Vür jot zwanzig Johr nohm ich ming Jittar,
un maat mich op der Wääsch op en Reis ohne Ziel.
Bei Rään un Sunnesching, bei jedem Wedder,
ich wor nur ungerwääs, ze Hus op jeder Bühn.
Un jetz stonn ich he un ihr sidd do,
ich singe vür un ihr singt noh:
Ohohohoh,
niemols em Levve däät ich dat opjevve - niemols!
Ohohohoh,
wat s ull ich em Himmel, do darf mer nit singe - niemols!
Ich wood huhfiert un falle jelosse,
stund jedesmol op, wor et och noch esu schwer.
Un op eins künnt ihr üch drop verlosse,
sulang ihr wollt kumm ich widder her.
Denn ihr stoht jetz he un ihr sidd do,
Ich singe vür un ihr singt noh:
Ohohohoh, …
Weißt do dat ich manchmol opston
un mich frore wie et wigger john soll
Weißt do dat ich Fehler mache
doch ich bliev mer treu
nix wird besser wenn man et bereut
Denn alles hät sing Zick
leev für der Augenblick
hoh die Jläser, Hand op et Hätz
mir leeve nit jestern nit morje
mir leeve jetzt
mir leeve jetzt
Ich weeß dat nit alles Jold es
wat hoh zum Himmel jlänz
Ich weeß dat kenner et schuld es
wenn mer im Kreis nur rennt
un kenne Uswäsch fingk
Denn alles hät sing Zick ...
un wenn de Herrjott Dich han will
dann sach em Joung ich zech dir meng Welt
träck nur einmol mit mir öm de Hüser
un ich zech dir wat mich he hält
wat mir em Himmel fählt
Denn alles hät sing Zick ...
Dat Jras es weich he op der Wies,
op der ich lijje, wenn Sommer es,
e Jänseblömche zwesche de Zäng,
lur ich en de Wolke ren.
Vüjel fleje, vun links noh räts,
ohne Ziel un ohne Stress,
un ich, ich lijje do - un lur ihne noh!
Su jeight alles singe Wääsch …
Der Himmel övver Kölle es för jeden do,
hä künnt su vill verzälle, lur einfach bovven huh.
Der Himmel övver Kölle pass op, dat nix passeet,
ejal ovv blau, ovv jrau - sulang mieh Hätz noch schlät!
Da da dap da da, Da da dap da da
Da da dap da da, Da da dap da da
Da da dap da da, Da da dap da da
Da da dap da da, Da da dap da da
Nit op jede Froch kriss do direk,
en Antwort, die dir wirklich schmeck.
Manchmol künnt et besser sin,
öm de Eck ze denke, andersröm.
Se lieb mich, un se lieb mich nit,
dat Jänseblömche immer dünner weed,
un bes die Stänne stonn, bliev ich lijje, will nit jonn.
Ach künnt et doch immer su sin …
Der Himmerl övver Kölle ...
Da da dap da da, ...
Der Himmerl övver Kölle ...
So lang mieh Hätz noch schlät.
So lang mieh Hätz noch schlät.
So lang mieh Hätz noch schlät.
Jläuvs do ahn Wunder, oder es dat nit die Ding?
Stells do Froge vürm Speejel, Froge noh nem Senn?
Bes do manchmol traurig, un weiß nit woröm,
sööks Hoffnung un Trus, un weiß nit wohin?
Do es jet, dat steck en jedem dren,
nur aff un zo es et nit leich dat och zu sinn…
Söök noh dingem Jlöck, loss et eren,
halt et jot fass, wenn et kütt,
un do wees sin, dat et Wunder jitt.
Ne Seiltanz ohne Boddem, der dich fängk, wenn du fälls,
kann et Levve och sinn, doch bliev tapfer, nit zo ähnz.
Irjendwie kütt irjendwo dat berühmte Leech her,
heller als do denks, un dann es jar nix mieh schwer.
Do es jet, dat steck en jedem dren,
nur aff un zo es et schwer dat och zu sinn…
Söök noh dingem Jlöck…
De Blädder weede widder jold, un danze op der Stroß.
Der Hervs es dran schuld, als hätt hä´t jewoss...
Kuschteie für die Pänz, kahle Wind, wärmes Hätz.
Ich han et lang nit mieh jesat, dröm sag ich et dir jetz:
Un ben ich och nit immer einfach, un hür ich och nit immer zo,
et letzte wat ich sinn will vürm enschlofe,
un et eetzte vürm opstonn bes do!
Brut un Spiele, un Liebe, jo mer weed schon verwünnt,
doch mer darf nit verjesse, dankbar ze sin.
Fähle manchmol och Wööder, dann nemm et mir nit krumm,
bes dir sicher, ich bin bei dir, un wööd alles su widder dunn...
Un ben ich och nit immer einfach…
Als Panz han ich jeglöv dat ming Nas wächst wenn ich Lüch
Als Panz han ich jeglöv met mingem Pap do künnt ich alles han
Als Panz han ich jedach dat wen ma wirklich will, och fleje kann
Als Panz aß ich de Teller leer für Sunnesching
Tonnewies Spinat um jroß und stark ze sin
Als Panz do woh mir klor ne Indianer kennt kein Ping
ich bies hück noch op de Zäng
Dat es lang so lang at her
doch die Erinnerung die fällt nit schwer
hück weiß ich so viel mie, doch es dat immer schön
manchmal wünch ich mir nur noch ehnmal
ne kleine Panz zo sehn.
Joh dat es lang so lang at her
doch die Erinnerung die fällt nit schwer
hück weiß ich so viel mie, doch es dat immer schön
manchmal wünch ich mir nur noch ehnmal
ne kleine Panz zo sehn.
Dadadadadeihda, Dadadadadeihda
Als Panz han ich jedach dat Elvis läve weil her im Radio es
Als Panz han ich mich gefroch wie passe die Lück all in die Fernsehkess
Als Panz wor für mich klor dat et nur jode Minsche jitt
Dat dat nit stimmt, dat woss ich nit
Dat es lang so lang at her
doch die Erinnerung die fällt nit schwer
hück weiß ich so viel mie, doch es dat immer schön
manchmal wünch ich mir nur noch ehnmal
ne kleine Panz zo sehn.
Joh dat es lang so lang at her
doch die Erinnerung die fällt nit schwer
hück weiß ich so viel mie, doch es dat immer schön
manchmal wünch ich mir nur noch ehnmal
ne kleine Panz zo sehn.
joh manchmal wünch ich mir nur noch ehnmal ne kleine Panz zu sehn.
Ich bruch kein Stääne, keine Sunneungerjang am Rhing,
han kein rusarude Brell, och Romantik es nit mieh Ding.
Ich weiß et es nit immer leich, ming Jedanke enzosinn,
un dofür steck en „Jedanke“ e „Danke“ dren…
Dofür dat du do bes, mich nit em Stich lös,
dat du hinger mir steihs, wenn jar nix mieh jeiht,
dofür dat du ech bes, mich nimms wie ich ben,
de Aure verdriehs wenn ich widder beklopp bin,
dofür dat du su bes, wie du bes, dofür lieb ich dich.
Ich kann schwade, bes de Welt sich andersröm drieht,
dobei wör et manchmol besser, wenn mer einfach jar nix sät.
Wie off bieß ich mir, selver en de Fott,
dann laachs do nur, un säs: ach Jung, es jot…
Dofür dat…
Et fällt mer schwer, denn et jitt kei Wood dofür,
wat ich spür, steihs do vür mir.
Fassade, die ald bahl nit mieh wohr sin,
marode Baumstämm rage wie jemolt us em Meer,
en Kuliss´ - et künnt bahl wie im Film sinn,
Möwe kreische, desinteressiert.
Un op däm Scheff steiht verwäsche „Santa Lucia“,
mer kann et nur entziffere, wenn mer et weiß.
Ne rostije Anker litt an Deck, wie schon immer,
un am Steuerrad hängk en wieße Käptnmötz.
Et weed Hervs om Piazza San Marco,
un Giovanni läät zom letzte Mol aff.
Fuffzich Johr Käptn op der Lucia,
doch hück sing Affschiedsfahrt koss en Kraff,
hä hätt et bahl jeschaff.
Jalala…
Hä kennt Venedig wie sing eijene Westetäsch,
Canale Grande bes zom Lido, jede Wasserwäsch,
met singem Papp wor hä als Panz op der Adria doheim,
noch hück es hä allein, weil Seemänner nix für Fraue sin.
Et weed Hervs…
Et es kalt em Sommer, un der Winter es wärm,
do häs unbändije Hunger, wells alles un noch mieh sinn.
Jierije brunge Auge, e Stoffdier em Ärm
dat es su jeborje bei dir, wie do bei mir janz deef drin.
Ich well nit vill, hatt em Leeve jenoch,
ich well nur, dat do mich noch kenns un jän häs,
bei mingem letzte Odemzoch.
Ding Welt weed sich driehe, manchmol schneller als ming,
dat es völlig in Oodnung, brengk et aff un zo och Ping.
Du bes janz am Anfang, ich hoff ich han dir e Bettche jemat,
en däm et dir jot jeiht, hück un morje, un bes zom letzte Daach.
Ich well nit vill…
Ihrefeld, mieh Ihrefeld, ich jläuv mer müsse schwaade.
Do bes mieh Hätz, do bes ming Welt, doch hinger der Fassade,
do tick de Uhr hück anders, un ich jläuv dat fing ich jar nit schlimm.
Ihrefeld, mieh Ihrefeld, ding rustikale Oder,
die jitt et hück schon lang nit mieh, hück mät mer dat met Wööder,
wer weiß wofür et jot es, jratuliere, wat beste plötzlich in…
Jo en der Körnerstroß jing alles los,
he leet ich laufe, Rädche fahre, un su manches andere och;
jo en der Körnerstroß wor ich zo Hus,
un ich kumm immer widder her, süht och manches anders us,
doch drissisch Johr wor se mieh ze Hus.
Ihrefeld, mieh Ihrefeld, ich ben op dinger Sick,
han kapier un han jeschnallt, su es der Lauf der Zick.
E Veedel bruch Veränderung, domet et lääv, su wie du.
Ihrefeld, mieh Ihrefeld, doch pass op, op ding Siel,
wenn de Meet immer dürer weed, bezahls do mem Jeföhl,
hüher, schneller, wigger – jäuv et mir, dat mät nit fruh!
Jo en der…
Ich kenn dich hück, ich kenn dich jestern, un ming Woozel, dat bes do;
un ich drück jän alle Duume, dann es et hoffentlich morje och noch esu!
Et hätt noch ens jeschneit, un dat Anfang April,
un ich kenn keine Minsch, der dat wirklich will,
ich räch mich nit op, et hätt keine Zweck.
Du frös dich off, wie sull dat wiggerjonn,
un och ich ben em Trott, de Zick bliev nit stonn,
manches bliet op der Streck, manches es einfach weg.
Un ich froch mich, wat ich eijentlich vermesse,
un do hüls heimlich naaks en de Kesse,
woröm – wat sin dat för Ping?
T´es eijentlich alles perfek, mer muss et nur sin,
wenn mir an uns jläuve, dann krijje mer dat hin,
et stemmp: et hätt alles ne Sinn!
Wenn mer hätt, wat mer will, will mer miehstens noch mieh,
un mer drieht sich em Kreis, verliert Phantasie,
us jung un wild weed alt un satt.
Doch et es jar nix vorbei, wenn mer sich treu bliet,
un nit nur dat Schlächte, nä, ich dat Jode ens süht,
do es suvill, wat ich sare well…
Un ich froch mich…
Jede Daach es en Chance, un jede Naach han ich Angs.
Un dann steihs du do, un jrins vür dich hin,
un dann steihst du do, un en Tron rinnt övver’t Kinn,
wat es dat, wä wor dat – wat es passeet?
Dieh Hätz brennt lichterloh – bei jedem Liebesleed…
Wie kunns do däm Kääl nur sage, hä wör nit dinge Typ,
woher sullsts do och wisse, dat sich dat
öm hundertachtzig Jrad drieht?
Halt dich jot ahn dinger Dräum fess,
do kanns nit verliere, wat do suwiesu nit häs,
jeder kritt, jeder kritt en zweite Chance – kein Angs,
noh jeder Naach kütt ne neue Daach!
Un dann steihs du do, un häs der Zidder en der Häng,
un dann steihs du do, belurs nur noch de wieße Wäng,
blau weed jrau, bunt weed schwatz wie ding Siel,
du kanns nit verstonn, wie sull et wiggerjonn?
Do määs dich selver fäädisch, hey, doch dat es verkeet,
weil et irjendwo irjendwie am Eng suwiesu wiggerjeiht!
Halt dich jot…
En Reis en et Nirjendwo, die irjendwann kütt,
muss jeder ens maache, ov hä well – oder nit.
Och wenn´t janz simpel klingk, su es et manchmol schwer,
zo verstonn wo jonn ich hin, un wo kohm ich her?
Un jetz ben ich en de Wolke doheim,
sinn üch do unge, op der Ääd janz klein,
wie ihr he erop lurt un üch bal der Hals verrenk,
dot dat, doch sidd jlöcklich – jede Daach es e Jeschenk.
Dot dat, doch sidd jlöcklich – jede Daach es e Jeschenk!
Ich hatt noch su vill vüür, doch für nie jet Zick,
wenn mer doch fröher wöss, wat späder passeet.
He ovve es et schön, he deiht mer nix mieh wieh,
doch hätt ich leever Ping, un loot met üch en de Hüh.
Un jetz ben ich…