein Kääz, die iwich brennt,
och wenn et klor wor,
irjendwie ... woröm deiht dat su wieh?
Ein Sekund, ne Aurebleck,
eine Moment, de Welt steiht stell,
nur ei Woot, nur e Bild,
nur ei Jeföhl, leer un wild ...
Noch kein Text vorhanden
Wenn et e Paradies op Ääde jitt,
dann weiß ich wo dat litt.
Wenn et Universum ne Ursprung hätt,
es et für uns zwei noch nit zo spät.
Vun he bes zom Mohnd un widder zoröck,
jingk ich für dich un köm immer widder.
Luur die Stääne do am Firmament,
stonn still un hell.
Es Unendlichkeit Realität,
ich saach für iwich ich will!
Noch kein Text vorhanden
Noch kein Text vorhanden